Methelokên 3
3
Bir 3
1Kurê min, qanûnên min ji bîra me ke û pendên min, bila di dilê te de cih bigirin;
2Ew ê ji te re jiyîneke dirêj, saline xweş û selametiyê bidin.
3Bila, qencî û dilrastî dûrî te me kevin, tu wan bi stoyê xwe ve girêbide, wan li ser depê dilê te binivisîne.
4Wilo hişê te wê bibe saxelem û tu ê bibî delalê Xwedê û yê dilên xelkê.
5Bi hemî xurtiya dilê xwe, xwe bispêre Xwedê û pişta xwe bi eqilmendiya xwe me şidîne;
6Her û her Xwedê bîne bîra xwe, ewê reya te firehtir bike.
7Di pêşiya çavê xwe de, xwe bi eqilmendiya xwe me nepixîne; ji Xwedê bitirse û dev ji xirabiyê berde.
8Pê gurçikên te bijûn û hestiyên te çalak bibin.
9Bi mal û zadê xwe ê nûgihayî qedrê Xwedê bigire:
10Hingi, enbarên te wê bibin tejî zad û dexil û denên te tejî şerab.
11Kurê min, tekdîrên Xwedê kêm me bîne û ji êşandina di Wî dilteng me be;
12Ji ber ko Xwedê weke bav bi kurên xwe dikin, peyayên ko hejî wan dike diêşîne.
13Serbilind e mirovê ko gihaye kikmet û şehrezayiyê û yê ko bijîr e…
14Tiştê ko wî pê kar kiriye ji zîv û peran çêtir e, û feyda ko jê tê ji ya zêran hêjatir e;
15Ew, ji mirariyan girantir e û qîmeta wê ji her tiştên bibeha mezintir e.
16Di aliyê wi ê rastê de jiyîneke dirêj û yê çepê de dewlemendî û serfirazî hene.
17Reyên ko di pêşiya wî de ne, yên xweşiyê ne û hemî şîvereyên di wî têr tenahî û selamet in.
18Ew, ji bona yên ko wê digirin dara jiyînê ye, û yên ko wê xurt digirin bi çiqasî bextiyar in.
19Ji ber ko Xwedê hîmê dinyayê bi hikmet û şehrezayiyê daniye û bi eqilmendiyê ezmanan şidandine;
20Bi hikmeta wî devên kûrahiyan vebûne û ji ewran xunav diniqute.
21Kurê min, bila ev tiştên he, li pêş çavên te bimînin tu pê bîrewer û bextiyar bibî.
22Ew ê bibin jiyîna giyanê te û zînetên stoyê te.
23Tu pê di reya xwe de bi ewleyî bimeşî û piyên te li tiştekî na kevin.
24Heke te xwe dirêj kir, tirs na keve dilê te û ko tu razayî xewa te wê bibe şîrîn.
25Êdî, bila tirsa te ne mîne, ne ji tometekê ji nişkan ve û ne jî, ji êrîşa peyayên xerab;
26Ji ber ko tu xwe bi Xwedê wê bisitirîni û ew ê lingê te ji kemînan biparêze
27Heke ji destê te tê, arîkariya hewcedaran bike û xwe jê me de paş.
28Heke di destê te de heye, bide; û ji xelkê re me bêje îro here û sibe were û ezê bidim te.
29Xirabiya kesê ko li ba te rûniştiye me xwaze û me de eqlê xwe.
30Bê sebeb, li acizkirina kesê ko tu neçeyiya wî ne gihaye te, me gere.
31Berberiya zorkeran ne ke û me de ser şopa wan.
32Xwedê ji rêderketiyan dikerihe; lêbelê Ew hevalê dilpaqijan e;
33Laneta Xwedê di mala peyayên xirab de ye, lê Ew rehma xwe digihîne mala pakdilan;
34Xwedê tevza xwe bi henekkeran wê bike; lê Ew ji comerdiya xwe dide belengazan;
35Para eqilmendan serfirazî ye, û ya ehmeqan şermisarî.
Currently Selected:
Methelokên 3: MKRPRO
Tõsta esile
Share
Copy
Want to have your highlights saved across all your devices? Sign up or sign in
© Civata Kitêba Miqedes ya brîtanî û biyanî 1947
© British and Foreign Bible Society 1947