Bahisa 31
31
1AABBO Waaqi waan Musani jed'e, 2Anini yayu Bezaleli, ilma Uri, akhaakhu Huri, ka gosa Yuda, fohad'e 3jabeenna kiyyaani guute. Ammalle anini yayu hubachafi ogumafi qalbi waan harkaani mid'aasanile kenneefi 4aka inni dandae waan heddu herege, worqifi qarsi sibiila diimani mid'aasu; 5ammalle aka inni d'akha ch'ululuqa ch'ire faaya mid'aasu, aka mukha boch'e ammalle oguma aka heddu ta woini tolchani beekhu. 6Ammalle anini yayu Oholiabu, ilma Ahisamaki, ka gosa Dani, fohad'e wahela tolcheefi. Ammalle anini yayu ogeeyi d'ibile qalbi oguma guddo kenneefi, aka worri dandae waan anini, Mid'aasa jed'e ch'ufa mid'aasu: 7Waaro Woyyuma, Sanduqa Wold'aqisatiifi qadaada isaa, miha Waaro suni ch'ufa, 8mesafi miha isaa woliini, waan ifseeni ira ejitu, ka worqi ch'allaani mid'aasanifi miha isiile ch'ufa, waan mesa fakaata ka hit'aana irati aarsani; 9waan mesa fakaata ka sorio irati gubanifi miha isaale, qori guddo bisaani iti d'iqatanifi waan isiini ira ejitule; 10woya mimid'aadu Harunifi ilmaani isaa hojja huji qaallu hojattu keeyatanifi 11d'ad'a muudatiifi waan urgooftu ta fulla qulqullo mid'aasanile. Hojja worri waan kana ch'ufa mid'aasu, ha akuma anini siti hime kaani gula mid'aasu.
Guyya Sabato ka oolma
12AABBO Waaqi waan Musani jed'e, 13Waan atini worra Israelitini jettu, Guyya kiyya ka Sabato jabeesa, wonti akanatiifi guyyaani kunini akheekha jiddu tiyyafi teesani jiru, haga d'aloota keesani ch'ufa, ka aka anini, AABBO Waaqi, isani nama kiyya tolfad'e agarsiisu. 14Guyya Sabato qaabad'a, guyya oolma tolfad'a, wonti akanatiifi guyyaani kunini guyya qulqullo. Nama aada guyya suni balleese ha ijeesani. Ammalle nama guyya suni huji hojate ha gosa keesaa baasani. 15#Bah 20.8-11; 23.12; 34.21; 35.2; Law 23.3; Qab-Ser 5.12-14 Guyya jaa huji teesani ch'ufa tolfad'a, ammo guyyaani torbeeso guyya Sabato qulqullo, ka AABBO Waaqa keesaniti, oola, nama guyya Sabato suni hojate inijeesani. 16Tanaafi worri Israeli ha d'aloota worra ch'ufa keesa guyya Sabato qaabate guyya oolma tolfate, akasiini akheekha wold'aqisa garsiisu. 17#Bah 20.11 Guyyaani suni akheekha haga jiru jireennati, ka jiddu tiyyafi worra Israeli jiru; wonti akanatiifi anini, AABBO Waaqi, guyya jaa keesati lafafi gubba uume, guyya torbeeso oole hafuura baafad'e.
18Eegi Waaqi gaara Sinai irati dubbi Musani jed'e ch'ufa buufate, inni d'akha hafalicha ka inni harka ufitiini seera irati t'aafe kaani iti kenne.
Korma worqi
(Qaabacha Seera 9.6-29)
Currently Selected:
Bahisa 31: BOR
Tõsta esile
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.