Luc Ebaanihi e Ntsia e mve e Like
Ebaanihi e Ntsia e mve e Like
Like mvuuru ateendi ntsia e mve e Zezi. Nde abaani osaangumu o nde ki ma oduha ndi, nde aki na ndzala oduha maami a Zezi asi aso, ndzele ndzele. Nde ateendi maami maa eki ma Azife na baari ama esi ekema, mo vua bo ayaa ndi maami ma ayisihi bo aso aki asisiele. Like aki ka Zife ni. Nde se aka ka ntsa aluoni a Zezi Krisi a kuumi na vuele ni. Ŋa nde ayenihi bla ntuma ma atuoloho o Pole, ntsa epiinga e nde. Nde se ayamihi Zezi o dzandza le nde. Nde mvuuru ateendi osaangumu o mo dzandza le antuma ma asihi. Like aduhi maami kuna mo dia le Zezi: dia le nde o baari ma nyiimaha, na baari ma ama bese, bla eleme, na akaasi, na andzia.
Lemono osuumbu ma ama kaba osaangumu o Like ateendi: ebari ekuumi ndziele na ena.
Obari o ntsomi bla o dzuele. Like awobo ma ekulihi e Zan Batise, bla Zezi na obusi o nde. Nde oduhi osuumbu a Mariya bla Zakari, na Simion ma yimi aluumu a Ndziami. Maami maa i mono ntsa esaangumu ekema ni.
Obari otari bla ona. Nde alaha osuumbu a Zan Batise ayi na ayeese ndzila e Zezi. Na osuumbu a Zan ampi Zezi ateeme, na o Dzabri alehi nde oyere.
Obari ona, tii ngo obari owa. Nde alaha maami a Zezi asi ntsa onguundu o Ngalili: nde oyisihi mbari e Ndziami, osalihi abieri.
Obari owa tii ngo obari okuumi na wa. Nde aduha ndi Zezi otsiehi Ngalili ma odze Zerizaleme. Ntsa obari osaangumu o nde ki, Like awobo o maami kuna, ma ali ka ntsa esaangumu ma emo ni, na maami kuna a Zezi ayisihi, na antsintsami mva osi Samari ove, bla nga osolo a ntsimi kali, na muana anyuoŋi, osuohi.
Obari okuumi na wa tii ngo ekuumi dziele na omo. Nde awobo o maami a Zezi asi na a nde ayisihi o Zerizaleme.
Obari ekuumi dziele na dziele tii ngo ekuumi dziele na etari. Nde awobo ma ambaba bla leku le Zezi. Na ma enyusihi na osuumbu a nde alahi nyuru na aluoni a nde.
Obari ekuumi dziele na ena, nde omani osaangumu o nde ma owobo ma osuumbu a Zezi ayeni yulu.
Currently Selected:
Luc Ebaanihi e Ntsia e mve e Like: MDT
Tõsta esile
Share
Copy
Want to have your highlights saved across all your devices? Sign up or sign in
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES