JONE 1
1
1 Ko hono Otua, moe tagata, bea moe gaue a Jisu Kalaisi. 15 Koe fakamooni a Jone. 39 Koe ui o Anitelu, mo Bita, & c.
1NAE i he kamataaga ae Folofola, bea nae i he Otua ae Folofola, bea koe Otua ae Folofola, 2Ko ia ia nae i he kamataaga moe Otua. 3Nae gaohi eia ae mea kotoabe; bea nae ikai ha mea e gaohi kae iate ia be. 4Nae iate ia ae moui; bea koe moui koe māma ia oe tagata. 5Bea nae ulo ae māma i he bouli; ka nae ikai ma‘u ia e he bouli.
6Nae ai ha tagata nae fekau mei he Otua, ko Jone hono higoa. 7Nae ha‘u ia koe fakamooni, ke fakamooni ki he Māma, koeuhi ke tui iate ia ae kakai kotoabe. 8Nae ikai koe Māma koia ia, ka koe fakamooni ki he Māma koia. 9Koe Māma mooni ia, oku ne faka-māma ki he tagata kotoabe oku ha‘u ki mamani. 10Nae i mamani ia, bea nae gaohi eia a mamani, ka nae ikai ilo ia e mamani. 11Nae ha‘u ia ki hono kakai, ka nae ikai ma‘u ia e hono kakai. 12Ka ko ia kotoabe nae ma‘u ia, naa ne foaki kiate kinautolu ae monuia ke hoko koe fānau ae Otua, kiate, kinautolu be nae tui ki hono huafa: 13Aia nae ikai fanau‘i i he toto, be i he loto oe kakano, be i he loto oe tagata, ka i he Otua. 14Bea nae hoko ae Folofola koe kakano, bea nofo ia iate kitautolu, (bea naa mau mamata ki hono nāunāu, koe nāunāu oe toko taha nae tubu mei he Tamai,) oku fonu i he aloofa moe mooni.
15Nae fakamooni ki ai e Jone, o kalaga, o behe, Ko eni ia naaku lea ai, Ko ia oku ha‘u muimui iate au, oku lahi ia iate au: he nae mu‘a ia iate au. 16Bea kuo ma‘u ekitautolu kotoabe mei hono fonu, moe aloofa ki he aloofa. 17He nae foaki ae fono ia Mosese, ka koe aloofa moe mooni nae ha‘u ia Jisu Kalaisi. 18Oku ikai ha toko taha kuo ne mamata ki he Otua i ha kuoga; koe Alo be taha nae fakatubu, aia oku i he fatafata oe Tamai, kuo ne fakaha ia.
19Bea koe fakamooni eni a Jone, i he fekau mai e he kakai Jiu ae kau taulaeiki moe kau Livaite mei Jelusalema, ke fehui kiate ia, Kohai koe? 20Bea nae fakaha eia, o ikai fakafiji; kae fakaha be, Oku ikai koe Kalaisi au. 21Bea naa nau fehui kiate ia, Ka kohai? ko Ilaija koe? Bea talaage eia, Oku ikai. Ko koe ae balofita koia? Bea talaage eia, Ikai. 22Koia naa nau behe ai kiate ia, Kohai koe? koeuhi ke mau tala kiate kinautolu nae fekau‘i akimautolu. Koeha hoo lea kiate koe? 23Bea behe eia, Ko au koe le‘o oe toko taha oku kalaga i he toafa, Faka-tonutonu ae hala oe Eiki, o hage koe lea ae balofita ko Isaia. 24Bea nae oe kau Falesi akinautolu nae fekau. 25Bea naa nau fehui, o behe kiate ia, Bea koeha oku ke fai babitaiso ai, o kabau oku ikai koe Kalaisi koia akoe, be ko Ilaija, be koe balofita koia? 26Bea leaage a Jone, o behe kiate kinautolu, Oku ou babitaiso aki ae vai: ka oku tuu iate kimoutolu ae toko taha oku ikai te mou ilo; 27Ko ia ia oku ha‘u fakamuimui iate au, ka oku lahi ia iate au, koe nonoo oe tobuva‘e oona oku ikai tāu mo au ke vete.
