Matay 22
22
Pehngehngain na o ciring na do mamaring so kanen a nimatarek so vahay
(Locya 14:15-24)
1Amyan pa so pehngehngain na ni Yeso a asa ka ciring na. Maniring am, 2“O italamozong na ni Ama ta do to am akman so asa ka panirsirngen a mamaring so kanen do katarek na rana so vahay no anak na. 3So nipanovoy na so lamlamsoy na mangay a mapeykatokatoyo rana so nitaidan na tao a mai rana koman. Am ji sira key. 4Ji makamyamya am manovoy pa so lamlamsoy na mangay a tomirara pa sira do kanimapeypanam na rana so kanekanen do kateyka da rana nimariparing so nyahap da vinyay da. Am ori o pabezbezan na sira mai. 5Am to da nazibwan no nitaidan na tao, do kasanga da no vazay da. O asa am nimangay do nihakawan na. O asa am nimangay a tomita so pananazangan na. 6O karwan da nitaidan na am rakpen da sira o lamlamsoy no panirsirngen a kapakakasi da sira wakwaken. 7Mamizing no panirsirngen am nimakapya meyoyaoya. Am ori o nipanovoy na so itaysang a mangay a omwakwak so nimwakwak so lamlamsoy na tao a kasleb da so ili da. 8Meyratateng am maniring do lamlamsoy na am, ‘Ko rana nipeypanam o kanekanen am sira rana o yaney manma ko nipanoyon a tao am abo nakenakem ko rana sira a mangay a koman. 9Inyo rana am mangay kamo sicyaikwaya do rako a rarahan a o masazisazi nyo na a aro a tao o rarahen nyo.’ 10Meyratateng am mangay rana o lamlamsoy na do rako a rarahan a kacirara da so masazi da tao. Tana apya so nakenakem a tana marahet so nakenakem a tao am miminen da sira ipanci a mai a karo da no tao a nimai a koman.
11“Makowbot o panirsirngen a amrapong so nitaidan na tao am macita na o jya nimanglit a tao. 12Maniring jya am, ‘Mo kahakay, mo na ji nimanglici a mai.’ Am ji meyzezyak o tao ang. 13Maniring rana o panirsirngen do lamlamsoy na am, ‘To nyo na vaoda o lima na kano ai na kapowbot nyo sya do pantaw a kasarisaryan a kalavi na meygazicigit so ngepen a maneneseh.’ ” 14Maniring rana si Yeso am, “Aro tao a rarahen a macikaop do italamozong ni Ama ta do to am tatasa ka tao o omonot jya.”
Tomoro ji Kaysa so deyking
(Make 12:13-17; Locya 20:20-26)
15Makowbot o tao a macyagom do Vadisay am maniring sira do kadwan jira am, “Makongo tamo a meykala do ciring ni Yeso so karatan na.” 16Meyratateng am mapahanhan sira so macinanao jira tao a macihza do macikagom ji Helote a tao a mangay ji Yeso. Maniring sira jya am, “Mo Mangnanao, namen katenngan imo a yaji mangalalas a tao. Ka ji mapeypilipili so tao no jyangowa Ciriciring na ni Ama ta do to. 17Pancyan pala jyamen o mo ahahapan sya. Manngwa, apya do iwawalam ta o katoro so deyking ji Kaysa panirsirngen no Loma an?” 18To na rana tenngi ni Yeso o keyleylamdam da sya. Am ori o nipancyan na no, “Inyo rana yatanwasiwasi a tao am ikongo nyo ileylamdaman jyaken. 19Inney kamo pala so nizpi, ta citahen ko.” Karahan am ipanta da so asa ka nizpi. 20Maniring jira si Yeso am, “Sino o ngaran a kano asyasing a yadomket do nizpi ya.” 21Maniring sira am, “Si Kaysa.” Maniring si Yeso jira am, “No komwan am o monganay ji Kaysa am itoro ji Kaysa. O monganay ji Ama ta do to am itoro ji Ama ta do to.” 22Mamizing da o ciring na am isavasavak da a kangay da rana.
