Башланув 10
10
Нух огъулларынынъ эвлятлары
1Мына Нух огъуллары олгъан Шем, Хам ве Яфетнинъ эвлятлары акъкъында ривает.
Сув ташкъынындан сонъ оларнынъ балалары олдылар.
2Яфетнинъ огъуллары: Гомер, Магог, Мадай, Яван, Тувал, Мешек ве Тирас.
3Гомернинъ огъуллары: Ашкеназ, Рифат ве Тогъарма.
4 #
Юнус 1.3
Яваннынъ огъуллары: Элиша ве Таршиш, Киттим ве Доданим.
5Булардан ялы боюнда ве адаларда яшагъан миллетлер пейда олдылар; эр кеснинъ озь ери, озь тили ве озь миллетнинъ къабилелери бар эдилер.
6Хамнынъ огъуллары: Хуш, Мицраим, Пут ве Ханаан.
7 #
Баш 2.11
Хушнынъ огъуллары: Сева, Хавила, Савта, Раама ве Савтекъа.
Рааманынъ огъуллары: Шева ве Дедан.
8Хушнынъ даа Нимрод деген огълу олды. О, ер юзюнде биринджи пельван эди. 9РАББИнинъ юзю огюнде о, къудретли авджы эди. Онынъ ичюн къудретли авджылар акъкъында: «О, Нимрод киби, РАББИнинъ юзю огюнде къудретли авджы», – деп айталар. 10Башта онынъ падишалыгъына Вавилон, Эрек, Акъкъад ве Шинар мемлекетинде олгъан Къалне деген шеэрлер кире эдилер. 11#Баш 2.14Бу мемлекеттен чыкъып, о, Ашшур мемлекетине кетти ве анда Ниневе, Реховот-Ир ве Къалах шеэрлерни къурды. 12Эм де Ниневе ве Къалах арасында Ресен деген шеэрни къурды; бу буюк шеэр эди.
13Мицраимден лудлылар, анамлылар, лехавлылар, нафтухлылар, 14патруслылар, къаслухлылар (булардан фелестинлилер чыкътылар) ве къафторлылар асыл олдылар.
15Ханаандан Сидон (Ханааннынъ биринджи догъгъан огълу) ве Хет, 16эм де евуслылар, аморлылар, гиргашлылар, 17хивлилер, аракълылар, синлилер, 18арвадлылар, цемарлылар ве хаматлылар дюньягъа кельдилер. Сонъундан ханаанлыларнынъ къабилелери кенъ дагъылдылар. 19Ханаанлыларнынъ сынъырлары Сидондан башлап Герар тарафына Гъазагъадже, ве Содом, Гомора, Адма ве Цевоим тарафына Лашагъадже эдилер. 20Бу, къабилелерине ве тиллерине коре, топракъларында ве миллетлеринде олгъан Хамнынъ эвлятлары.
21 #
Сай 24.24
Шемнинъ де балалары бар эди. О, Эвер огъуллары эписининъ бабасы-дедеси, Яфетнинъ буюк агъасы эди.
22Шемнинъ огъуллары булардыр:
Элам, Ашшур, Арпакъшад, Луд ве Арам.
23Арамнынъ огъуллары булардыр:
Уц, Хул, Гетер ве Маш.
24Арпакъшаднынъ Шелах деген огълу бар эди, Шелахнынъ исе Эвер деген огълу бар эди. 25Эвернинъ эки огълу олды: бирисининъ ады Пелег#10.25 Пелег – къ. еуд. «Пелег» адынынъ айтылувы «палаг» (о, больди) фиилине ошай. эди, чюнки тамам о, олгъан заманда ер айырылгъан эди. Къардашынынъ ады исе Ёкътан эди.
26Ёкътаннынъ Алмодад, Шелеф, Хацармавет, Ерах, 27Хадорам, Узал, Дикла, 28Овал, Авимаэл, Шева, 29#Баш 2.11Офир, Хавила ве Ёвав деген огъуллары бар эди.
Булар эписи Ёкътаннынъ огъулларыдыр. 30Оларнынъ яшагъан топракълары Мешадан башлап шаркъ дагъы олгъан Сефаргъа баргъандже эди.
31Бу, къабилелерине ве тиллерине коре, топракъларында ве миллетлерине коре олгъан Шемнинъ эвлятлары.
32Нух огъулларындан башта эвлятлар, эвлятлардан исе миллетлер айырылдылар. Бу, Нух огъулларындан пейда олгъан къабилелердир. Булардан, сув ташкъынындан сонъ, ер юзюндеки миллетлер чыкътылар.
Currently Selected:
Башланув 10: CTB
Tõsta esile
Share
Copy
Want to have your highlights saved across all your devices? Sign up or sign in
© Институт перевода Библии, 2016