28Nae fai ae gaahi mea ni I Betabala itua Joatani, ala nae fai babitaiso ai a Jone. 29Bea koe aho naa na feholo‘i, nae mamata a Jone kia Jisu oku aluage kiate ia, bea ne behe, Vakai ki he Lami ae Otua, aia oku ne ave ae agahala a mamani. 30Ko eni ia naaku behe ai, Oku ha‘u fakamuimui iate au ha tagata aia oku lahi iate au: he nae mu‘a ia iate au. 31Bea nae ikai teu ilo ia: ka koeuhi ke fakaha ia ki Isileli, koia kuou ha‘u ai au, o babitaiso aki ae vai. 32Bea fakamooni e Jone, o behe, Naaku mamata ki he Laumalie oku alu hifo mei he lagi o hage koe lube, o nofo kiate ia. 33Bea nae ikai teu ilo ia: ka ko ia naa ne fekau au ke babitaiso aki ae vai, nae behe eia kiate au, Ko ia te ke mamata e alu hifo ki ai ae Laumalie, o nofo ki ai, ko ia ia oku ne babitaiso aki ae Laumalie Maonioni. 34Bea naaku mamata, bea fakamooni koe Alo eni oe Otua.
35Bea koe aho naa na feholo‘i, nae tutuu a Jone mo ene akoga e toko ua; 36Bea ne jio fakamama‘u kia Jisu, i he ene eveeva, bea behe eia, Vakai ki he Lami ae Otua! 37Bea fanogo ki he ene lea ae ogo akoga, bea na muimui ia Jisu. 38Bea tafoki a Jisu, o mamata ki he e na muimui, o ne behe kiate kinaua, Koeha oku mo kumi? Bea na behe ki ai, Labai, (ko hono uhiga, Akonaki,) oku ke nofo ife? 39Bea behe eia kiate kinaua, Ha‘u o mamata. Bea naa na omi, o mamata ki he botu oku nofo ai ia, o na nonofo mo ia i he aho koia, he ko hono hogofulu nai ia oe feituulaa. 40Koe toko taha o kinaua nae muimui kiate ia i he fanogo kia Jone, ko Anitelu, koe tokoua o Saimone Bita. 41Bea tomua ilo eia hono tokoua oona ko Saimone, o ne behe kiate ia, Kuo mau ilo ae Misaia (ko hono uhiga, Koe Kalaisi.) 42Bea ne omi ia kia Jisu. Bea i he mamata a Jisu ki ai, naa ne behe, Ko koe ko Saimone koe foha o Jona: e ui koe ko Kifasi (ko hono uhiga, Ko Bita.)
43Koe aho naa na feholo‘i, nae loto a Jisu ke alu atu ki Kaleli, bea ilo eia a Filibe, o ne behe ki ai, Muimui iate au. 44Nae mei Betesaita a Filibe, koe botu o Anitelu mo Bita. 45Bea ilo e Filibe a Nataniela, o ne behe ki ai, Kuo mau ilo ia nae tohi ki ai a Mosese i he fono, moe kau balofita, ko Jisu o Nasaleti, koe foha o Josefa. 46Bea lea a Nataniela kiate ia, E tubu ha lelei mei Nasaleti? Bea behe e Filibe kiate ia, Ha‘u o mamata. 47Bea vakai a Jisu kia Nataniela oku ha‘u kiate ia, bea ne behe kiate ia, Vakai, koe Isileli mooni, oku ikai i ai ha kākā! 48Bea lea a Nataniela kiate ia, Oku ke ilo‘i au meife? Bea talaage e Jisu, o behe kiate ia, I he teeki ui koe e Filibe, i hoo i he lolo fiki, neu ilo‘i koe. 49Bea lea a Nataniela, o behe kiate ia, Labai, koe Alo koe oe Otua; koe Tu‘i koe o Isileli. 50Bea lea a Jisu, o behe kiate ia, Koe mea i he eku tala kiate koe, Neu ilo‘i koe i he lolo fiki, oku ke tui ai? Te ke mamata ki he gaahi mea lahi hake i he mea ni. 51Bea tala eia kiate ia, Koe mooni, koe mooni, oku ou tala atu kiate kimoutolu, Te mou mamata amui ki he lagi kuo matagaki, bea moe kau agelo ae Otua oku alu hake mo alu hifo ki he Foha oe tagata.
Currently Selected:
JONE 1: TWB
Tõsta esile
Share
Copy
Want to have your highlights saved across all your devices? Sign up or sign in