1 Kòríntì ŋa 8
8
Kpɔ́lù wà fɔ̀ afɔ̀-ɛrã-ɛbɔ ŋa
1Báàyí#ɛ́, ǹ wò ní n fɔ afɔ̀-ɛrã-ɛbɔ ŋa gbo fú ŋɛ́ ńǹkɛ̀ɛ́. Ìɖéǹɖè#ɛ́, kíbí è wà fɔ̀ɔ́#ɛ́, àwa kpó, àa ma iŋɛ́ ɔ̀kã̀lɔ́ɔ̀kã̀ ti nára-iŋɛ ŋa. Ó ɖi fee, ǹ màá tã́, náa tse tsí à náa kɛ́ ara-nɛ. Ó ɖi, àmúɖɔ̃̀ òŋu náa tɔ́tse ɛgbɛ́, tsí ɛgbɛ́ náa dzokó si rìgírìgí ni. 2Bí ɔ̀nyà-kã̀ wà tsèsérè ní òŋu ma iŋɛ́-kã̀, ɛnɛ nyɛ̀ŋɛ̀ kò ma iŋɛ́ kíbí ó wà ní kó màá tó#ɛ́ wòná. 3Ó ɖi, bí ɔ̀nyà-kã̀ nɛ́ àmúɖɔ̃̀ fú Ɔ̀ɖáyé, Ɔ̀ɖáyé náa ma ɛnɛ nyɛ̀ŋɛ̀.
4Kíbí ó dzɛ́ bɛ́ɛ̀#ɛ́ fe, ɔ̀nà wà fúnɛ ní ká dzɛ ɛrã-ɛbɔ nàmí ká máa dzɛɛ́? Àwa kpó, àa mà ní iŋɛ ŋa kò dzɛ́ iŋɛ́-kã̀ kpókpó náyé gbaŋgba#á. Ó ɖi, Ɔ̀ɖáyé ɔ̀kã̀ntso gé ní wà#á. 5Ɛ̃ɛ̃, ɔ̀nyà kã̀ŋa wà fɔ̀ ní iŋɛ ŋa wà, tsí wà ńǹtalɛ̀ bí, tsí wà ńǹgbèrí gbo. Ń tiŋa òŋu#ɛ́, ó wà bɛ́ɛ̀, tsí iŋɛ kpɔ̀ fú ŋa, tsí ikpá yèé à wà kpè ní ɔlá ŋa gbo#ɛ́ kpɔ̀. 6Ó ɖi, ń tàwa òŋu#ɛ́, Ɔ̀ɖáyé ɔ̀kã̀ntso gé ní wà#á. Ó dzɛ́ Boba-wa, tsí ó ɖá iŋɛ́ ɔ̀kã̀lɔ́ɔ̀kã̀ kpó, tsí bí àa wà náàyɛ̀ si#ɛ́, òŋu ní à wà si fú#ɛ́. Tsí Yèésù Kírísítò òŋu níìkã̀ntso gbo gé ní dzɛ́ Ɔlá-wa#á. Ɔ̀ɖáyé gbà ńǹtá‐ɛ̀, tsí ɖá iŋɛ́ ɔ̀kã̀lɔ́ɔ̀kã̀ kpó, tsí gbà ńǹtá‐ɛ̀ ké ní àwa gbo, àa wà náàyɛ̀ si#ɛ́.
