Luka 23
23
Yesu Eli kua Pilato.
Mat. 27:2, 11-14; Mk. 15:1-5; Yoana 18:28-38.
1Nu musanganano unsania wazanzukile, nu bendile nage ku Pilato, 2nu balingile kumukandika bitondo, batendile bune, Tuamonine wono muntu akuzimizia kilongo kietu, nu akubazugila buno tabalige idigo ku Kaisa, nu akuitenda buno eli Klisto Mukota. 3Nu Pilato amubuzizie bune, Ndi uwe U Mukota wa baYuda? Nu amutendile bune, Bubo buwatenda. 4Nu Pilato atendile basankoga banene nu musanganano bune, N sikumona ku bumozi ku muntu wono. 5Tondo bamuakanizie, batendile bune, Ekuengelela bantu, nu kuigisia mu Yudaya unsania, kutuka ku Galela, ukualingide aba nu kuno.
Yesu Eli kua Helode.
6Tondo Pilato gongule, abuzizie buno, ndi wono eli muntu wa Galela. 7Nu gamenyine buno, abezaga ku buangato bua Helode, amusingile ku Helode abezaga ku Yelusalema mu bindi bibio.
8Gamonine Helode ku Yesu abogilebogile nunse: kubuno kutukila wakalazi atundaga kumumonako, kubuno ongule ku bitondo biakitaga; nu atundaga kumona ku mugeleko wakukita. 9Nu amubuzizie bitondo bingi; tondo ntamuakuide buampa. 10Nu basankoga banene nu basanzi babezaga gago, nu bamukandikile bitondo bubibu. 11Nu Helode nu bakoloboyo bage, bamukitile nguza, nu kumuililika, nu kusila kua bubo bamuvualikizie nsulu nsoga, nu amusubizie kua Pilato. 12Helode nu Pilato bagomezie kutukila busi bubo: kubuno babezaga basombana.
Yesu Eli kua Pilato Lingo.
Mat. 27:15-26; Mk. 15:6-15; Yoana 18:39-40.
13Pilato akundamanizie basankoga banene nu bangati nu bantu, 14nu abatendile bune, Muanvuilide na wono muntu, buno ekuengelela bantu: nu namubuzizie ku bitondo bibino bimuamukandikile kubio, nu nsiamonine ku bubi bumozi bumuamukandikaga; 15aba Helode nuwe ukiamusubizizie kutuli ntamuene ku kitondo kiatunganana kukuila muntu. 16Umpanga nkumususula nu nti namukandula. 17Kubuno ku busi bua kisagulo buatunganana mukandua umozi kukandulua. 18Tondo balalukile bubibu bansania gamozi, bune, Tikia wozo, nu utukandulile Balaba: 19wono muntu akandilue mu kikando ku musona wabezaga mu muino nu ku buiti. 20Nu Pilato abatendile lingo, kubuno atundaga kukandula Yesu; 21tondo balalukile bune, Mutakazi, mutakazi. 22Nu ababuide limbizi lia masatu bune, Kubuni, bubi bukizi buakitile; nsikumenya bumozi buanakuila. Nkumulibula nu nti namukandula. 23Tondo balalukile bubibu, basegile buno atakue. Nu moki mabo makindile. 24Nu Pilato asengezezie buno bubakutunda bukitue. 25Nu akanduide wozo wakandagua ku kabamba ka musona nu buiti wozo ubatundaga, tondo agabuide Yesu anga bubatundaga.
Bekuita Yesu ku Muti wa Magu.
Mat. 27:33-38; Mk. 15:22-28; Yoana 19:1-17.
26Nu gabamukatile, batolile muntu umozi wamanagua Simona wa Kulene, atukaga muisoa, bamuekezie muti wa magu, kumbusa kua Yesu. 27Nu musanganano munene wa bantu wamuyangile, nu bakikulu beidibulaga ku makuba nu bamulililaga. 28Tondo Yesu akebetukile nu atendile bune, Bakinga ba Yelusalema, tamunandilila, tondo idililazi nu kulilila bana beinyu. 29Kubuno bindi biavue bakatenda buno, Mbogimbogi ku bagumba nu nda zitabuta, nu mabele matakumomia. 30Nu bakalinga kubula miduko bune, Tulimbazi; nu tubisazi. 31Kubuno ndi bekukita bitondo bibino ku muti mubisi, buni bukakitua ku muti woma?
