GENESIS 13
13
Abram hapisah dengan Lot
1Abram malihi Misir, tuntang haguet akan hila utara, manintu hila salatan Kanaan tuntang sawae dengan kare ramoe. Lot omba kea. 2Abram paham tatau. Ie aton bara tabiri, kambing, sapi, tinai amas tuntang perak. 3Palus ie haguet bara ije eka akan eka je beken, manintu Betel. Ie sampai ije eka helat Betel dengan Ai. Eka te aton ganae, intu hete bihin ie puji mampendeng kemahe tuntang mesbeh kea. 4Intu hete ie manyembah Tuhan.
5Lot kea mahin aton huma serok ayue kabuat, tinai kare jipen, tabiri, kambing tuntang sapi. 6Awi te tanah intu hete dia sukop padang oru akan eka ewen due melai, awi meto ain ewen paham are. 7Palus lembut kapaut-kabantah bara kare sakatik ain Abram dengan kare sakatik ain Lot. (Jaman jete oloh Kanaan tuntang oloh Peris magon melai intu tanah te).
8Abram hamauh dengan Lot, “Itah toh hakola, dia bahalap amon oloh ayum tuntang oloh ayungku hakapaut. 9Awi te keleh itah hapisah. Keleh mintih intu hila kueh bara tanah toh je eka karajim, amon ikau akan hila hetoh, aku haguet akan hila kanih.”
10 #
Gen. 2:10
Lot manampayah hakaliling tuntang gitae salepah datah Yordan sampai akan lewu Soar je are danume. Hete ampie sama kilau Kabon Tuhan #13:10: Kabon Tuhan: kilau handak manyewut akan Kabon Eden. atawa kilau tanah Misir. (Kalote ampin taloh hete helo bara Tuhan mambinasa lewu Sodom tuntang Gomora). 11Kajariae Lot mintih salepah Datah Yordan te, palus haguet akan hila timor. Balalu ewen due hapisah. 12Abram tetep melai hong tanah Kanaan, tuntang Lot melai hong kemah intu kare lewu hong tanah rampar sampai tokep lewu Sodom. 13Lewu Sodom te ielai awi kare oloh je pahalau kapapae tuntang badosa intu taharep Tuhan.
Abram bindah akan Hebron
14Limbah Lot haguet, Tuhan hamauh dengan Abram, “Bara ekam mendeng toh, tampayah bua-buah akan hakaliling. 15#Gaw. Ras. 7:5 Aku handak manenga akam tuntang akan turonam hapus tanah je gitam toh uka manjadi tanah je ikau tempoe sampai katatahie. 16Aku handak manenga akam ije turonan je paham are, sampai ije biti mahin jaton oloh olih mise ewen. Sama kilau oloh je dia olih mise kawo intu petak tumon te kea turonam kareh dia taraise karee. 17Kumbang hapus petak toh, awi aku handak manengae akam.” 18Limbah te Abram mindah kare kemahe palus manetep tokep kare pukong pahewan, eka sombayang hong Mamre tokep Hebron, hong hete ie mampendeng mesbeh akan Tuhan.
Currently Selected:
GENESIS 13: NIJ
Tõsta esile
Share
Copy
Want to have your highlights saved across all your devices? Sign up or sign in