PĚNDARIADI 1
1
Biong pěndariadi dunia patikụ
1Nạung su tětạe, piạ Duata nanětạ e něndiadi dunia patikụ,#1:1: Nạung su tětạe, piạ Duata … dunia patikụ, arau Su tempon Duata něnětạ něndiadi dunia patikụ, arau Nạung su tětạe Ruata něndiadi dunia patikụ. 2banua e reng tawẹ luhude, ringangu wědang kal᷊emboghang. Laudẹ̌ mal᷊oange mẹ̌gẹ̌galumbang, manakạewe patikụ sabarang, kụ nihěmbungangkeng kararěndung pinẹ̌kětunge, kaiso kawasan Duata e nẹ̌karadiahangke su wowong akẹ.#1:2: Su werang Ibrani wotonge lai itungkang kaiso Rohkẹ̌u Mawu arau ringangu anging bọu anun Duata arau ringangu anging maihạ. 3#2Kor. 4:6 Duata e něhengetang, ”Kariadiko tualagẹ̌!” Tangu piạ e tualagẹ̌. 4Duata e mal᷊uasẹ̌ nakasilo ene. Bọu ene nihaene tualagẹ̌ e wọu kararěndung, 5kụ nisěbạ e tualagẹ̌ e ”Ěllo” ringangu kararěndung e, ”Hěbi”. Ene hěbi e napal᷊use, kụ namal᷊ukade. Kụ ene tangu ěllo kahumotongange.
6-7 #
2Ptr. 3:5
Bọu ene Mawu Ruata e něhengetang, ”Kakoạko ral᷊ingkubẹ̌ sěmbaụ ipaměta akẹ makoạ duang kamonaěng, mase ipěnanara tampạ e rarua.” Tangu ene nariadị e. Kerene Mawu Ruata e nẹ̌koạ dal᷊ingkube kụ něměta akẹ apang su al᷊ungu dal᷊ingkubẹ̌ ene bọu akẹ apang su wowone. 8Dal᷊ingkubẹ̌ ene tangu nisěbạe, ”Langị”. Hěbi e napal᷊use kụ namal᷊ukade. Kụ ene tangu ěllo karuane.
9Bọu ene tangu Ruata e něhengetang, ”Kaelehẹ̌ko akẹ su al᷊ungu langị e sorong tampạ e sěmbaụ mědeạu ěntana e ikasilo.” Tangu ene nariadị e. 10Mawu Ruata e napasẹ̌bạeng ěntana ene, ”Rul᷊unge”, ringangu komol᷊ang u akẹ e, ”Laudẹ̌” kụ Mawu Ruata e mal᷊uasẹ̌ nakasilo ene. 11Saụ kapia Mawu Ruata něhengetang, ”Ěntana e tuwoingkon haghing kakaluang, kụ haghine makạual᷊i manga watune ringangu haghine makaual᷊ịewe wua-bua.” Tangú ene e nariadị e. 12Kerene kakakoạ u ěntana e mapasẹ̌bang u haghing kakaluang. Kụ Mawu Ruata e mal᷊uasẹ̌ nakasilo e. 13Hěbi e napal᷊use kụ namal᷊ukade. Kụ ene tangú ěllo katěllune.
