Metta 7
7
Jedinği bab.
1Hükm etmejinyz, ta ky hükm olunmajasynyz.
2Zira ettygynyz hükm ile siz dachi hükm olunağaksynyz; we ölčtygynyz ölček ile, size ölčyleğek tyr.
3We ničün karyndašynyn gözyndeki čöpe bakup, de kendi gözynde olan mertege dykkat etmezsyn?
4Jachod kendi gözynde mertek bulundygi halde, karyndašyne: »Gel, gözynden čöpi čykarajym,« nasyl deje bilyrsyn?
5Ej müraji! Ewwela mertegi kendi gözynden čykar, we ba’dehu karyndašynyn gözynden čöpi čykarmak ičün ejiğe göreğek syn.
6Mukaddes nesneji kelblere wermejinyz; we inğulerinyzi chynzyrleryn önyne atmajynyz; olmaja ky onlari ajaklari‐le čejnejeler, we dönüp, sizi jyrtalar.
7Taleb edinyz, size weryleğek tyr. Arajynyz, bulağaksynyz. Kapuji čalynyz, we size ačylağak tyr.
8Zira her taleb eden alyr, we arajan bulur, we kapuji čalane ačylağak tyr.
9Ağeba sizden kangi adam bulunur, ki — oglu kendisynden etmek taleb ettygi halde — ona taš were?
10We balyk taleb ettygi halde, ona jylan were?
11Imdi ejer siz, jaramaz iken, ewladynyze eji atyjeler wermegi bilyrsenyz, semawatta olan pederinyz ne kadar ziade kendynden taleb edenlere ny’metler wereğek tyr?
12Imdi adamlaryn size her ne muamele etmelerini istersenyz, siz dachi onlara öjle edinyz; zira šeryat we pejgamberler bundan ybaret tyr.
13Dar kapudan girinyz, zira helake götüren kapu geniš, we jol wasy dyr, we ondan girenlü čoktyr.
14Zira hajate götüren kapu dar, we jol ensyz dyr, we onu bulanlar az dyr.
15Kjazib pejgamberlerden ihtiraz ejlejinyz; onlar size kojun libasi‐le gelyrler; amma batynen kapiği kurd dyrler.
16Onlari mejwelerynden tanyjağaksynyz; dikenlerden üzüm, ja dewe dikenlerden inğir dewširylyr‐mi?
17Böjleğe her eji agağ eji mejwe weryr, we fena agağ fena mejwe weryr.
18Eji agağ fena mejwe weremez; fena agağ dachi eji mejwe weremez.
19Eji mejwe wermejen her agağ kesylüp, ateše atylyr.
20Imdi onlari mejwelerynden tanyjağaksynyz.
21Bana: »Ja rabb, ja rabb!« dejen her kimse melkjut‐üs‐semawata gireğek dejil dyr; anğak semawatta olan pederymyn iradetini fy’le getyren girer.
22Ol günde bana čok kimseler: »Ja rabb, ja rabb, senyn ismynle pejgamberlyk etmedyk‐mi? we senyn ismynle ğinnler čykarmadyk‐mi? we senyn ismynle čok mü’ğizeler iğra etmedyk‐mi?« dejeğekler dyr.
23Ben dachi onlara: »Sizi asla tanymadym; benym janymdan gidinyz, ej fisk išlejenler,« dejü, alenen söjlejeğegym.
24Imdi bu sözlerymi her išidüp, onlari fy’le getyreni kendi chanesini kaja üzerynde bina eden akyl bir adama tešbih ederym.
25We jagmur jagup, we sejller gelüp, we ruzgjarlar esüp, ol chaneje čarptyklerynde, kaja üzerynde teesis olundygi sebebden jykylmadi.
26We bu sözlerymi her išidüp, onlari fy’le getyrmejen, kendi chanesini kum üzerynde bina eden, ahmak bir adama tešbih olunur.
27We jagmur jagup, we sejller gelüp, we ruzgjarlar esüp, ol chaneje čarptyklerynde jykyldi, we onun jykylmasi azim idi.
28We waky oldi ky Ysa bu sözleri tekmil ettygi zeman, chalk onun ta’limine hajran kaldiler.
29Zira onlara ulema gibi dejil, anğak hükjumet sahybi gibi ta’lim ederdi.
Currently Selected:
Metta 7: TURMAT
Tõsta esile
Share
Copy
Want to have your highlights saved across all your devices? Sign up or sign in
Transcribed from the Bible Society edition. Published in Vienna in 1883.