Luka 6
6
Yesu Ekutenda bua Busi bua Sabato.
Mat. 12:1-8; Mk. 2:23-28.
1Mu busi bua sabato, atingile mu masoa ma mabela; nu beigisibua bage bakalile mabela, nu kumalia, kumapikisa mu maboko. 2Tondo baFalese bamozi bababuide bune, Kubuni kumukukita butakulungana ku mulembe busi bua sabato? 3Nu Yesu abakuide bune, Ndi tamuasomine buakitile Davidi, gabezaga akukua na nzala, we, nu bango babezaga nage; 4eingide mu numba za Kalaga, nu atolile kampampa kako ka kalolesio, akatolile nu akakasile banyage, kako katakulungana ku mulembe kulibua na beteli basankoga. 5Nu abatendile bune, Muana wa muntu eli mukota wa busi bua sabato.
Yesu Ekonia Muntu Wabezaga Wakaka Kuboko Busi bua Sabato.
Mat. 12:9-14; Mk. 3:1-6.
6Nu gabeide bungo busi bua sabato, eingide mu numba za musanganano nu eigisizie: nu kuabezaga muntu umozi woma kuboko kua seidume. 7Nu basanzi nu baFalese bamulolile buno, ndi onie bubo busi bua sabato; buno embe banamusongela. 8Tondo amenyine makengelo mabo; nu abuide wozo muntu wabezaga woma kuboko bune, Zanzuka, nu wemane munkatini muabo. Nu azanzukile nu emanine kima. 9Nu Yesu abatendile bune, Nkumubuzia buno ndi buakulungana ku mulembe kukita busoga, aba kukita bubi mu busi bua sabato? konia muntu, aba kumubigia? 10Nu akakile bansania meiso, nu abuide wozo muntu bune, Lambia kuboko kuobe, nu akulambizie, nu kuabeide kugimagima anga kokungo. 11Nubo bongilue nunse; batendeine buabo buabo buno, buni butukita Yesu.
Yesu Ekusombola ku Beigisibua Bage Ikumi na Babili.
Mat. 10:2-4; Mk. 3:13-19.
12Nu mu bindi bibio, endile kusega ku muiduko; akesizie ntende kindi kinsania ekusega Kalaga. 13Nu gakeide busi, amanine beigisibua bage; nu asombueide ikumi nu babili gabasamba, abenikile buno basingua: 14Simona, einikilue izina buno, Petelo, nu muto wage Andele, nu Yakobo, nu Yoana, nu Filipo, nu Batolomayo, 15nu Matayo, nu Toma, nu Yakobo muana wa Alafayo, nu Simona wamanagua Zelote, 16nu Yudasa muana wa Yakobo, nu Yudasa Isakaliote, uwamugabuide; 17nu gendile nabo, nu emanine nabo ga kiziki kia kibitabita, nu musanganano munene wa bantu bansania batukile ku Yudaya, nu ba ku Yelusalema, nu kuntungo za Tula nu Sidona, nu bavule kumunguilila, nu kuonibua ku nsambo zabo; 18nu babo bakuaga na basumbu ba nsese bonezibue. 19Nu musanganano unsania batundile kuitubia kueli; kubuno magala mabezaga meki mabasa mueli nu mabonezie bansania.
Kutenda kua Yesu ku Muiduko.
Mat. 5:1-8.
20Nu alambulide beigisibua bage meiso, nu atendile bune, Mbogimbogi kumuli inyue bazambi; kubuno bukota bua Kalaga buli bueinyu. 21Mbogimbogi kumuli inyue bakukuana nzala kano kaluma: kubuno muaseke. 22Mbogimbogi kumuli inyue bakalingua nu kusombua na bantu, nu mukalekanuka na mikundamano zabo, nu bakamuzugila, nu tabakamumona neipiko, ku kabamba ka Muana wa muntu. 23Bogazibogazi busi bubo, nu kutumatuma na mbogimbogi, kubuno lukalilo lueinyu lusoga luli lunene muigulu: kubuno beisibo basungizie lingo balengania. 24Tondo kabebe kumuli inyue bagumi! kubuno muasila kumona mutali weinyu. 25Kabebe kumuli, inyue bakuseka kano kaluma kubuno mukasulunana nu mukalila. 26Kabebe kumuli inyue, kungua mukuganunua na bantu bansania! kubuno bubo ubuakitile beisibo ku balengania ba buza.
