APUNG ANYIM 5
5
Adam Thsaosithsoso
(1 Ateng 1:1-4)
1Nung Adam ainou nyimsantsün vetaoling thsam, (Tilai Goa nou khaiunia shan, apaüh ngüso meshen kheknai shan. 2Apaüh ngüso melo si menyiu shan, küta oukkiu, naiuso ngüso tü “KHAIUNIA LE”) ta niankiu. 3Tilai Adam achetpon 130 noiküla, apa tü melothso tsak apa khekkü chetlut, naiuso apaüh methso nou Sed ta niankiu. 4Apa thso Sed chetkü phiai Adam aakihlaiu pon 800 kih. Apa tü thsoso amao lüko chetlut 5küta Adam achetpon 930 nai ean.
6Tilai Sed achetpon 105 noiküla apa tü melothso tsak Enos, 7chetlut küta nungphiai apa pon 807 kihshin. Apa tü thsoso amao lüko chetlut 8küta apa pon 912 kihküta ean.
9Naiuso Enos achetpon 90 noikü apa tü Kainan chetlut. 10Naiuso Kainan chetkü phiai Enos pon 815 kih, naiuso apa tü amao melothsohoi si menyiuthsohoi lüko chetlut. 11Naiuso apa aakihlaiu pon 905 kih, küta ean. 12Tilai Kainan apa achetpon 70 noikü apa tü Mahalalel chetlut, naiuso. 13Mahalalel chetküta phiai Kainan pon 840 kih, naiuso apa tü amao melothsohoi si menyiuthsohoi lüko chetlut. 14Naiuso Kainan aakihlaiu pon 910 kih, küta ean.
15Tilai Mahalalel achetpon 95 noiküla apa tü Jared chetlut. 16Naiuso Jared chetküta phiai Mahalalel pon 830 kih; küta apa tü amao melothsohoi si menyiuthsohoi lüko chetlut. 17Naiuso Mahalalel aakihlaiu pon 895 kih, küta ean.
18Tilai Jared achetpon 162 noiküla, apa tü Enok chetlut, 19naiuso Enok chetküta phiai Jared pon 800 kih, küta apa tü amao melothsohoi si menyiuthsohoi lüko chetlut. 20Jared aakihlaiu pon 962 kih, küta ean.
21Tilai Enok achetpon 65 noiküla, apa tü Methusela chetlut. 22Naiuso Methusela chetküta Enok Goako pon 300 tsakei naiuso apa tü amao melothsohoi si menyiuthsohoi lüko chetlut. 23Enok aakihlaiu pon 365 kih; 24naiuso Enok Goa ko tsakei, naiuso apa tsünoikü iula, tiautenai Goa nou apa pem aa kankü khuwan.
25Tilai Methusela achetpon 187 noiküla, apa tü Lamek chetlut. 26Lamek chetküta Methusela aakihlaiu pon 782 kih, küta apatü amao melothsohoi si menyiuthsohoi lüko chetlut. 27Naiuso Methusela aakihlaiu pon 969 kih, küta ean.
28Tilai Lamek achet pon 182 noiküla, apa tü melothso tsak chetlut, 29naiuso ngiom, “Apaou nou tisübao gohthangteng nou tü athesan kium, nung methso nou sam kowekü chhitsün nouko aalu kanjikan kiu-e.” Nungtiphe apaüh apa nian Noa ta niankiu. 30Naiuso Noa chetküta Lamek aakihlaiu pon 595 kih, küta apa tü amao melothsohoi si menyiuthsohoi lüko chetlut. 31Naiuso Lamek aakihlaiu pon 777 kih, küta ean.
32Noa achetpon 500 noi taoko apa tü melothsoso Shem, Ham, naiuso Japet chetlut.
Currently Selected:
APUNG ANYIM 5: KHIABSI
Tõsta esile
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.