ၥ မိ 6
6
6
ၦဂၪ့ခိၪဖိၪအဆၧအၧၩ့ထၪ့ၥၫ့ထၪ့အဂဲး.
1ဆၧမၩအၥၭထီးၦၡၩ အခွၫၥံၪအီၪထၪ့ၥၫ့အၪအၪ လ့ၬလၧဂၪ့ခိၪချိၫ့တၭ, အဖိၪမုၪလဖၪအီၪဖျဲၪဝ့ၫ လၧအ 2ဂးနီၪ,- ယွၩအဖိၪခွၫလဖၪ ဒၪဘၪဝ့ၫလၧၦၡၩအဖိၪမုၪ ၥံၪမွဲအဂ့ၩတၭ, မၩန့အမၫ လၧကယဲအရွံန့ဝ့ၫ လဖၪ နီၪလီၫ.
3ယဟိဝၩစံၭဝ့ၫဒၪ, လၧၦၡၩမၪဘၪဆၧအဖၧၩ့နီၪ, ယၥၭမုလဂဲးလိၬတ့ၭလိၬဘၪ အဆိၩအကၠၪတၭ, အဝ့ၫ ဒၪမွဲဆၧယၪဆ့လီၫ, မွဲလါနၫ့တၭ, အမုနံၩလဖၪမိအီၪ အနံၪ့လယၩနံၫဆံၫလီၫ.
4တၭဆၧလၧမုနံၩလဖၪနီၪ, ၦလၧအအၪ့ဂူၬမၩဆီၪ့ ဆၧအၧၩ့လဖၪ အီၪဝ့ၫလၧဂၪ့ခိၪချိၫ့လီၫ. ထီးယွၩအ ဖိၪခွၫၥံၪလ့ၩနုၬ လၧၦၡၩအဖိၪမုၪၥံၪ အအီၪနီၪအလး ခဲၫ့တၭ, အဝ့ၫၥံၪအီၪဖျဲၪန့ ဖိၪၥၪၥံၪလၧအဂးလီၫ. တၭ အဝ့ၫၥံၪကဲၪထၪ့ ၦလၧအဂဲးဆီၪ့အဘၭဆီၪ့, ဒဲၦလၧ အမံၩ့ဂၧၫ့ထၪ့ၥၩလၩ့လီၫ.
5ယဟိဝၩဒၪဘၪ ၦၡၩအဆၧဒဲၩဘၭနီၪ, လၧအဒိၪ လၧဂၪ့ခိၪချိၫ့တၭ, ကယဲအကိၪ့ဆၧ လၧအဆီၫ့မီၪ့လၧ အၥၭ လမံၩ့လါလါနီၪ, မွဲဆၧအၧၩ့ ကိၭမုနံၩမုနၩဒ့ၭ 6လီၫ.- လၧအမၩကဲၪထၪ့ၦၡၩ လၧဂၪ့ခိၪချိၫ့အကၠီၩ့နီၪ, ယဟိဝၩနီၫ့ယါလၩ့ထဲၩ့အၥၭတၭ, အၥၭအုၭလၧအ 7ၥၭခံဖၧၩ့လီၫ.- ယဟိဝၩစံၭဝ့ၫဒၪ, ၦၡၩလၧယမၩကဲၪ ထၪ့နီၪ, ယမိထူၭခွံၬဝ့ၫ လၧဂၪ့ခိၪချိၫ့တၭ, ၦၡၩမွဲဂ့ၩ, ဆၧဖိၪဆၧဎါမွဲဂ့ၩ, ဆၧစွၩဆၧဂဲၩ, ဒဲထိၪၥံၪလံၪၥံၪ လၧဆၧဖိၭဖၫ့ ထီးအလူၬလီၫ. အဂဲးဘဲၫယီၩ ယမၩ ကဲၪထၪ့အဝ့ၫၥံၪအကၠီၩ့နီၪ, ယနီၫ့ယါလၩ့ထဲၩ့ယၥၭ 8လီၫ.- အ့ၪမွဲစနိအၫ န့ဘၪအခိးအတၩ လၧယဟိဝၩ အမ့ၬၥၪဖၧၩ့လီၫ.
စနိအၫအဂဲး.
9အယီၩမွဲစနိအၫ အဆၨၩအဆၬလီၫ. တၭစနိအၫ မွဲၦအတီၩအလီၩ့ ဒဲၦအလၧၫ့အဎွ့ၩ လၧၦလၧအဆိၩ ဒၪဝ့ၫအကျၩလီၫ. စနိအၫလ့ၩဆၧ လၧယွၩအၥိၭလီၫ. 10တၭစနိအၫထၪ့ဖိၪ အဖိၪခွၫၥၧၫ့ဂၩ, စၡံၫ့, စဟၫ့, 11ဒဲစယၫဖ့ၭလီၫ.- ဂၪ့ခိၪအုၪဝ့ၫ လၧယွၩအမ့ၬယၫတၭ, ဂၪ့ခိၪလၧၫ့ထၪ့ဎွ့ၩထၪ့ဝ့ၫ လၧဆၧအၪ့ဂူၬမၩဆီၪ့ဆၧ 12အၧၩ့လီၫ.- ယွၩယိလၩ့လၧဂၪ့ခိၪချိၫ့တၭ, ယိခွါ,မွဲအ ဘၪဆၧစံၪစၪဝ့ၫလီၫ. အဂဲးဘဲၫယီၩ ကယဲဆၧဖံၭဆၧ ယၪမၩစံၪစၪအဖၧၩ့ၥၭ လၧဂၪ့ခိၪချိၫ့ထီးအလူၬလီၫ.