27Tondo nkumubula inyue bekungua; Tundazi babo bamusomba, nu kitazi busoga ku babo bekumusomba. 28Kitazi babo bekumusuilila mponga, nu segelazi babo bekumulinga. 29Nu wozo wakulibula lugizi kuitama mugalukizie lio lingo; nu wozo wakutikia ikoti lia gantata, nti wamukasa lia munda. 30Kasa na muntu na muntu ukukusega; nu wozo ukukunyaga biobe ntumubuziebio lingo. 31Nu anga bubo bumukutunda bantu kumukitila, ububo nuinyue bumubakitila. 32Nu ndi mukubatunda bakumutunda mutali mukizi umunamona? Kubuno bagi bekutunda babo bekubatunda. 33Nu ndi mukukita busoga ku babo bakumukita busoga, mutali mukizi umunamona? Kubuno bagi bekukita bubo nubo. 34Nu ndi inyue muambia bango nu kulemanina kumona kena kubeli mutali mukizi umukumona? Kubuno bagi bakuambania buabo buabo, buno basubizibue lingo. 35Tondo tundazi bamusomba, nu bakitilazi busoga nu kubambia, tamulemanine buno bamulige; nu mutali weinyu wabe munene, nu muabe bana ba Wozo Uli Muigulu; kubuno eli na kiombo ku bantu batakumusima nu babi. 36Mube na kiombo, anga buli Soinyue na kiombo. 37Tamusungie; buno munavua kusungibua; tamukande, buno munavua kukandua: sigililazi, nuinyue muasigililue: 38kasanazi, nuinyue muakasue; kilindiko kiyala, kiatutubizibua, kiatengezibue, kiakubukile, bantu bamukase ga bibelo bienyu. Kuko kumukulindika ukuko kumukalindikua.
39Nu abeisile musumo: Ndi kiuku kinavuama kusondelezia kingo kiuku? ndi bubeli babili tabanakoloka mu muzinga? 40Muigisibua ntatinga musozi wage: tondo na muigisibua na muigisibua wazindilizia nti akaba anga musozi wage. 41Buni bukulola kikolokolo kili mu liso lia munyobe, nu ntukumona ku lubabu luli mu liso liobe? 42Buni bunavuama kutenda ku munyobe bune, Munane vua tanga nkutikie kikolokolo kili mu liso liobe, nu uwenyene ndi ntukumona ku lubabu luli mu liso liobe? Uwe muengelezi, tikia tanga lubabu luli mu liso liobe, nu nti ubunavuama kutikia kikolokolo kili mu liso lia munyobe. 43Kubuno takuli muti musoga unakolama biguma bibi: aba muti mubi kukolama biguma bisoga. 44Kubuno muti na muti ukumenyua ku biguma biago. Kubuno bantu tabanakola biguma bia figi ku muti wa mikele, aba kukola biguma bia mizigi ku mikele. 45Muntu musoga muisuku lia mutima wage mukutuka bitondo bisoga; nu muntu mubi muisuku lia mutima wage mubi mukutuka bitondo bibi: kubuno bukukengela mutima nti ubukutenda kanua.
46Kubuni mukumana buno, Mukota, Mukota, nu tamukukita bunkutenda? 47Na muntu na muntu ukuvua kundi, nu kungua ku malagi mane, nu kumanza, nkamulolesia bualingimana nabo: 48alingimana na muntu ukubaka numba, ombile gansi nunse, nu abikile kibanza gantata ga luanda: nu muiyalo wavule, nu wazigubile na magala, tazatengiletengile; kubuno zobakilue busoga. 49Tondo wozo ukungua, nu ntakita, nkamulingimania na muntu wobakile numba zage gantata ga bilongo geteli kibanza; nu muiyalo wazigubile na magala, nu kazanga kongo zaguide; nu kubiga kua numba zezo kuabeide kunene.
Currently Selected:
Luka 6: NTKI57
Tõsta esile
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.