Luka 20
20
Bekubuzia Yesu Buangato Buage.
Mat. 21:23-27; Mk. 11:27-33.
1Nu kuabezaga busi bumozi eigisizie bantu mu numba za kukumbamina, nu kusambala musagu musoga, nu basankoga banene nu basanzi gamozi na bakulu bamuvuilide: 2nu bamubuide bune, Tubule buangato bukizi bukukitila ku bubuno? aba nazi wakukasile bubuno buangato? 3Nu abatendile bune, Nkumubuzia bumozi nu nakulazi: 4Bubatizio bua Y oana, buatukile muigulu, aba ku bantu? 5Nu babuzanizie buabo buabo, nu batendile bune, Ndi tuatenda buno, buatukile muigulu; nti atende buno, Kubuni tamuamukatizizie? 6Tondo ndi tuatenda buno, Buatukile ku bantu; nti bantu bansania batulibule makozi; kubuno bakatizizie buno Yoana abezaga mulengania. 7Nu bamutendile bune, Tatuizi. 8Nu Yesu abatendile bune, Nunne nsikumubula buangato bunkukitila ku bubuno.
Musumo wa Nyene Isoa Wasegaga Balimi Bage Biguma Biage.
Mat. 21:33-46; Mk. 12:1-12.
9Nu eisile bantu musumo buno; Muntu ayikile isoa lia mizigi za biguma, nu alikasile balimi bage, nu endile mu kingo kisi eikalile nkungu ndazi. 10Nu nkungu za kukola asingile mukambi umozi ku babo bakambi buno, bamukase nkindi za biguma; tondo bakambi bamulibuide, nu bamubasizie nteli na kampa. 11Nu asingile ungo mukambi: nu bamulibuide, nu bamubabazizie nunse, nu bamubasizie nteli na kampa. 12Nu asingile ungo wa basatu; nu bamubabazizie; nu bamuimbizie. 13Nu mukota weisoa atendile bune, Buni bunikita? nkusinga muana wane, mutundua; embe banamuanza. 14Tondo babo bakambi gabamumueneko, babuzanizie buabo buabo, batendile bune, Wozo eli mupieni; tumuitazi, nu tupiene bupieni buage. 15Nu bamubasizie muisoa lia biguma, nu bamuitile. Nu wozo mukota weisoa buni buakakita babano? 16Gakavua akeita babo bakambi, nu nti akasane lilio isoa ku bango. Nu gabongule batendile bune, Kilo aba nunse. 17Tondo abakakile meiso nu atendile bune, Buisulilua bukizi bua bubuno buasanzilue:
Ikozi liasombilue na bobaki,
Uliabede ikozi inene lia kapindapinda?#Luimbo 118:22.
18Na muntu unsania wagoa geikozi lilino abeleke; tondo unsania wakolokelua nalio, nti liamubungula.
Yesu Ekutenda Buidigo.
Mat. 22:15-22; Mk. 12:13-17.
19Nu basanzi nu basankoga banene balondile kumukata mu nkungu zezo; tondo bakule bantu boba: kubuno bamenyine buno abeisaga musumo wono. 20Nu bamulolile nu bamusingide bantu kukokosia, nubo beibikile anga beisanana, buno bamukandike bitondo, bubanamulusia ku buangato bua muangati. 21Nu bamubuzizie bune, Musozi, tuizi buno ukutenda nu ukuigisia bulili, kubuno ntukulola kilungi kia muntu, tondo mu bulili ukuigisia meigisia ma Kalaga: 22ndi buakulungana ku mulembe kuliga Kaisa idigo aba kutaliga? 23Tondo amenyinine menge mabo, nu abatendile bune, 24Ndolesiazi falanga zeidigo.#Lk. 7:4. Zili na kisusania nu masanzo ma nazi? Nu bamubuide bune, Bia Kaisa. 25Nu abatendile bune, Kasazi Kaisa bia Kaisa, nu Kalaga bia Kalaga. 26Nu tabavuamine kumukandika bitondo ku bantu; nu bangamine na kuakula kuage, nu beikeide kibibi.
Yesu Ekutenda baSodoke Kuyuka kua Bantu Kubakuzi.
Mat. 22:23-33; Mk. 12:18-27.
27Nu baSodoke bamozi babo bakutendaga buno takuli iyukilo, nu bamubuzizie bune, 28Musozi, Mose atusanzide buno, ndi iselenzi wa muntu akua, nu asiga mukikulu, nu ntasiga bana, muto wage nti amuyana, nu kumubutila bana. 29Mutuli muabezaga mibuto mutubakamo bandemozi: nu mutangi asongile mukikulu, nu akule ntasiga bana; 30nu wababili; 31nu wa basatu amusongile; nubo bansania mutubakamo bakule tabasigile bana. 32Nu mukikulu nuwe akule. 33Muiyukilo wozo mukikulu akaba wa nazi? Kubuno asongilue na babo mutubakamo. 34Nu Yesu abatendile bune, Bana ba kisi kikino bekusonga, nu kusongua; 35tondo babo bakaganzua buno batananina kuingila mu kisi kikavua, nu lilio iyukilo lia bakuzi, tabakasonga aba kusongua; 36kubuno tabakavauma kukua lingo; kubuno balingimana na migenzi; nubo beli bana ba Kalaga, kubuno beli bana beiyukilo. 37Tondo ku kuyuka kua bakuzi, Mose alolesizibue, ku Kilindi kiaguluminaga keiya, gamanaga Mukota, U Kalaga wa Abalahama, nu Kalaga wa Isaka, nu Kalaga wa Yakobo. 38We nteli Kalaga wa bakuzi, tondo wa balami: kubuno kueli bansania bakulama. 39Nu bango basanzi bamozi bamutendile bune, Musozi, watenda buligo. 40Nu tabagelekile lingo kumubuzia mbuzio.
Yesu Ekubuzia Buisulilua Bueizina lia Klisto.
Mat. 22:41-46; Mk. 12:35-37.
41Nu ababuide bune, Buni bukutenda bantu buno, Klisto eli muana wa Davidi? 42Kubuno Davidi wenyene atendile mu mukanda wa Nimbo,
Mukota atendile ku Mukota wane,
Ikala ku kuboko kuane kua seidume,
43Aba nu ganangate beiti bobe.#Luimbo 110:1. 44Ndi Davidi amumanine Mukota, kubuni eli muana wage?
45Nu gamunguililaga bantu bansania atendile beigisibua bune, 46Idangazi na basanzi babo bekuelama kutabanga mu nsulu ndazi, nu kusekelua ku masoko, nu kuikala ga bisumbi bitangi mu numba za musanganano, nu mu biziki bitangi mu bisagulo, 47bakunyaga numba za misigala, nu kusega masego malazi ku buengelezi: babano bakasungibua nunsania.
Currently Selected:
Luka 20: NTKI57
Tõsta esile
Share
Copy
Want to have your highlights saved across all your devices? Sign up or sign in
Nouveau Testament en Kilega © Bible Society of the Democratic Republic of Congo, 1957.