14-15Bọu ene Mawu Ruata e něhengetang, ”Kariadi piạko mangạe apạe makatualagẹ̌ su l᷊angị kụ manualagẹ̌ dunia, waugu mapẹ̌dal᷊ahaeng ěllo wọu hěbi, ringangu pěnialaěngu tempone manětạ u ěllo, taung, dingangu ěllong kawawantugu agama.”#1:14-15: Ěllong kawawantugu agama arau musunge. Tangu hal᷊ẹ̌ ene nakoạ. 16Tangu kerene Mawu Ruata e napakariadin barang makạtualagẹ̌ ene rarua kụ masaria e, kụ kai matangěllo e baugu mẹ̌kawasa ěllo e ringangu wul᷊ang mědeạu mẹ̌kawasa hěbi, sul᷊ikudu ene tangu mal᷊aing kinoạ e kal᷊awọu wituing. 17Mawu Ruata e naměllo u kal᷊awọu apa tamai ene makạtualagẹ̌ e su l᷊angị ipěnualagẹ̌ dunia, 18ipěngawasa ěllo ringangu hěbi, ringangu waugu mapẹ̌dal᷊ahaěng tualagẹ̌ e wọu kararěndung. Tangu Mawu Ruata e mal᷊uasẹ̌ makasilo hal᷊ẹ̌ ene. 19Ene hěbi napal᷊use, ringangu namal᷊ukade. Kụ ene tangu kai ěllo kaěpạe. 20Bọu ene Mawu Ruata e něhengetang, ”Kariadiko kal᷊awọu haghing diadikang biahẹ̌ měgẹ̌gaghal᷊ěgehẹ̌ su ral᷊ungu akẹ dingangu manga manụ u winalangenge měmpạhuntěllạ su winangaeng.” 21Tangú Mawu Ruata e napakariadin kal᷊awọu binatangu l᷊audẹ̌ gaghagherẹ, dingangu kal᷊awọu haghin diadikang biahẹ̌ su ral᷊ungu akẹ, ringangu lai haghim manụ u kinoaěng. Tangú Mawu Ruata e mal᷊uasẹ̌ makasilo ene. 22Duata e měngal᷊amatẹ̌ patikụ e kụ měngoro su riadikang biahẹ̌ su ral᷊ungu akẹ tadeạu pahuntinamba kụ pemenẹ laudẹ̌, dingangu su manga manụ u winalangeng tadeạu pahuntinamba. 23Ene hěbi e napal᷊use kụ namal᷊ukade. Kụ ene tangú ěllo kal᷊imane.
24Bọu ene Mawu Ruata e něhengetang, ”Kariadiko dunia e mapasěbang u haghim binatang u rul᷊unge, kụ mal᷊ahoro ringangu maghaghaěng, gaghuwạ arau rarodọ.” Tangú hal᷊ẹ̌ ene e nariadị e. 25Kerene Mawu Ruata e nẹ̌koạ patikụ ene, kụ i Sie měngkate apạe mal᷊uasẹ̌ nakasilo ene.
26 #
1Kor. 11:7
Mase Mawu Ruata e něhengetang, ”Ini e i Kitẹ dingangu mẹ̌koạko taumata kụ makoạ kere i Kitẹ dingangu mẹ̌papangawẹ i Kitẹ. I sire kai sarung mẹ̌kawasa kal᷊awọu kinạ, kal᷊awọu manụ u kinoaěng dingangu patikụ haghim binatang bal᷊ine, baewe maharo ore lai maghaěng,#1:26: Sěmbaụ tungkangu kal᷊imane: binatang bal᷊ine, baewe maharo ore lai maghaěng, Ibrani: binatang maharo ringangu kasěllahu dunia. limembong kasěllahe arau kakadodọ e.” 27#Mat. 19:4; Mrk. 10:6 #Pěnd. 5:1-2 Kerene Mawu Ruata e něndiadi taumata, kụ kinoạe i sire kere watangengʼE. Kinoạe i sire esẹ dingangu wawine. 28Bọu ene nial᷊amatengʼE i sire ringangu něhengetang, ”Pěmpěhitẹ e pakal᷊awọ, tadeạu hitenu e mẹ̌tumanạ su kasẹ̌llahu wowon dunia ini e mase měkakawasane. I kamene Takụ ipẹ̌tangkiang kal᷊awọu haghing kinạ, manụ u kinoaěng dingangu kal᷊awọu haghing binatang dul᷊u wal᷊ine. 29Makoạ kaěng i kamene tangu Takụ onggotangu haghing kakaluang mẹ̌gẹ̌gěllịu manga watune ringangu wua-bua. 30Arawe waugu haghing manụ u kinoaěng dingangu binatang dul᷊u wal᷊ine e, Takụ gěllirangu pěpạ ringangu manga sasuang mědẹ̌daukalu e makoạ kaěnge.” Tangu ene nariadị e. 31Mawu Ruata e němanda patikụ apan seng kinoạ e ene, kụ i Sie měngkate apạe mal᷊ua-l᷊uasẹ̌. Tangú hěbi e napal᷊use ringangu namal᷊ukade. Kụ ene kai nạung ěllo kaěnnunge.
Currently Selected:
PĚNDARIADI 1: SXN
Tõsta esile
Share
Copy
Want to have your highlights saved across all your devices? Sign up or sign in