Uumama 17
17
1Ganni Abramu sagaltami sagali geennaani AABBO Waaqi isati mullate waan jed'eeni, Anini Waaqa Gudda. Na ch'aqasi, waan hamtu intolchini. 2Anaafi sii wold'aqisa woliini tolfanne ilmaani heddu sii kenna. 3Abramuuni Waaqa dura gajed'e, Waaqi waan jed'eeni, 4Anini wold'aqisa si woliini tolfad'e, abba gosa heddu taata. 5#Rum 4.17Arraa achi maqaani kanke Abramuniti ammo Abrahamu siini jed'ani, wonti akanatiifi anini ya abba gosa heddu si tolche. 6Anini si daraarse ilmaani tante gosa heddu sii tolche, ta garileeni hayyu taati.
7 #
Luk 1.55 Anini wold'aqisa siifi ilmaani teetifi d'aloota d'ufule woliini tolfad'u jabeese, wold'ageetiini teenna ta jiru jireenna taati. Anini Waaqa keetifi ka ilmaani tanteeti taha. 8#Huji 7.5 Lafa amma atini iti keessuma tana anini sifi ilmaani teeti kenna. Lafti Kanaani ch'ufti ta ilmaani teeti taati haga jiru jireennale, anileeni Waaqa worraa taha.
9Waaqi waan Abrahamuuni jed'e, Atileeni gama kanketiini, sifi ilmaani tante ta d'aloota d'ufu, wold'ageeti tiyya tana jabeesa. 10#Huji 7.8; Rum 4.11 Wold'ageetiini jiddu tiyyafi teesani, ta sifi ilmaani tante jabeesu maltani, tana: ilma d'iira keesani ch'ufa qabanqaba qabaafi. 11-12Arraa achi ilma d'iira ka haga d'alate saddeeti bule, tisse worra keesani keesa d'alatte taanaani, ta horiini bitani taanaani, qabanqaba qabaafi. Wold'ageetiini tiyyafi teesani tanaani beekhani. 13Nama d'alate ch'ufa qabuufi malani, akanaani wold'ageetiini teenna nafa keesani ira mullatti, haga jiru jireenna. 14Ilma d'iira ka qabanqaba inqabatini gosati inheregani, waan inni wold'ageeti teenna injabeesiiniifi.
15Waaqi waan Abrahamuuni jed'e, Arraa achi niiti tante Sarai jette iyyaamiini, Sara jed'i yaami. 16Ani isii eebisa, aka isiini ilma sii d'altu. Ani isii eebise, isiini haad'a gosa heddu taate, ilmaani isiileeni ta gari hayyoota taati.
17Abrahamuuni Waaqa dura gajed'e, mame koble waan ufiini jed'e, Isii, nami ganna d'iba toko gahe akami ilma d'ala? Saraleeni d'ugumati ganna sagaltamati ilme ind'alti? 18Waan inni Waaqaani jed'e, Ishmaeliini na d'aale ho?
19Ammo Waaqi waan jed'eeni, Hiyo, intaatu. Niitiini tante Saraani ilma sii d'alti, atini maqa Isaaqo baasiifi. Anini isaafi ilmaani isaale wold'aqisa haga jiru jireenna woliini tolfad'a. 20Anini kad'acha tante ta waan Ishmaeli la d'agaye, waan kanafi isaa eebise daraarse ijoolle heddu kennaafi. Inni abba jaallaba kud'ani lama tahe, anini d'aloota isaa gosa guddo tolcha. 21Ammo anini wold'aqisa kiyya ka ilma kanke Isaaqo woliini tolfad'u, ka Saraani mara woga tana sii d'altu, injabeesa. 22Waaqi dubbi tana buufate jennaani Abrahamu biraa olgale.
23Guyyuma suni Abrahamuuni ilma isaa Ishmaelifi nama d'iira ka worra isaa keesati d'alate, tisse mana isaa keesati d'alatte, ta horiini bitani wolumaani, qabanqaba qabeefi. 24Abrahamuuni gaafa qabanqaba qabate ganni isaa sagaltami sagali, 25ka ilmi isaa Ishmaeli kud'ani sadi. 26-27Worri lachu, tissele worrale woliini, guyyuma taka qabanqaba qabate.
Aka Abrahamuuni, Ilma d'alta jed'aniini
Currently Selected:
Uumama 17: BOR
Tõsta esile
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.