Matthew 12

Sabbathni chungroia chongrekel

(Mk 2:23-28; Luk 6:1-5)

1Sûn sôtbâkloi suolechu Sabbathnin Jisua bubilngeia a lôna. A ruoisingei an von achâma, masikin buvûingei chinin an chipa.#Bal 23:25 2Phariseengeiin an mu'n chu, Jisua kôm, “En ta, Sabbathnia nu ruoisingeiin an tho hih ei Balamin ai khap ani!” an tia.

3Jisua'n an kôm, “David le a mingeiin an vonchâm lâia an tho hah nin la pore tet ngâiloi mo?#1 Sam 21:1-6 4Ama hah Pathien ina a lûta, ama le a mingeiin Pathien kôma pêksai vâipôl, an sâk ranga Balamin ai khap ochaingei vaiin an sâk ranga phala omngâi vâipôl hah an sâk ani.#Och 24:9 5Aninônchu, adiktakin Sabbathni racham ochai Biekina omngâi ngeiin Sabbathni balam an minchâi ngâia, hannoma, theiloiintum#Tel 28:9-10 ngâi mak ngei ti Moses Balam lekhabu nin la pore loi mo? 6Nangni ki ril, mahin neinun imini Biekin nêka roiinpui uol aom. 7Pathien lekhabu'n, ‘Inbôlna nuom mu-unga moroina kêng ku nuom,’ ai ti hih a omtie nin riet minthâr tatak nisenla chu minchâinaboi mingei hah theiloi mintum no tunui;#Mat 9:13; Hos 6:6 8Miriem Nâipasal hih Sabbathni Pumapa ani sikin,” a tia.

Jisua'n pasal kut kângkhat phalkhatthi a mindam

(Mk 3:1-6; Luk 6:6-11)

9Jisua'n ha mun hah mâkin synagog ina a lûta, 10mahan mi inkhat kut phalkhatthi alei oma. Mi senkhat Jisua a tho minchâi tia nôn nuom ngei an lei om sa, masikin anni han a kôm, “Sabbathnia mi mindam hih ei Balamin a khap mo?” tiin an rekela.

11Jisua'n an kôm, “Nin lâia tumakhatin belri inkhat dôn senla male Sabbathni han khur inthûka tâk pe senla, juong rûtin nin kelsuo loi rang mo?#Luk 14:5 12Miriem chu belri nêkin a lut uol ok ani! Masikin, Sabbathnia tumini san rangin ei Balamin mi phal ani,” tiin a thuona. 13Male kut phalkhatthipa kôm han, “Nu kut phar roh,” a tipea.

A kut a phara, kângkhat tienga angin a hong dam phar zoi. 14Hanchu Phariseengei hah an rota male Jisua that rangtie an mintuo zoi.

Pathien tîrlâm thang

15An that rangtie an phan chungroi hah Jisua'n a rietin chu ha mun renga hah a rota; lokongeiin a nûk an jûi zoi. Damloi ngei murdi a mindam ngeia 16male ama chungroi tute kôm misîr loi rangin chong a pêk ngeia. 17Masikin, Pathien'n dêipu Isaiah kôma alei ti hah ajuong tung adik theina rangin mahi a tho ani:

18“Mahi ki tîrlâm, ka thangsaipu hah,#Isa 42:1-4 (LXX)

ku lungkhampu, le a chunga ku mulungtâiriempu hah ani.

A chunga ka ratha tîr ka ta,

male ama'n namtinngei kôm ko roijêkna phuong a tih.

19Ama chu makhal nonia, hanchu in-iek uol nonia;

aninônchu lamlienngeia khom ruhulum tho noni.

20Ama'n sûl ânkûichara om hah khiekpai nonia,

hanchu châti athi vavâng hah khom thatrip no nih.

Roijêkdikna han a zoi mâka chu khan tit a ta,

21male mingei murdi'n ama chunga han an sabeina minngam an tih.”

Jisua le Beelzebul

(Mk 3:20-30; Luk 11:14-23)

22Hanchu mi senkhat ngeiin Jisua kôm han mi inkhat a mitcho le ramkhori sûr sikin chong theiloi an hong tuonga. Jisua'n ama hah a mindama, masikin ama hah a chong theia, a mu thei zoi ani. 23Jisua sintho hah lokongei murdi'n an kamâm sabaka, “Ama hih David Nâipasal ni thei ni mo?” tiin an rekela.

24Maha Phariseengeiin an rietin chu, “Hi mi hin ramkhoringei a rujûl theina chu an rêngpa Beelzebul'n ranak a pêk sikin ani,”#Mat 9:34; 10:25 tiin chong an mele.

25Jisua'n imo an mindon hah a rieta, masikin an kôm, “Kho ram khom apâlpâlin an insema an indoi inlômin chu sôi ngâi mak. Kho khopui khom, aninônchu insûngmingei khom apâlpâlin an insenna an indoi inlômin chu an inlet rang ani. 26Masikin soitan rama khom pâl khatin pâl dang an doiin chu, pâl an insen tina nîng ata, male ânlet kelen rang ani! 27Beelzebul'n ranak ni pêk sikin ramkhori ngei ku rujûl thei nin tia. Asa, nônchu, nin nûkjûi ngei hah tumo ranak a pêk ngeia anni ngei han an rujûlpai ngâi? Nin nûkjûingei nanâkin an lei tho ngâi han nin tho minchâina a minlang ani! 28Nimak, mahi Beelzebul nimaka, Pathien Ratha kêng ramkhori rujûlpai theina ranak ni pêk, mahin Pathien Rêngram nin kôm a juong tung zoi ti a minlang ani.

