GENESIS 5
5
Turonan Adam
(1 Kro. 1:1-4)
1 #
Gen. 1:27-28
Jetoh horoi rinting turonan Adam [Metoh Hatalla manjapa olon, injapae ewen kilau ampin Hatalla kabuat. 2#Mat. 19:4; Mrk. 10:6 Injampae ewen hatue tuntang bawi. Ie mamberkat ewen tuntang manyewut ewen “Olon”.] 3Metoh Adam 130 nyelo umure, ie mandino anak hatue je ampie kilau ie kabuat, palus inengae arae Set. 4Limbah te Adam magon belom katahin 800 nyelo tinai tuntang mandino kare anak je beken. 5Ie matei hong umur 930 nyelo.
6Metoh Set 105 nyelo umure, ie mandino anak hatue, arae Enos. 7Limbah te Set magon belom 807 nyelo tinai tuntang mandino kare anak beken. 8Ie matei hong umur 912 nyelo.
9Metoh Enos 90 nyelo umure, ie mandino anak hatue, arae Kenan. 10Limbah te Enos magon belom 815 nyelo tinai tuntang mandino kare anak beken. 11Ie matei hong umur 905 nyelo.
12Metoh Kenan 70 nyelo umure, ie mandino anak hatue, arae Mahalaleel. 13Kenan magon belom 840 nyelo tinai tuntang mandino kare anak je beken. 14Ie matei hong umur 910 nyelo.
15Metoh Mahalaleel 65 nyelo umure, Ie mandino anak hatue, arae Yared. 16Limbah te Mahalaleel magon belom 830 nyelo tinai tuntang mandino kare anak je beken. 17Ie matei hong umur 895 nyelo.
18Metoh Yared 162 umure, ie mandino anak hatue, arae Henokh. 19Limbah ie manak Henokh, Yared magon belom 800 nyelo tinai tuntang mandino kare anak beken. 20Ie matei hong umur 962 nyelo.
21Metoh Henoh 65 nyelo umure ie mandino anak hatue arae Metusalah. 22Limbah te Henokh belom hong kehinje dengan Hatalla katahin 300 nyelo. Ie mandino kare anak je beken 23tuntang umure manyampai 365 nyelo. 24#Ibr. 11:5; Yud. 14 Awi Henokh harajur heret dengan Hatalla, ie lilap induan awi Hatalla.
25Metoh Metusalah 187 nyelo umure, ie mandino anak hatue, arae Lamekh. 26Limbah te Metusalah magon belom 782 nyelo tinai tuntang mandino kare anak je beken. 27Ie matei hong umur 969 nyelo.
28Metoh Lamekh 182 nyelo umure, ie mandino anak hatue. 29Lamekh hamauh, “Anak toh akan mampahian gawin itah metoh itah bagawi babehat nguan petak je inyapa Tuhan.” Awi te Lamekh manggare anak te Noah.#5:29: Noah: Huang basa Ibrani auh sewut aran toh sama kilau auh bawak kotak je rimae “mahian” atawa “kahian”. 30Limbah te Lamekh magon belom 595 nyelo tinai. Ie mandino kare anak je beken, 31tuntang matei hong umur 777 nyelo.
32Limbah Noah 500 nyelo umure, ie mandino telo anak hatue, iete Sem, Ham, tuntang Yapet.
Currently Selected:
GENESIS 5: NIJ
Tõsta esile
Share
Copy
Want to have your highlights saved across all your devices? Sign up or sign in