32Nu bendile na bango babili beiti, buno beitue nage kiandindi. 33Nu gababasile ga kiziki kibamanaga buno, Nkungu, nu kuko ukubamutakile ku muti wa magu, nu babo bagi, umozi kuaseidume nu ungo kuaseikazi. 34Nu Yesu atendile bune, Tatane basigilile; kubuno tabeizi bubekukita. Nu babegeine nsulu zage, nu bazeside mbale. 35Nu bantu babezaga bemana nu balolaga, Nu bangati bamuililikile batendile bune, Onezie bango; eiyonie wenyene, ndi eli Klisto wa Kalaga, musombolua wage. 36Nu bakoloboyo nubo bamuililikile, nu bavule kueli nu bamukasile maku makali, 37nu batendile bune, Ndi uwe u Mukota wa baYuda, iyonie uwenyene. 38Nu kuabezaga isanzo gantata gage buno, WONO ELI MUKOTA WA BAYUDA.
Umozi wa Kubabo Bakuaga na Yesu Amukatizizie.
Mat. 27:44; Mk. 15:32.
39Nu umozi wa ku babo batakilue nabo amulingile, atendile bune, Ndi uwe ntuli tugu Klisto? Iyonie uwenyene nu tonie nuisue. 40Tondo ungo amuzugide, nu atendile bune, Ndi ntukukua tugu Kalaga boba, nu mu lusungio lumozi umutuli? 41Butukusungibua buligo; kubuno tukusungibua ku buagi bueitu; tondo wono ntakitile buampa buanakuila. 42Nu atendile ku Yesu bune, Kunkengelaga gokeingila mu bukota buobe. 43Nu amuakuide bune, Lebelebe nkukubula bune, Lelo wabe nanne mu Paladiso.
44Nu zabezaga zakuka nkungu mutuba, nu kuabeide kapilo ku kisi kinsania aba nu ku nkungu mubula. 45Nu kisongo kia busi takiasanine lingo: nsulu za numba za kukumbamina zatikile munkatini.
Lukuo Lua Yesu Klisto.
Mat. 27:50; Mk. 15:37; Yoana 19:30.
46Nu Yesu alalukile neiyuki inene bune, Tatane nabika kalamo kane mu maboko mobe: nu asilile kutenda bubo, eidekanizie wenyene. 47Nu mukota wa bakoloboyo gamonine bubo buaba, aganuine Kalaga, nu atendile bune, Lebelebe wono muntu abezaga eisanana. 48Nu bansania babezaga ku musanganano bangamine gabamonine ku bubo buabeide, nu basubanizie beidibulaga ku makuba. 49Nu bansania babezaga bemuizi nu bakikulu bamuyangaga kutuka ku Galela, babezaga beikile kulazi nu balolaga bubo.
Bese Babika Yesu ku Nsinda.
Mat. 27:57-61; Mk. 15:42-47; Yoana 19:38-42.
50Nu kuabezaga muntu umozi wa luango, izina liage Yosefu, muntu musoga nu weisanana 51(tondo nteitabizizie luango luabo, nu kukita kuabo), abezaga muntu wa Alimataya, muino munene wa baYuda, nu alindilaga bukota bua Kalaga: 52nu wono muntu endile ku Pilato, nu asegile kitumba kia Yesu. 53Nu Akikumbizie, nu akikandile na nsulu zabota, nu akibikile mu nsinda zabazilue muikozi, tamubikua kingo kitumba. 54Nu buabezaga busi bua Kulongeka, nu busi bua sabato buse buigi. 55Nu bakikulu batukaga ku Galela, bayangile, nu kulola ku nsinda, buno buni buabikilue kitumba kiage. 56Nu basubizie nu balongekile ngenge nu bulago. Nu busi bua sabato bomuinue anga buakakizizibue.
Currently Selected:
Luka 23: NTKI57
Tõsta esile
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.