29“Tutên mi rât ina lûtin a neinunngei lâk pe thei no nih, mi rât hah a khit bak nônchu; hanchu a in hah minram pe thei a tih.

30“Tutu keima ranga niloi kai chu atatakin mi doi ani; tutu a mintûp ni sanloipu chu ataktakin chekaminchâi ani.#Mk 9:40 31Masikin nangni ki ril, mingei an sietna murdi le Pathien doia asaloi an ti ngei murdi chu ngâidam thei nîng ata;#12:31 asaloi an ti ngei; nônchu Pathien doia asaloi an ti ngei. aniatachu, Ratha Inthieng doia asaloi an ti ngei chu ngâidam nino nih. 32Tutu Miriem Nâipasal doia asaloi an ti ngei chu ngâidam thei nîng ata; aniatachu, tutu Ratha Inthieng doia asaloi an ti ngei chu atûn le tuonsôtin ngâidam nino nih.#Luk 12:10

Thingkung le amara

(Luk 6:43-45)

33“Mara sa dôn rangin chu thingkung adam nin dôn ngêt anâng; thingkung damloi nin dônin chu mara saloi dôn nin tih. Thingkung chu a marân riet thei ani.#Mat 7:20; Luk 6:44 34Murûlngei nangni asaloi lei ni chienin kho-angin mo chongsa nin tho thei ranga? Mulung sûnga sipa liem hah kêng bâiin ai suo ngâi ani.#Mat 3:7; 23:33; 15:18; Luk 3:7; 6:45 35Mi sân a rochonkok renga neinun sa a kaisuo ngâia; mi saloiin chu a rochonkoka neinun saloi a kaisuo ngâi.

36“Nangni ki ril, Roijêk Nikhuon chu mitinin chongkâmboi an tho ngei hah la misîr let an tih. 37Minchâinaboi mo ni ni aninônchu theiloiintum mo ni ni minthârna rangin no chongngei hah mangin nu chungroi jêk nîng atih.”

Sininkhêl tho rang an zong

(Mk 8:11-12; Luk 11:29-32)

38Hanchu Balam minchupu senkhat le Pharisee senkhat ngeiin a kôm, “Minchupu, sininkhêl no tho mu rang kin nuom,”#Mat 16:1; Mk 8:11; Luk 11:16 an tia.

39Jisua jâminzalin an kôm, “Atûnlâia mingei idôrtaka saloi le Pathien dônloi mo nin ni zoi!” Sininkhêl tho rangin mi nin ngêna? Nimak! Dêipu Jonah sininkhêl tho tiloiin chu sininkhêl dang nangni pêk ni no nih.#Mat 16:4; Mk 8:12 40Jonah hah sûnthum jân thum ngapui vonsûnga a oma, ma angdên han Miriem Nâipasal hih sûnthum jân thum pil inthûk sûnga aom rang ani.#Jon 1:17 41Roijêk Nikhuon chu Nineveh mingei hah inding an ta, nangni nôn an tih; anni chu Jonah thurchi misîr an rieta; an sietnangei renga an inhei sikin; male nangni ki ril, Jonah nêka lien uol mahin aom!#Jon 3:5 42Roijêk Nikhuon chu Rêngnu Sheba hah inding a ta, nangni nôn a tih, Rêng Solomon vâr minchûna rangâi rangin a ram latak renga a hong sikin; adiktakin nangni ki ril, Solomon nêka lien uol mahin aom!#1 Rêng 10:1-10; 2 Rich 9:1-12

Ratha saloi hongkîr nôk

(Luk 11:24-26)

43“Ratha saloi hah mi sûng renga a jôkin chu inngâmna mun rokin tui boina rama a chai titira, aman loi tika chu, 44‘ki ina kîr nôk ki tih’ a tia. Hanchu a kîr nôka, a in atongrieiin, phiet minsâivarin, le cherêl irin ava mua. 45Hanchu, a jôkpaia ratha dang sari ama nêka puoloi uol a hong tuong ngeia, mahan an lûta, an om zoi. Masuole chu ha miriem nunchan hah aphuta nêkin a puoloi uol ok zoi. Hima ang hin atûnlâia mi saloi ngei chunga ala tung rang ani,” a tia.

Jisua nû le lâibungngei

(Mk 3:31-35; Luk 8:19-21)

46Mipui ngei kôm han Jisua ala chong lâitakin, a nû le lâibungngei an hong tunga. Ama chongpui nuomin, pêntieng an indinga. 47Masikin ha muna mi inkhatin a kôm, “En ta, nu nû le na lâibungngei nang chongpui rang an nuoma pêntieng nang an ngâk,”#12:47: Miziek senkhatngei chu arachang 47 hi dôn mak ngei. a ti pea.

48Jisua'n a kôm, “Tumo ku nû? Tumo ka lâibungngei?” tiin a thuona. 49Male a ruoisingei tieng a khînna, “En roi! Hi ngei hih ku nû le ka lâibungngei an ni! 50Tutu invâna Ka Pa lungdo sinngei hih ka lâibungngei, ka sarnungei, ku nû ngei an ni,” a tia.

Currently Selected:

Matthew 12: SAKNT

Tõsta esile

Copy

Want to have your highlights saved across all your devices? Sign up or sign in

Learn More About Pathien Lekhabu Inthieng Chongtung Thar

Matthew 12

Popular Bible Verses from
Matthew 12

Listen to Matthew 12

Bible:

Sakachep

Version: Pathien Lekhabu Inthieng Chongtung Thar - SAKNT

Matthew 12

Matthew 12

Popular Bible Verses from Matthew 12

Listen to Matthew 12

Bible:

Sakachep

Version: Pathien Lekhabu Inthieng Chongtung Thar - SAKNT

Matthew 12

Popular Bible Verses from
Matthew 12