Uumama 28
28
1Isaaqooni Yakobo yaame eebise waan jed'eeni, Dubra gosa Kanaani imfuud'iini. 2Amma kai, worra akhaakhu keeti ka Mesopotamia jiru d'aqi, dubra abuyya kanke Labani toko fuud'i. 3Waaqi Guddaani si eebise halkuma si qajeelche, ilmaani heddu sii kenne akasiini gosa heddu si tolchinna. 4#Uum 17.4-8 Inni akuma Abrahamu eebise siifi ilmaani tanteeti eebise lafa atini amma keesa jirtu tana, ta duri inni Abrahamuu kenne, tante tolchinna. 5Akanaani Isaaqooni Yakobo Mesopotamiati gara Labani erge. Labaniini suni ilma Bethueli, ka gosa Arami; ammalle inni oboleesa Rebeka, ta haad'a Yakobootiifi Esau.
Aka Esauuni niiti d'ibi fuud'e
6Esauuni aka Isaaqooni Yakobo eebise dubra fuud'iti Mesopotamiati erge, ammalle aka inni, ato eebisu, Dubra gosa Kanaani imfuud'iini jed'eeni d'agaye. 7Ammalle aka Yakobooni dubbi abbaafi haad'a ufii d'agaye Mesopotamia d'aqe d'agaye. 8Jennaani Esauuni aka abbaani isaa Isaaqooni dubra gosa Kanaani jibbe arge. 9Tanaafi inni gara Ishmaeli ilma Abrahamu d'aqe, intala isaa ta Mahalathi jed'ani, oboleeti Nebayothi, fuud'e.
Aka Yakobooni Betheliti oobju oobjate
10Yakobooni Beershebaa kae kara Harani iti d'aabate. 11Karaati aduuni iti d'iinnaani fulluma suni d'akha fud'ate mata jala saabate ufiraa bule. 12#Yoh 1.51 Duuba oobjate, riiqa d'eera gubbafi lafati eju, ka malaikaani gula gabuute gula oldeebitu, arge. 13#Uum 13.14-15 Yo inni jed'e, kuno, AABBO Waaqi bira eja. Waaqi waan jed'eeni, Anini AABBO, Waaqa Abrahamutiifi ka Isaaqo; lafa atini amma ira ch'iiftu tana sifi ilmaani teetii kenna. 14#Uum 12.3; 22.18 Isiini aka biyye tana taate, lafa tana mirgaa bitaa fud'atte sifi ilmaani teetiini gochi ch'ufti eeba argatti. 15Ammalle si wahelche, fulla atini deemtu ch'ufati si qorqorad'e, lafa tanati si deebisa. Anini si illakisu, haga waan sii tolcha siini jed'e ch'ufa sii guututi.
16Jennaani Yakobooni damaqe waan ufiini jed'e, D'uguma, AABBO Waaqi arma fulla tana jira, ammo duraani akana inseene. 17Inni rifate waan jed'e, Fullaani tuni akami nama d'eechifti! Waan d'ibiniti, fullaani tunini mana Waaqaati, yokhaani karra gubbaa.
18Lafti bariite jennaani Yakobooni lafaa kae d'akha mata saabate kaani fuud'e, aka akheekha old'aabe d'ad'aani muude woyyoomse. 19Duuba fulla suni maqa Betheli baaseefi, ammo fulla suni duri dira toko ka maqaani Luzuti jira. 20Jennaani Yakobooni kakhate waan AABBO Waaqaani jed'e, Hojja atini na wahelchite imaltu tiyya keesati na qorqoratte beelafi daara na baafte, 21ammalle nagayaani worra keennati na deebifte, siumati Waaqa kiyya taha. 22Fullaani anini d'akha kana akheekhaa old'aabe tunini mana kanke taati; ammalle waan atini naa kennite ch'ufa kud'ani keesa toko sii kenna.
Aka Yakobooni worra Labanitiini bahe
Currently Selected:
Uumama 28: BOR
Tõsta esile
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.