Башланув 16
16
Исмаилнинъ догъувы
1Ибрамнынъ апайы Сарей онъа бала тапмай эди. Онынъ Хагъар адлы мысырлы хызметчи къызы бар эди, 2ве Сарей Ибрамгъа:
– Бакъса, РАББИ манъа бала тапмакъ къысмет этмей. Хызметчи къызымнен ят, бельки, мен ондан бала корерим, – деди.
Ибрам Сарейни динъледи. 3Ибрамнынъ апайы Сарей озь хызметчи къызыны, мысырлы Хагъарны акъайы Ибрамгъа апай этип берди. Ибрам о заман Ханаан топрагъында энди он йылдан берли яшай эди. 4Ибрам Хагъарнен ятты, ве Хагъар юкке къалды. Юкке къалгъаныны корип, Хагъар саибесине олгъан сайгъысыны джойып башлады. 5#Баш 18.25; 31.53; 1 Пад 24.13, 16; Къад 11.27Сонъ Сарей Ибрамгъа бойле деди:
– Манъа япкъан акъсызлыгъында сен къабаатлысынъ. Мен сенинъ къолларынъа озь хызметчимни бердим, о, исе юкке къалгъан сонъ, манъа олгъан сайгъысыны джойды. Бизим ишимизни РАББИ суд этсин.
6– Мына, хызметчинъ сенинъ къолунъда, – деди Ибрам Сарейге. – Онен не истесенъ, оны яп.
Сарей Хагъарны ойле азарлап башлады ки, тап Хагъар ондан къачып кетти. 7#Чыкъ 15.22РАББИнинъ Мелеги оны сахрадаки сув чокърагъы янында тапты. Бу сув чокърагъы Шургъа кеткен ёлда ерлешкен эди. 8Мелек ондан:
– Хагъар, Сарейнинъ хызметчиси! Сен къайдан кельдинъ ве къайда кетесинъ? – деп сорады.
– Мен саибем олгъан Сарейден къачам, – деди Хагъар.
9РАББИнинъ Мелеги онъа:
– Саибенъе къайт да, онынъ япкъанларына сабыр эт, – деди.
10РАББИнинъ Мелеги онъа даа бойле деди:
– Сенинъ эвлятларынъны о къадар чокъ этерим ки, тап онынъ микъдарыны саймакънынъ чареси олмаз.
11Даа РАББИнинъ Мелеги онъа бойле деди:
– Мына, сен юклюсинъ. Сен огълан бала тападжакъсынъ ве онъа Исмаил#16.11 Исмаил – къ. еуд. «Ишмаэл» сёзю «Алла эшите» манасыны анълата. деген ад къояджакъсынъ, чюнки РАББИ сенинъ чеккен азабынъны корьди.
12О, кийик эшек дайын оладжакъ: о, эр кеске къаршы, эр кес де онъа къаршы оладжакътыр.
О, агъаларынен душманлыкъта яшайджакъ.
13Онен лакъырды эткен РАББИге Хагъар Эл-Рои#16.13 Эл-Рои – къ. еуд. «мени корьген Алла» манасыны анълата. деген ад берди. О: «Керчектен де, мында мени Корьгенни корьдим», – деди. 14Онынъ ичюн бу чокъракъ Беэр-Лахай-Рои#16.14 Беэр-Лахай-Рои – къ. еуд. «Эбедий Яшагъаннынъ ве мени Корьгеннинъ къуюсы» манасыны анълата. деп адлана. О, Къадеш ве Беред арасында ерлешкендир.
15Хагъар Ибрамгъа огълан бала тапты, ве Ибрам онъа, Хагъардан олгъан огълуна, Исмаил деген ад берди. 16Хагъар Ибрамгъа Исмаилни тапкъанда, Ибрам 86 яшында эди.
Currently Selected:
Башланув 16: CTB
Tõsta esile
Share
Copy
Want to have your highlights saved across all your devices? Sign up or sign in
© Институт перевода Библии, 2016