LUKE 23
23
Pilat Mai-ah Jesu
(Mat 27:1-2, 11-14; Mrk 15:1-5; Jhn 18:28-38)
1Tua ciengin a kikhawm mipite dingin Pilat kungah Jesu a peipi uhi. 2Amate in ama mawsah a kipan vua, “Tampa pen ka mipite lampielsah pa khatin ka mu vua, ama le ama Messiah#23:2 Ahi sihle “Khris” ahi kumpi#23:2 Ahi sihle “sathau kinu kumpipa” khat ka hi hi, a kici a, Caesar kumpipa tunga sieh ka pieh ding uh ei khah hi,” a ci uhi. 3Tua ciengin Pilat in ama kungah, “Nang Judah-te’ kumpipa na hi amah? ci-in a dong hi. Ama in, “Na ci bangin ka hi hi,” ci-in a dawng hi. 4Tua ciengin Pilat in, “Tampa tungah khielna bangma ka mu sih hi,” ci-in siempu liente le mipite tungah a gen hi. 5Ahi vangin amate in a hanaw tasem vua, “Ama in a thuhilna tawh Judea gam sunga om mipite a tawhnawi a, Galilee pana kipanin tam mun dong cieng nangawn ang tung hi,” a ci tentun uhi.
Jesu, Herod Mai-ah
6Pilat in tam thu a zah ciengin tam pa Galilee mi amah, ci-in a dong hi. 7Herod uhna gam sunga om ahi lam ama a kithei bepin, tua laitahin Herod zong Jerusalem-a om ahi ziehin ama kungah a peisah hi. 8Herod in Jesu a mu ciengin, a mu nopzaw sawt ta ahi ziehin a lungdam mama hi, azieh pen ama’ thu a zah ngaisa ahi a, a na lamdang bawlte khatpo zong a mu dingin a kilamen hi. 9Herod in thu tampi dong a, ahi vangin Jesu in kam khat beh dawng lo hi. 10Siempu liente le thukham hil siete ding to-in, nahpitahin Jesu a mawsah uhi. 11Herod le a galkapte in simmaw bawlin a ko gawp vua, puontuol hoi mama khat a silsah zaw ciengun Pilat kungah a puohkia uhi. 12Khum ni-a kipanin Herod le Pilat khatlekhat a kilawmta uhi; tua masangin ama ni pen kimuda-in a kigalbawl den uh ahi hi.
Jesu Tha dingin Thu Kikhen
(Mat 27:15-26; Mrk 15:6-15; Jhn 18:39–19:16)
13Tua ciengin Pilat in siempu liente, makaite le mipite hlanin 14amate kungah, “Note in tam mipa pen mipite a pui khiel khat bangin ka kungah nang peipi uh; na mai vuah ama ka sittel ciengin na mawmatna uh thute khat behah a mawna ka mu sih hi. 15Herod in zong a mu tuon lo ziehin eite kunga ang puohkia ahi hi. A tahtahin ama in si nading za dongin bangma a bawl sih hi. 16Tua ahi ziehin ama satin ka hla ding hi,” a ci hi. 17Pilat in pawi hun sielin amau’ dei thongkie khat a hla ding thu a om mal ahi hi.#23:17 Tang laibute ah tamtah ahi sihle v.19 zaw ciengin tami v.17 na belap hi.
18Tua ciengin amate kiko-in, “Tampa that in! Barabbas ei hlapieh in!” a ci uhi. 19(Tampa pen khuopi sunga buoina a bawl zieh le mi a tha zieha thongkie ahi hi.) 20Pilat in Jesu a hla nuom ziehin amate kungah khatvei thu genkia a, 21ahi vangin amate in, “Singlamte tungah ama that in, khailia in!” ci-in a awng teitei uhi. 22Amate kungah a thumveina thu gen a, “Ama in bang sietna a bawl zieha ka khailia ding ahei? Sina ding za-in khielna ama sungah ka mu sih hi; tua ahi ziehin ama satin, tua zaw ciengin ka hla ding hi,” a ci hi. 23Ahi vangin nahpi tahin amate a kiko vua, ama a kikhailia nading a kal teitei ciengun amau’ kikona in a zozaw ta hi. 24Tuaci’n Pilat in a ngetna uh banga pieh dingin thu a khen hi. 25Ama in amau’ nget ahi kumpi langpanna le mi thana zieha thongkia pa hla a, amau’ dei banga a bawl dingun Jesu a pie hi.
Jesu, Singlamte Tunga a Kikhaina
(Mat 27:32-44; Mrk 15:21-32; Jhn 19:17-27)
26Amate in ama a peikhietpi laitahun khuota pana ang pei Cyrene khuomi, Simon a kici pa khat a man vua, tuale singlamte patin Jesu’ nua lamah a puosah uhi. 27Mihon tampi in ama a zui vua, tuate lahah a awm uh bengin ama a kaa numei pawlkhat zong kihal hi. 28Ahi vangin Jesu kinua hei-in amate kungah, “Jerusalem tanute aw, kei adingin kap sih unlen, noma ading le na tate adingin kapzaw un. 29Azieh pen amate in, ‘A ciing, ta nei ngai lo naubu, le nausen in a tep ngai lo nawite hampha mama hi,’ a ci ding uh nite ang tung valon ding hi. 30Tua hun ciengin amate in muol sangte kungah, ‘Ka tung vuah hing cim ta un,’ a ci ding vua, muoltangte kungah, ‘Ei vuacip ta un,’ a ci ding uhi.#Hos 10:8; Kln 6:16 31Azieh pen amate in singhing bawn hici bawl uh ahileh a gaw ciengin bang a law ta bep ding vuoi?” a ci hi.
