Matayo 3
3
Okusimura kwa Yoana Omubatija
(Mk. 1:4-8; Lk. 3:1-18; Yo. 1:15-28)
1Mu siku ijo Yoana Omubatija na:ja nasimurira mwibara rye Buyaudi, 2Na:ika ati, Mute, Okuba obukama bwa mu rwire bwafugee. 3Okuba oyo niwe a:ikirwe no muragi Isaya, ati,
Oburaka bwa unu kakobyakobya mwibara,
Mucumecume injira ya Ratabugenyi,
Mumugorororere obwitiŋano bwae.
4Yoana omwene ariga afwae obusinga bwa ingamira, no rukoba mu cibunu cae, ne biryo byae byariga biri nsige no bu:ki bwa mwibara. 5Mbe aba Yerusalemi na Buyaudi yo:ne na ba i:si inu isijene na Yorodani nibamuja:ko. 6Nababatija mu musima gwa Yorodani nibegamba ebibi:bi byebwe.
7Nawe wejire abarora Abafarisayo ba:fu na Basadukayo ba:fu niba:ja okubatijibwa nababwira ati, Emwe orwiburo rwa jinjoka, niga unu abakabusisye okwiruka risungu rinu eryendo:ku:ja? 8Mbe mutwasye amatwasyo ganu ge:ire okuta. 9Muteganirisya mu mitima jemwe ati, Ciri na saja Iburaimu. Okuba enibabwira ati, Nyamuanga katura ku mabui ganu okumwimusisyamo Iburaimu aba:na. 10Nawe woryanu ise:na#cinu ni Cijita ca kara. Imbasa ni swaro ku bandi. iteeywe ku masina ga mati. Mbe eti ryone rinu ritakutwasya amatwasyo go bwana eritemwa ndyeswa mu muriro.
11Ni cimari anye enibabatija mu manji kurwo kuta nawe oyo kaja inyuma yani ankisisye amanaga, nite:ire okugega ebikwirya byae. Oyo niwe aribabatija no Mwoyo Mweru no muriro. 12Oruungo rwae ruri mu kuboko kwae, aryesya muno ritare ryae. Arisombera oburo bwae mu citara, nawe iŋunyu aryoca no muriro gunu gutakusima.
Okubatijiwa Kwa Yesu
(Mk. 1:9-11; Lk. 3:21-22)
13Mbe niwo Yesu naso:ka Galilaya nakinga Yorodani ku Yoana amubatije. 14Nawe Yoana ariga nenda okumuganya na:ika ati, Anye nanye nikenere awe okumbatija, ?ka nawe ouja kwanye? 15Yesu naindura namubwira ati, Wori siga ago, okuba nikwo kutyo kuci:ire okuku:misya oburenge:resi bwone. Mbe niwo nekirisya ejae. 16Mbe Yesu wejire amara okubatijibwa aonao nasyo:ka mu manji, mbe rora, orwire ndumuswerukira, narora Omwoyo wa Nyamuanga ne:ka rwa injiba namu:jako. 17Mbe oburaka mbuso:ka mu rwire nibwaika ati, Unu niwe Omwana wani unu nendere, unu nikonderereywe.
Currently Selected:
Matayo 3: KIJ1960
Tõsta esile
Share
Copy
Want to have your highlights saved across all your devices? Sign up or sign in
Kijita New Testament © The British and Foreign Bible Society and The Bible Society of Tanzania, 1960.