Nanao ni Yeso a omagaz do keypirwa a mavyay no nimawakwak rana tao
(Make 12:18-27; Locya 20:27-40)
23Araw no nang am o ji nganoyong do keypirwa mavyay no tao a macyagom do Satokay am mangay sira ji Yeso. Maniring sira jya am, 24“Mo Mangnanao, o nanao ni Moyse am no mawakwak o tao a kabo no anak na am pasakain no kakteh na o mavakes na a keyyan no komownongan no kakteh na rakeh do karawan. 25No kakwa am amyan so papito a meyketeketeh. Mapapapen o rakeh jira am mawakwak am abo o mataid na do karawan. 26Karahan am papenen no tomonton jira. Mawakwak ori am akman sang a abo so taodtod. O ikatatlo da meyketeketeh am akman sang, a kato da twatontonan a meyketeketeh a mahap so mina kahanghangan no mina rakeh jira. Am mamimin sira abo so taid do karawan. 27Mownay am mawakwak rana o mavakes ang. 28Manngwa, no marateng o araraw no ikeypirwa mavyay no tao am sino jira ang o manoyong a mapeykahanghangan so sang, do kanimamimin da nimapasakay sya.”
29Maniring si Yeso jira am, “Yamalas nyo ahapan sya. Ta nyo jyatenngi o Seysyo. Nyo jyatenngi o oyowyat ni Ama ta do to. 30No marateng o araraw no ikeypirwa mavyay no tao am meyyangay rana sira kano tinsi do teyngato a ji macivahavahay. 31O vazay rana omagaz do keypirwa mavyay no tao am manngwa, ji nyo pa nivilangan o Ciriciring na ni Ama ta do to? 32O ciring na ni Ama ta do to am, ‘Yaken rana am Tao do to ko ni Apolahan a kani Isa kani Yakebo.’#22:32 Soayci Ci 3:6. O peypeypangayan no nang am Tao do to da si Ama ta do to no mavyay a tao a omanoyong jya. Ta o tao rana do tangain ni Ama ta do to am mamimin a mavyay sira.” 33Mamizing da no tao o nanao na ni Yeso am isavasavak da.
Ney makdeng na nanao
(Make 12:28-34; Locya 10:27)
34Mamizing da no tao a macyagom do Vadisay si Yeso a ji da tenngi a pasapan so ciring no macyagom do Satokay am malovot sira. 35Amyan jira so asa ka mangnanao no iwawalam ni Ama ta do to a amnakenakem so keyleylamdam na si Yeso no asa ka ciring. 36Maniring ji Yeso am, “Mo Mangnanao, ikongo do iwawalam ni Moyse o ney makdeng na nanao.” 37Maniring si Yeso am, “ ‘Onowned mo a kano pahad mo a kano nakenakem mo am to mo peykasa a omraralay ni Ama ta do to a Tao do to mo.’#22:37 Sen Ming Ci 6:5. 38Ta ori rana am ney makdeng na nanao. 39O ikadwa na am akman sang so kakdekdeng an. ‘Ikarilaw mo o icyatatao mo. To mo peyyangaya kano aryarilaw mo so kataotao mo o karilawan mo no icyatatao mo.’#22:39 Diwey Ci 19:18. 40Yatodamimin o iwawalam ni Moyse a kano nanao no panoyonoywan na so ciring ni Ama ta do to a yamangozay do yameykadwa a nanao ang.”
Sivovoong na ni Tawey o Misayya
(Make 12:35-37; Locya 20:41-44)
41Malovot sira o tao a macyagom do Vadisay am pacicin na sira ni Yeso. 42“Ikongo o nakenakem nyo do Misayya. Sino yamapeysivovoong sya.” Maniring sira am, “Iya rana am sivovoong ni Tawey.” 43Maniring si Yeso am, “No manoyong ori am ikongo nioyatan na ji Tawey no Seyzi a manci no, ‘Mo Panirsirngen.’ Ta maniring si Tawey am,
44‘Maniring si Ama ta do to do Panirsirngen ko am: Amlisna ka do wanan ko mangay si balinasen ko sira o macioya jimo a tao.’#22:44 Anwanood 110:11.
45No ipanci ni Tawey a Panirsirngen am ikongo o peysivovoongan na so Misayya ni Tawey.” 46Abo o asa ka tao a makateneng do ciring ni Yeso a pasapan. Nimacipinda no kanang o kaji da rana makadketan ji Yeso a pacicin.
Currently Selected:
Matay 22: snt
Tõsta esile
Share
Kopeeri
Want to have your highlights saved across all your devices? Sign up or sign in
The Bible Society in Taiwan