7Ó ɖi, ti nára-iŋɛ ŋa#á, kò tsi atɛ̀náànyì-Kírísítò ŋa kpó ní ma iŋɛ́ nyɛ̀ŋɛ̀#ɛ́. Ɔ̀nyà kã̀ŋa wà, tsí ó ti ɖi tiŋa si títí wáa fú òní, tsí à náa wà tsèsérè ní iŋɛ sísɛ̃̀ wà. Tsí ńǹwèrè yèé à wà dzɛ ɛrã-ɛbɔ#ɛ́, à náa tɔ́ wà tsèsérè ní iŋɛ ŋa#á ní àŋa tɔ́ wà sɛ̃̀ bɛ́ɛ̀ ró#ɛ́. Ɛ̀ɖɔ̃̀-ŋa kò gbó, tsí ìsérè-ŋa náa wà fɔ̀ fú ŋa ní bí à dzɛ ɛrã-ɛbɔ#ɛ́ bɛ́ɛ̀#ɛ́, à ɖi ɔ̀nyà gbígbɛ̃ɛ̃́rĩ́ nódzú-Ɔ̀ɖáyé ńnɛ̀ɛ́. 8Kò tsi dzídzɛ ní náa mú wa sɔ́má-Ɔ̀ɖáyé#ɛ́. Bí àa dzɛɛ́ gbo, bí àa kò dzɛɛ́ gbo, iŋɛ́-kã̀ kpókpó kò wà nyà bɔ̀ fú wa, tsí iŋɛ́-kã̀ kpókpó gbo kò wà máa fú wa.
9Ó ɖi, bí ɔ̀nà wà fú ŋɛ́ ní e tse iŋɛ́-kã̀, è tsɔ́ éwo-ara-ŋɛ́ ŋa nára‐ɛ̀. È máa tse tsí iŋɛ́ nyɛ̀ŋɛ̀ kó wáa ɖi òkúta-àkɔ̀sɛ̀ fú ɛnɛ yèé ŋa ɛ̀ɖɔ̃̀-ŋa kò gbó wòná#á. 10Nákó nyáa dzɛ́ ní olí-Yèésù-kã̀ wà, tsí ɛ̀ɖɔ̃̀ tɛ̀ɛ̀ kò gbó, tsí ó wà tsèsérè gbo ní kò sã̀ ní ká dzɛ ɛrã-ɛbɔ. Báàyí#ɛ́, ó wáa mú ìwɔ-kã̀, tsí ń rí ńlé-iŋɛ, tsí ò wà dzɛŋɛ́. Tsí ìwɔ yèé wà dzɛŋɛ́ bɛ́ɛ̀#ɛ́, kíbí ìwɔ òŋu ò màá tó#ɛ́, ò wà fɔ̀ ní òŋu kò wà tse íbàɖí. Ó ɖi, mà si ní kíbí ɛnɛ nyɛ̀ŋɛ̀ ríɛ bɛ́ɛ̀#ɛ́, ò wà sɔ́ɔ ní òŋu gbo kó lɔ káà dzɛ ɛrã-ɛbɔ ńnɛ̀ɛ́. Ò wà ɖáàmí leé ní kó tse iŋɛ́ yèé kò sã̀ ńǹsérè tɛ̀ɛ̀ ní kó tse#ɛ́ ni. 11Tsí náàtsùgbée kíbí ìwɔ òŋu ò ní òŋu màá tó#ɛ́, ɛnɛ yèé ɛ̀ɖɔ̃̀ tɛ̀ɛ̀ kò gbó#ɛ́ nákó tsɛ̀rá. Ɛnɛ nyɛ̀ŋɛ̀#ɛ́, ìnàbí-ɛ̀ɛ ní ó sì dzɛ́#ɛ́, tsí Kírísítò tse àtsùgbée tɛ̀ɛ̀ gbo, tsí kú ni. 12Kíbí è wà tse íbàɖí bá ìnàbí-ŋɛ́ ŋa bɛ́ɛ̀, tsí wà sɔ́ ŋa ní ká tse iŋɛ́ yèé ìsérè tiŋa wà fɔ̀ fú ŋa ní kò sã̀#á, è wà dzàbi-Kírísítò ńnɛ̀ɛ́. 13Náàtsùgbée bɛ́ɛ̀#ɛ́, bí ó dzɛ́ ní iŋɛ́ yèé màa dzɛ#ɛ́ nákó nyáa sɔ́ ìnàbí-mi-kã̀, tsí kó dzàbi-Ɔ̀ɖáyé#ɛ́, èmi òŋu, ǹ kàkó tɔ́ dzɛ ɛrã láyé ró, àtsùgbée n máa tse tsí n wáa sɔ́ ìnàbí-mi, tsí kó dzàbi-Ɔ̀ɖáyé.
Currently Selected:
1 Kòríntì ŋa 8: ngl
Tõsta esile
Share
Kopeeri
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.