Bahisa 20
20
1Waaqi dubbi tana dubbate waan jed'e: 2Anini AABBO Waaqa kanketi, ka lafa Misiri fulla atini tisse iti tate keesaa si baase.
3Na male, waaqoota d'ibi inkad'atiini.
4 #
Bah 34.17; Law 19.4; 26.1; Qab-Ser 4.15-18; 27.15 Akheekha waan tokole, ka lafafi gubbafi bisaani lafa jala jirale boch'ite imid'aafatiini. 5#Bah 34.6-7; Hen 14.18; Qab-Ser 7.9-10 Waan boch'ani mid'aasani kana tokole dura gajette inkad'atiini; wonti akanatiifi anini, AABBO Waaqi kanke, waan d'ibi na biraani kad'atani inoobsu. Anini ammalle nama jibbuufi d'aloota worraa ka sadeesotiifi ka afreesole gaargala itiini d'ufa. 6Ammo anini d'aloota kunki kunki ka na jaalate seera kiyya guutu jaalad'e nahaafi.
7 #
Law 19.12
Maqa kiyya ufumaa ind'aini, wonti akanatiifi anini, AABBO Waaqi kanke, nama ufumaa maqa kiyya d'au wollaala iti mura.
8 #
Bah 16.23-30; 31.12-14 Guyya Sabato qaabad'u, qulqullo tolfad'u. 9#Bah 23.12; 31.15; 34.21; 35.2; Law 23.3 Guyya jaa huji tante ch'ufa hojad'u, 10ammo guyyaani torbeeso guyya Sabato ka AABBO Waaqa kanketiti. Guyya suni huji tokole inhojatiini, si taanaani, ijoolle tante taanaani, tissele tante taanaani, hori kanke taanaani, yokhaani keessuma tantele taanaani; guyya suni ooli. 11#Uum 2.1-3; Bah 31.17 Wonti akanatiifi AABBO Waaqi guyya jaa keesati gubba, lafa, galaanafi waan keesa jirale ch'ufa mid'aase, guyya torbeeso hafuura baafate. Tanaafi AABBO Waaqi Sabato eebise qulqullo tolche.
12 #
Qab-Ser 27.16; Mat 15.4; 19.19; Mar 7.10; 10.19; Luk 18.20; Efs 6.2,3 Abbeetiifi haateti saalfad'i, aka lafa AABBO Waaqi sii kenne keesati lubbuuni tante d'eerattu.
13 #
Uum 9.6; Law 24.17; Mat 5.21; 19.18; Mar 10.19; Luk 18.20; Rum 13.9; Yak 2.11 Nama inijeesiini.
14 #
Law 20.10; Mat 5.27; 19.18; Mar 10.19; Luk 18.20; Rum 13.9; Yak 2.11 D'iirafi nad'eeni wolbaratte gaarayule woli intolfatini.
15 #
Law 19.11; Mat 19.18; Mar 10.19; Luk 18.20; Rum 13.9 Woma inhatiini.
16 #
Bah 23.1; Mat 19.18; Mar 10.19; Luk 18.20 Nama tokole yakite waan d'araatiini inhimatini.
17 #
Rum 7.7; 13.9 Waan nami d'ibiini qabu, mana isaa taanaani, niiti isaa taanaani, tisse isaa taanaani, looni isaa taanaani, yokhaani harrele, waan inni qabufu, tokole ind'arainiifi.
Soda biyyiti sodaatte
(Qaabacha Seera 5.22-33)
18 #
Rum 7.7; 13.9 Duuba nami ch'ufti mandisufi angaasufi qonqo magalatatiifi aara gaara keesaa kau arginaani sodaate hollate, gaara ira fago ejaanjani 19waan Musani jed'ani, Atini nuuni dubbad'i, nu si ch'aqamna, ammo Waaqi ch'allaani nuuni indubbatiini; yo inni nuuni dubbate nu inhobaana.
20Jennaani Musani waan biyyaani jed'e, Insodaatina; wonti akanatiifi Waaqi isani laalu d'ufe, aka isani isa sodaatani ch'ubbu intolchine. 21Duuba biyyiti fago ejaanjite, ammo Musani dukana sipe taani fulla Waaqi jiruti deeme.
Aada fulla sorio iti baasani
22AABBO Waaqi waan Musani jed'e, Waan atini worra Israelitini jettu, Isani yayu gartani, aka anini gubbaa isaniini dubbad'e. 23Isani waaqoota d'ibi ka qarsi yokhaani worqiini mid'aasani anani wolti qabdani inkad'atiina. 24Fulla sorio iti qalani biyyeeni naa mid'aasa, ammalle artiti sorio hoolatiifi ta looni gubaa na baasa, aka sorio wold'ageeti taatu; fulla anini fohad'e isani iti na kad'attani ch'ufa anini d'ufe isani eebisa. 25#Qab-Ser 27.5-7; Yos 8.31 Yo isani waan sorio irati baasani d'akhaani naa mid'aasitani, d'akha boch'aniini imid'asiina; wonti akanatiifi yo isani d'akha hoot'ani, ya waan naa himmalliini tolchitani. 26Waan sorio irati baasani suni, faano gula olkorani iti intolchina; wonti akanatiifi yo isani gula olkortani, qullati isani mullata.
Waan tissele tolchani
(Qaabacha Seera 15.12-18)
Currently Selected:
Bahisa 20: BOR
Tõsta esile
Share
Copy
Want to have your highlights saved across all your devices? Sign up or sign in
Borana Bible © Bible Society of Kenya, 2019.