Ageini KOP KAME NYUTO
KOP KAME NYUTO
Itabu me Ageini noni tatamo kop i kom ekite kame kocweo kede piny, kakame jo owok kiye, cakere me dub kede neno can i piny, kede da kop i kom epone kame Rubanga tero kede jo. Kokaruno poko Ageini tien are adongodongo: (1) Epone kame kocweo kede piny kede gi kotimere ne jo kogeo bedo i piny. Manoni mako kop i kom Adamu kede Keba, Kain kede Abel, Nua kede alele, kede Gedo abor me Babilon (Isulai 1—11). (2) Gi kotimere ne joakwari me agege me ateker me Isirael. Me agege en Aburaam, dano koudo ngere twatwal pi yei mere kede pi lubo kop ka Rubanga. Di do kop amako wode Isaka ko lubo, kede kop i kom Yakobo akware (ngat kame kolwongo da be Isirael), kede kop i kom awobe tomon kiwie are ka Yakobo, jo kogeo ikekon tomon kiwie are me Isirael. Kotatamo twatwal kop i kom awobi acel, kame nyinge Yosepu, kede gi kotimere kame oko mino Yakobo kede awobe mege apat karacel kede jo me ude gi oko ot bedo Misiri (Isulai 12-50).
Bed bala itabu noni tatamo kop i kom jo, do akalamo mere en etatamo kop amako gikame Rubanga otieko timo. En egeo di emoko kop kame waco be, Rubanga en kocweo piny, di eko jiko kede cikere awaco be Rubanga bino meede paro pi jo mege. I itabu noni lung ngat kame pire tek en Rubanga, ngat kame ngolo kop ne jo adubo di eko mino gi alola, en etelo jo mege doko ekonyo gi, doko gikame timere negi obedo iik mere. Itabu ariki sek noni oudo kowandiko pi gwoko itatam amako kop i kom yei me jo, kede pi konyo mino yei nono bedo di tie nakanaka.
Wi Kope kame tie i Itabu noni
Cweno piny kede jo 1.1—2.25
Cakere me dub kede neno can 3.1-24
Cako kibut Adamu tuno but Nua 4.1—5.32
Nua kede alele 6.1—10.32
Gedo abor me Babilon 11.1-9
Cako kibut Sem tuno but Aburam 11.10-32
Joakwari: Aburaam, Isaka kede Yakobo 12.1—35.29
Ikwae ka Esau 36.1-43
Yosepu kede imiegu mege 37.1—45.28
Jo me Isirael i Misiri 46.1—50.26
Currently Selected:
Ageini KOP KAME NYUTO: BILKDC13
Tõsta esile
Share
Copy
Want to have your highlights saved across all your devices? Sign up or sign in
Baibuli I Leb Kumam © Bible Society of Uganda, 2013.