32Migi lo ahi adang mi ni zong Jesu tawh thaton dingin a peipi uhi. 33Lugu a kicina munah a tun ciengun amate in khum sungah Jesu a khailia vua, migi lo ni tegel zong a zietlamah khat, a veilamah khat a khailia uhi. ( 34Tua ciengin Jesu in, “Pa aw, amate in bang bawl ci thei lo uh ahi ziehin a mawna uh na maisah in,” a ci hi.)#23:34 Adang tang laibute ah tami v. 34 om lo hi. Tuale amate in lai-ai sanin a puonte a hawm uhi.#Late 22:18 35Mipite dingin a en uhi; ahi vangin upate in a zako vua, “Ama in midangte hundam hi; Pasien’ Messiah#23:35 Ahi sihle “Khris” le a teel pa tahtah ahile ama le ama kihundam taheh!” a ci uhi.#Late 22:7 36Galkapte in zong ama zako-in lengga tuithua a pie vua, 37“Judah-te’ Kumpipa na hi leh nang le nang kihun in!” a ci uhi. 38A lutung son tahah,#23:38 Adang tang laibute ah “Greek, Latin, le Hebrew ham tawh a kigiel(Aramaic hama cina ahi hi) “Tampa Judah-te’ Kumpipa ahi hi,” ci-a kigiel lai khat kisuong hi.
A Kisia Guta Pa
39Khum sunga a kikhai migilote lahah khat in, “Nang Messiah#23:39 Ahi sihle “Khris” hi lo na mah? Nangma kihun inlen, ko zong ei hun in,” ci-in ama a simmaw ho#23:39 Ahi sihle “gensie” hi. 40Ahi vangin adang khat in, “Ama tawh kibanga mawna thukhenna thuoh hi napi cin, Pasien na giing sih amah? 41Ei gel pen a man banga thu ei kikhen ahi a, i gamtatna tawh kituoha thaman nga i hi hi, ahi vangin tampa in khielna bangma bawl lo hi,” ci-in a phawhsie hi. 42Tua ciengin ama in, “Jesu aw, na kumpi gam sunga nang pei ciengin kei ei mangngil sin,” a ci hi. 43Jesu in, “A tahtah a kang ci-in, tuni-in keima tawh Paradise ah i omton ding hi,” a ci hi.
Jesu Sina
(Mat 27:45-56; Mrk 15:33-41; Jhn 19:28-30)
44Tua hunlaitah pen sunkim pawl hi a, nitah nai thum dongin gam#23:44 Ahi sihle “leitung” buppi ah khuo a miel hi. 45Tua hun sungin khimzing#23:45 Ahi sihle “ni awhin valh hi” Adang tang laibute ah “ni a miel hi” a, biehinnpi dalna puon phal ni kisuo hi.#Pei 26:31-33 46Tua ciengin Jesu in, “Pa aw, na khut sungah ka hlagau kang ap ta hi,” ci-in a aw neiza tawh a kiko hi. Tua bang a ci zaw ciengin a hu tawpna a sang hi.#Late 31:5 47Galkapmangpa in thupieng teng a mu ciengin Pasien’ min phatin, “Tam pa pen mawnei lo tahtah khat ahi hi,” a ci hi. 48Tam thute en dingin a kikhawm mipite in thupieng teng a mu ciengun awmbengsa-in inn ah a kilekia uhi. 49Ahi vangin a melthei zosie le Galilee gam pana a zui numeite ding to-in thupieng teng a gal-et uhi.#Luk 8:2-3
Jesu a Kivuina
(Mat 27:57-61; Mrk 15:42-47; Jhn 19:38-42)
50Khumin Joseph kici mi hoi le mi thuman khat om a, vaihawm upa khat ahi vangin, 51vaihawm upate’ deina le a sil bawlte uh a thukimpi sih hi. Ama pen Jew mite’ khuo Arimathea pana ang pei ahi a, Pasien’ manggam lawptaha a ngah den mi khat ahi hi. 52Pilat kungah ama pei-in Jesu luong a ngen hi. 53Tua ciengin ama in a luong a khiesuh a, taangciin puon tawh tunin koima’ kivui ngai nai lona suong kilemsa han khatah a siel hi. 54Khum ni pen kigin ni ahi a, sabbath kipan ding ahi ta hi. 55Galilee panin a zawpi numeite in zong a zui vua, amate in han le a luong bangci kivui ci a mu uhi. 56Tua ciengin amate kinuale kia-in panamtui le sathaute a baisa-in a koi uhi.
Thukham dung zui-in sabbath ni-in amate a toi-om uhi.#Pei 20:10; Thkna 5:14
Currently Selected:
LUKE 23: ZBOTF01
Tõsta esile
Share
Copy
Want to have your highlights saved across all your devices? Sign up or sign in
Zo Bible © Bible Society of Myanmar, 2018.