Mateo 11
11
Yeshu na Yowano Mukakuzubilisha
(Luka 7:18-35)
1Oho Yeshu amanishile kufundiziza bandongesha bendi likumi na babili, wafumine ku mwanya uyo wayile na kulongesha na kushimikila mu minzi ya Ngalileya.
2Yowano oho ekalile mu tolongo wayuvwile bya Kilishitu, watumine bamo bandongesha bendi, 3kuya na kumwipula ngayi, “Kati obe uya watoyiwile ngayi ukeza, hinge ndi tutatilile wamina?”
4Yeshu wabakumbwile ngayi, “Bokenu mukatongweze Yowano ebye mukuyuvwa nanebye mukumona. 5#Isha 35:5-6, 61:1. Tushishitwa bakumona, bakakupenga bakwenda, bakabimakwa bakunyongomana, bizika matu bakuyuvwa, bafu bakushanguka, kami ncango zaziwahe zikushimikiwa ku baka kushepwa. 6Bali na mfuywezi baya bakubula nkani hahami.”
7Oho bafumine, Yeshu watatikile kushimikila babengi bya Yowano, wambile ngayi, “Mwayile mukumona bishini mu libelelengwa? Kati lyengile litete lyakunyenkana na mpepo ndi? 8Ndi kaliha noho, haya mwayile mukumona bishini? Mwakamonene muntu wavwalile bivwalo byabiwahe ndi? Bakakuvwala bivwalo byabiwahe bali mu matala a bamyene. 9Haya mwayile mukumona bishini? Mwayile mukumona muluwe ndi? Mwashikuma nikwamba kukwenu ngayi, uyo mwamonene ukupitakana muluwe wa Nyambi. 10#Mal 13:1. Ndaba Yowano niye ou watikitiwile ngayi, ‘Nyambi wambile ngayi, nikatuma ntumwana* kumbili yobe, ou ukawahisha nzila yobe.’#11:10 Nzila yobe: Penza ku Malaki 3:1. 11Mwashikuma nikwamba kukwenu ngayi, mukati ka baya nimwabo bahemuwa hano hanci, kowa wamunene wakupitakana Yowano. Ngoboni ou wamushe mu Wene wa muyilu, nengi wamunene kupitakana Yowano. 12#Luk 16:16. Kufuma ku matena a Yowano Mukakuzubilisha kuleta ku shikati shino, Wene wa muyilu wunayanda na mishunga ya kuwulwisha, bantu ba mishunga banezi na kuwupukula. 13Ndaba ngayi bamiluwe nimwabo na Ndayano za Moshesha zalubulwile kuleta na kuli Yowano. 14#Mal 4:5; Mat 17:10-13; Mak 9:11-13. Ndi mukushinga kukulupila mazu wabo, Yowano niye Eliya* ou balubwilile ngayi ukeza. 15Ou uli na matu akuyuvwa, ayuvwe!
16“Ngoboni mukoka ou washilelo nikuwufwanikiza na bishini? Ukufweka ngonehe batwanuke bali ha mbanza, na kushikana na baminabo hibalibilikiza ngayi, 17‘Twamishibili mpeta, ngoboni shilolo mushinde! Twamimbetele tukonkobele, ngoboni shilolo mulile!’ 18Oho Yowano wazilile kulya na kunwa, ngoboni bantu bambile ngayi, ‘Uli na mayimbwe!’ 19Mwana Muntu wezile halya na kunwa, ngoboni kami bambile ngayi, ‘Monenu muntu wa mutongo na mukakukolwa, muhoni wa bakakutelesha na bakawubi.’ Ngoboni kukeya kwa Nyambi kukulimonekesha kwinga kwa kupwisha mu milimo yendi.”
Minzi yakubula kwitabila
(Luka 10:13-15)
20Niho Yeshu atatikile kwambila minzi yiya atendele bikomokesho byabingi ndaba ngayi shilolo yitenguluke. 21#Isha 23:1-18; Ezek 26:1–28:26; Yowe 3:4-8; Amos 1:9-10; Zeka 9:2-4. “Makando wobe obe Kolazina! Makando wobe obe Mbeteshayinda! Ndaba ngayi bikomokesho biya byatendiwile kukwenu, shinga byatendiwile ku Tile na Shindoni, shinga minzi yiya yatengulukile mwaka na kuvwala bicancolo na kulifukwila mutoko. 22Ngoboni nikumitongweza ngayi, kashushwilo ka Tile na Shindoni kakenga kakashe ku kashushwilo kenu ha Mutena wa Kuyata. 23#Isha 14:13-15; Shit 19:24-28. Kati obe Kapenauma, ukuhanganika ngayi ukakatuliwila kuyilu ndi? Ukayumbiwila mu ngehena. Ndaba bikomokesho byatendiwile kukwobe, shinga nibyo byatendiwile ku Shondoma, shinga nahano niko ashili. 24#Mat 10:15; Luk 10:12. Ngoboni nikukutongweza ngayi, kashushwilo kobe kakenga kakanene ha Mutena wa Kuyata kupitakana ka Shondoma.”
Yekenu kukwami mukatale.
(Luka 10:21-22)
25Ha shikati shiyo Yeshu wambile ngayi, “Nikukukambilila obe Tate, obe Mwene wa muyilu na hano hanci! Ndaba ngayi ebye byambo unabiholeke ku bakangana na bakakuyuvwishisha ngoboni unabihololo ku bakakubula kulilongesha. 26Ingoi, Tate, shili nahiyo ndaba ngayi nimo ukushingila.
27 #
Yowa 3:35, 1:18, 10:15. “Byuma nimwabyo Tate niye wabimpanine, kami kowa muntu ukulimuka Mwana, ndele Tate, kami kowa ukulimuka Tate, ndele Mwana, na nou anahata Mwana ngayi amuholole kukwendi.
28“Yekenu kukwami, pe nikamikatalisha nimwenu munakwanga, enu munashimbi byabilemu, nikamipana kukatala. 29#Yel 6:16. Shimbenu mpongoho yami, kami lilongeshenu byami, ndaba ngayi nili mukakulilimbwilisha na mutima wakubomba, pe mukawana kukatala mu myoyo yenu. 30Ndaba mpongoho yami yayiboto, kami muziho wami wawuhehu.
Currently Selected:
Mateo 11: KK2008
Tõsta esile
Share
Copy
Want to have your highlights saved across all your devices? Sign up or sign in
New Testament in Nkoya © The Bible Society of Zambia, 2008.