13တၭယွၩစံၭစနိအၫ, ဆၧယၪထီးအလူၬအထုၬဂဲၫ ထၪ့ယူၭလၧယမ့ၬယၫယူၭ, အဂဲးဘဲၫယီၩ ဂၪ့ခိၪလၧၫ့ ဎွ့ၩဝ့ၫလၧဆၧအၪ့ဂူၬမၩဆီၪ့ဆၧအၧၩ့ လၧအဝ့ၫၥံၪ အကၠီၩ့တၭ, ယိခွါ,ယမိမၩ ဂၭဂီၩ့ခွံၬဎုၬအဝ့ၫၥံၪလၧ 14ဂၪ့ခိၪလီၫ.- တၭမၩတလၫဖၭဒိၪ လၧၥံၪ့ကိၬဖၫလၧ နဂးဆံၭ. နမိဘၪမၩဒူၭဖၧၩ့ၥံၪ လၧတလၫဖၧၩ့တၭ, လၧအချိၫ့မွဲဂ့ၩ, လၧအဖၧၩ့မွဲဂ့ၩ, နမိဘၪဂုၪလၧၥံၪ့ 15ထူၭလီၫ.- တၭနမိဘၪမၩဘဲၫယီၩ, တလၫဖၭဒိၪနီၪအ ဖၭထီၫအဖျါၥၧၫ့ယၩ, အဒၪ့ဎၩ့အဖျါယဲဆံၫ, အထၪ့ 16ထီၫလခီၫအဖျါၥၧၫ့ဆံၫလီၫ.- တၭနမိဘၪမၩဆၧဖၩ့လၧ တလၫဖၭဒိၪနီၪအဂး, ဒဲအဖၫ့ခိၪနီၪနမိဘၪမၩဂီၩ့လၧ လဖျါတၭ, တလၫဖၭဒိၪအတရၫ့နီၪ နမိဘၪမၩလၧအ နဲၩ့ဖၩလခီၫလီၫ. နမိဘၪမၩဒူၭဖၧၩ့ အခၪ့ထံၭလဆၫ့, 17ဒဲနံၫဆၫ့လဆၫ့, ဒဲၥၧၫ့ဆၫ့လဆၫ့လီၫ.- ယိခွါ,ယဝ့ၫဒၪ ယီၩယမိဒုၭဂဲၫထၪ့ ထံၫလုၬဘံၭဆၧ လၧဂၪ့ခိၪချိၫ့,လၧ အမိမၩဂၭဂီၩ့ခွံၬ ကယဲဆၧယၪလၧအအီၪ လၧဆၧမၧၫ့ အၥၪလၧမူၭခိၪအဖၫ့လၬလီၫ. တၭကယဲဆၧအီၪလၧ 18ဂၪ့ခိၪချိၫ့မိၥံၫခွံၬ ကိၭအမံၩ့ဒ့ၭလီၫ.- အ့ၪမွဲနဝ့ၫဒၪယီၩ, ယမိမၩဂုးမၩခၧၫ့ ယဆၧအုၩ့လၩ့လၧနၥိၭတၭ, နမိ ဘၪလ့ၩနုၬ လၧတလၫဖၭဒိၪအဖၧၩ့နီၪ, နဝ့ၫဒၪ,ဒဲနဖိၪ 19ခွၫၥံၪ,ဒဲနမၫ, ဒဲနဖိၪခွၫအမၫၥံၪ, လၧနၥိၭလီၫ.- တၭ နမိဘၪဒုၭလ့ၩနုၬ ဆၧနံၫဒုၩနံၫဒုၩ, လၧကယဲဆၧအ ၥၭမၧၫ့အကျၩ လၧဆၧကိၭမံၩ့ဒ့ၭအကျၩ လၧတလၫ ဖၭဒိၪအဖၧၩ့ ဘဲၫၥိၭအမိမၧၫ့ဎုၬ လၧနၧၩတၭ, အမိ 20ဒဲအဖၫမိဘၪအီၪဝ့ၫဒၪလီၫ.- ထိၪၥံၪလံၪၥံၪဘဲၫအ ဆၨၩဒၪဝ့ၫအၥိၭ, ဆၧဖိၪဆၧဎါ ဘဲၫအဆၨၩဒၪဝ့ၫအ ၥိၭ, ကယဲဆၧစွၩဆၧဂဲၩ လၧဂၪ့ခိၪချိၫ့ ဘဲၫအဆၨၩ ဒၪဝ့ၫအၥိၭနီၪ, နံၫဒုၩနံၫဒုၩ လၧကိၭဆၨၩဒ့ၭအကျၩ 21နီၪ,မိဂဲၫလၧနအီၪ, ဘဲၫၥိၭအမိမၧၫ့ဒံၭလီၫ.- တၭမၩ န့ဆၧအၪ့လၧဆၧကိၭအမံၩ့ဒ့ၭ လၧဆၧအၪ့အကျၩနီၪ ဆံၭ,နမိဘၪအီၪက့ၪကီၪ့ လၧနအီၪတၭ, မွဲအမိကဲၪထၪ့ ဆၧအၪ့လၧနဂး, ဒဲလၧအဝ့ၫၥံၪအဂးဆ့လီၫ.
22တၭစနိအၫမၩဝ့ၫ ဘဲၫကယဲဆၧလၧယွၩမၪလူၬဝ့ၫ အၥိၭနီၪ ထီးအလူၬလီၫ, ဘဲၫနီၪအၥိၭမွဲအမၩဝ့ၫဒၪ လီၫ.
Currently Selected:
ၥ မိ 6: pwokyn2
Tõsta esile
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.