Metta 10
10
Oninği bab.
1We on iki šagyrdyni janyna čagyrüp, napak ruhlar üzerine, onlari ichrağ etmeje, we her new maraz, we her türlü chastalygi def etmeje onlara kudret werdi.
2We on iki resulyn ismleri bunlar dyr, ja’ni: Birinğisi Pedros tesmije olunan Simon ile karyndaši Andraos.
3Zebedi oglu Jakub ile karyndaši Juhanna. Filipos we Bartolomaos. Toma we gömrükči Metta. Helfi ogli Jakub, we Tadeos lakablü Lebbaos.
4Kanawi Simon, we onu ele weren Ischarioti Jehuda.
5Ysa bu on ikileri gönderüp, onlara tenbih ederek, dedi ky: »Tajfeleryn joluna gitmejinyz, we Samarialüleryn bir šehrine girmejinyz.«
6Bit‐terğih bejt‐i Israjilyn zajy olmyš kojunlaryne warynyz.
7We wardygynyzde: »Melkjut‐üs‐semawat jaklašmyš dyr, dejerek, wa’z edinyz.
8Chastalare šifa werinyz. Ğuzamlüleri tathir edinyz. Ölüleri dirildinyz. Ğinnleri ichrağ edinyz. Meğanen aldynyz, meğanen werinyz.
9Kemerlerinyzde ne altun, we ne gümüš, we ne bakyr;
10We jol ičün ne dogarğyk, we ne iki entari, we ne ajak kablari, we ne asa tedarik edinyz, zira išči kendi taamyne lajyk tyr.
11We kangi šehre, we ja kjöje girsenyz, onda kim lajyk oldygyni sual edüp, čykinğeje dejin orada kalynyz.
12We chaneje girdygynyzde, ona selam werinyz.
13We ejer ol chane lajyk ise, selamynyz onun üzerine gelsyn; we ejer lajyk dejil ise, selamynyz size riğat ejlesyn.
14We sizi her kim kabul etmejüp, sözlerinyzi dinlemezse, ol chaneden, jachod ol šehirden čyktygynyzde, ajaklarynyzyn tozyni silkinyz.
15Hakykaten size derym ky: Ruz‐i ğezada Sadum we Gamora dijarynyn hali ol šehryn halynden ehwen olur.
16Ište, ben sizi kojunlar gibi kurdlar arasyne gönderyrym. Imdi jylanlar gibi akyl, we güjerğinler gibi sade‐dyl olunuz.
17Lakin adamlardan sakynyn, zira sizi millet meğlislerine teslim edüp, synagoglerynde döjeğekler dyr.
18Hem dachi benym ičün — onlara we tajfelere šehadet olmak üzre — hakimler we melikler huzuryne ğelb olunağaksynyz.
19Imdi sizi teslim ettykleri zeman; »Nasyl we ne söjlejelym?« dejü, endiše etmejinyz; čünky ne söjlejeğegynyz size ol saatte weryleğek tyr.
20Zira söjlejenler siz dejil sinyz, amma sizde söjlejen pederinyzyn ruhi dyr.
21We karyndaš karyndaši, we peder ewladi ölüme teslim edeğek, we ewlad walidejn alejhine kalkyšüp, onlari öldyreğekler dyr.
22We ismym ičün ğümle tarafyudan bugz olunağaksynyz; lakin kim ki nihajete kadar tehammül ederse, o chalas bulağak tyr.
23We size bir šehirde teaddi ettykleri zeman, digerine firar edinyz, zira hakykaten size derym ky: Ibn‐ül‐insan gelinğeje‐dek, Israjil šehirlerinyn dewrini tekmil etmejeğeksinyz.
24Šagyrd muallymyne, we kul efendisine fajyk dejil dyr.
25Šagyrde muallymi gibi, we kula efendisi gibi olmak kifajet eder. Chane sahybine ba’lzebul dedykleri halde, onun chanesi chalkyna ne kadar ziade dejeğekler dyr.
26Imdi onlardan korkmajynyz; zira kešf olunmajağak machfi, we bilinmejeğek gizlü bir šej joktyr.
27Size karanlykte dedygymi ajdynlykte söjlejinyz; we kulagynyze söjlenyleni damlar üzerynde y’lan edinyz.
28We ğani öldyrmeje kadyr olmajup, ğesedi öldyrenlerdeu korkmajynyz. Lakin hem ğani, hem ğesedi ğehennemde helak etmeje kadyr olandan korkunuz!
29Iki serče bir pula satylmaz‐mi? we onlardan biri pederinyzyn izni olmaksyzin jere düšmez.
30Sizyn ise, bašynyzyn kyllerinyn ğümlesi sajylü dyr.
31Onun ičün korkmajynyz. Siz čok serčelerden efzal sinyz.
32Imdi her kim adamlaryn huzurynde beni ikrar ederse, ben dachi semawatta olan pederymyn huzurynde onu ikrar ederym.
33We her kim adamlaryn huzurynde beni inkjar eder ise, ben dachi semawatta olan pederymyn huzurynde onu inkjar ederym.
34Zemine selamet getyrmeje geldym, zann etmejinyz. Selamet dejil, lakin kylyğ getyrmeje geldym.
35Zira adami pederynden, we kyzi walidesynden, we gelini kajyn walidesynden ajyrmaga geldym.
36We adamyn düšmenleri kendi chanesi chalkyndan olağak tyr.
37Pederi we ja walideji benden ziade sewen bana lajyk dejil dyr; we oglu we ja kyzi benden ziade sewen bana lajyk dejil dyr.
38We chačyni alup, ardymğe gelmejen bana lajyk dejil dyr.
39Hajatyni bulan, onu zajy edeğek, we benym ičün hajatyni zajy eden onu bulağak tyr.
40Sizi kabul eden beni kabul etmyš olur; we beni kabul eden, beni irsal edeni kabul etmyš olur.
41Pejgamber syfeti‐le bir pejgamberi kabul eden, pejgamber eğrini alağak, we salyh syfeti‐le bir salyhi kabul eden, salyh eğrini alağak tyr.
42We her kim bu küčükleryn birine šagyrd syfeti‐le jalynyz bir kjase soguk su ičyryr ise, hakykaten size derym ky: Ol kimse eğrynden asla mahrum olmajağak tyr.
Currently Selected:
Metta 10: TURMAT
Tõsta esile
Share
Copy
Want to have your highlights saved across all your devices? Sign up or sign in
Transcribed from the Bible Society edition. Published in Vienna in 1883.