Matthaw 2
2
PENNOD II.
Y Magi yn cael ei cyfarwyddo at Christ trwy ymddangosiad ei seren. Ioseph a’r Iesu a’i fam yn ffoi i’r Aigypt. Herod yn lladd y plant ac yn marw. Dychweliad Christ i Galilaia.
1AC wedi geni yr Iesu yn Bethlehem Iudaia, yn nyddiau Herod, wele y Magi#2.1 Am hanes y Magi, eu athrawiaeth a’u llyfrau, gwelwch Iamblichi de Mysteriis liber, in notis ad finem. Stanley’s History of Philosophy. Neu y gair Magi yn yr Encyclopedia Saesonig. a ddaethant o’r dwyrain i Ierusalem gan ymofyn. 2Pa le y mae’r hwn a anwyd yn frenin i’r Iuddaion? canys gwelsom ei seren#2.2 “Cyntaf fu, er mynnu mawl, Y Seren dêg fesurawl, A weled gynt, o wlad Gain Yn nod Aur yn y Dwyrain; Yn arwydd, cyhudrwydd cêd Geni’r Brenin gogoned.” Iolo Goch. O.C. 1402. ef yn y dwyrain, a daethom i’w gyfarch ef. 3Pan glybu y brenin Herod am hyn, efe a gythryblwyd, a holl Ierusalem gyd ag ef. 4A gwedi dwyn ynghŷd yr holl arch-offeiriaid, a ysgrifenyddion y bobl, efe a ymofynodd a hwynt, pa le genid y Christ. 5Hwy a ddywedasant wrtho, Yn Bethlehem yn Iudaia; canys fel hyn yr ysgrifenwyd gan y prophwyd, 6A tydi Bethlehem yn dir Iudaia, nid wyt y lleiaf yn mlith y llywodraetheu yn Iudaia; canys o honot ti y daw llywydd yr hwn a bortha fy mhobl Israel. 7Yna Herod yn galw y Magi yn ddirgel, a gafodd lawn wybodaeth am amser ymddagosiad y seren. 8A gan eu danfon i Bethlehem, efe a ddywedodd, Ewch, ac ymofynwch yn fanwl am y mab bach; a pan gaffoch ef, hyspyswch i mi, fel y gallwyf finnau ddyfod i’w gyfarch ef. 9A hwy gwedi clywed y brenin a aethant allan: ac wele y seren a welsant yn y dwyrain a aeth o’u blaen hwy, hyd iddi fyned a sefyll goruwch y lle yr oed y mab bach. 10A phan welsant y seren felly, llawenychasant a llawenydd mawr rhagorol. 11A pan aethant i’r tŷ, hwy a gawsant y mab bach gyd â Maria ei fam, yna gan ymostyngu cysanasant ef; ac wedi agorid eu sacheu cynnygasant iddo anrhegion; aur, a thus, a myrr. 12Ac wedi eu rhybuddio gan freuddwyd, na ddychwelent at Herod, hwy a giliasant i’w gwlad trwy ffordd arall. 13Ac wedi iddynt ymadaw, wele cennad yr Arglwydd yn ymddangos i Ioseph mewn breuddwyd, gan ddywedyd, Cyfod, cymmer y mab bach a’i fam, a ffo i’r Aigypt, a bydd yno hyd oni ddywedwyf i ti: canys y mae Herod yn ceisio y mab bach i’w ladd ef. 14Yna fe a gyfododd ac a gymmerodd y plentyn a’i fam o hŷd nos, ac a giliodd i’r Aigypt. 15Ac a fu yno hyd farwolaeth Herod; fel y cyflawnid yr hyn a ddywedwyd gan yr Arglwydd trwy y prophwyd, pan ddywedodd, O’r Aigypt y gelwais fy mab. 16Yna Herod pan weles ei dwyllo gan y Magi, a ffrommodd yn fawr, ac a ddanfonodd, ac a laddodd pob bachgen a oedd yn Bethlehem, ac yn ei holl gyffiniau, o ddwyflwydd oed a than hynny, yn ol yr amser y gafodd wybodaeth oddi wrth y Magi. 17Y pryd hynny y cyflawnwyd yr hyn a ddywedasid gan Ieremias y prophwyd, pan ddywedodd, 18Llef a glywyd yn Rama, galar, ac wylofain, ac ochain mawr; Rachel yn wylo am ei meibion, ac ni chymmerai ei chysuro, o herwydd nad oeddynt, 19Ond pan fu farw Herod, wele cennad yr Arglwydd yn ymddangos mewn breuddwyd i Ioseph yn yr Aigypt, 20Gan ddywedyd, Cyfod a chymmer y mab bach a’i fam, a dos i dir Israel: canys bu farw y rhai oedd yn ceisio bywyd y plentyn. 21Yna cyfododd a cymmerodd y plentyn a’i fam, ac a ddaeth i dir Israel. 22Eithr pan glybu fod Archelaos yn llywodraethu ar Iudaia yn lle Herod ei dad, efe a ofnodd fyned yno. Ac wedi ei rhybyddio mewn breuddwyd efe a giliodd i barthau Galilaia. 23Ac a aeth, ac a drigodd mewn dinas a elwid Nazaret: fel y cyflawnid yr hyn a ddywedasid trwy’r prophwydi, Y fe a geiff ei alw yn Nazaraiad.
Currently Selected:
Matthaw 2: JJCN
Tõsta esile
Share
Copy
Want to have your highlights saved across all your devices? Sign up or sign in
Y Cyfammod Newydd gan John Jones. Argraffwyd gan John Williams, Llundain 1808. Cafodd y testun ei ddigideiddio gan Gymdeithas y Beibl yn 2021.