APUNG ANYIM 14
14
Abramüh Lot Jüosan
1Nokpao hoi püle, Babilon hai nokpao Amrafel, Elasar nokpao Ariok, Elam nokpao Kedorlaomer, naiuso Goiim nokpao Tidal taoko, 2ngüsoüh Sodom nokpao Bera ko, Gomora nokpao Birsha ko, Adma nokpao Shinab ko, Zeboiim nokpao Shemeber ko, naiuso Bela nokpao (nung Zoar) ko ehli tsalo. 3Nungso nokpao pungo hoi-ekü Siddim tsamei lo tisübao tü Ee Khiamnok ta jonji, nungai ngüso süpai hoi kamshin. 4Ngüso pon chekü nime Kedorlaomer oukong khemko noikü shin, lüko pon chekü süme nouko naito ngüsoüh apa tü khengshikü tsalo. 5Pon chekü püle nouko nai Kedorlaomer naiuso apako hatsün nokpao nousoüh ngüso süpaihoi hakü shiküta Asterot–karnaim nai Refaim hai, Ham nai Zuzim hai, Kiriathaim tsamei nai Emim hai; 6naiuso Edom king nouso nai Hor hai, singtso goh thon nai Elparan saokü ngüso koman. 7Naiuso ngüso phoklekü Kades ai shin, ngüsoüh Amalek hai goh apem shioloküta Hazaron Tamar nai kihtsün Amor hai shiolo.
8Nai Sodom nokpao, Gomora nokpao, Adma nokpao, Zeboiim nokpao naiuso Bela nokpao nousoüh ngüso süpaihoi Siddim tsamei ai, 9Elam nokpao, Goiim nokpao, Ba- bilon nokpao naiuso Elasar nokpao pungo nouso nokpao püle thako ehli nou tsalom. 10Nung tsamei temchei nou miankü noiküla, tilai Sodom naiuso Gomora nokpao nousoüh ehlithang ainou khuwanao kowe ngüso nung temchei nouko khia-an, lüko amao nokpao süme nouso to king nai haiulo. 11Nokpao püle nou Sodom si Gomora ainou eheshiu saokü alum jengtsaiu lowan küta khuwan. 12Lot, Abram le, Sodom nai kihkü noiküla, ngüsoüh apa naiuso jengtsaiu nouso lüko kanlükhunan.
13Nungai akhulükhuntsünso tsak shikü Ibri hai nou Abram tü nung thaiutha ngiom, nung khaiunia nou Amor hai nou Mamre tsamei nouso shimkü kihküla, naiuso apa dei Eskol si Aner, nungso Abram ko mei-ekü noiküla. 14Tilai Abramüh apa le thalowaniu ta lula, apaüh meshen tsamai noitsün ehli khaiunia 318 nouso jonkam, küta Dan saokü nokpao püle nouso ta komkü khu. 15Nungaih Abramüh apa khaiuniaso hoihoi ta janthat, küta eh nouso asoh anyakhem nai komankü ngüso shiolo. Damaska ko ajepekki nai noitsün Hoba saokü apaüh ngüso komkü khu; 16küta apaüh akanlükhunantsün jengtsaiu apem laokü epshin. Apa le Lot naiuso apaüh taiutsün jengtsaiu nouso, menyiuhoi naiuso amao sothso nouso kamkü kankü shishin.
Melkizediküh Abram Ouk Kiuji
17Tilai Abram Kedorlaomer naiuso amao nokpao nouso khako ashio epkü laokü shin, Sodom nokpao Shave tsamei nai apako pheteao khun. 18Naiuso Melkizedik sau Salem nokpao naiuso Akhengting Goa meson tsak noiküla, apa lüko Abram hau themtsai naiuso theng kankü shin; 19küta ouk kiukü ngiom, “Aün naiuso Goum shantsün Apaou Akhengting Goa ouk Abram da lünoi! 20Thatü Akhengting Goa, ni hau meshen eh khaiuko ashiolotsün ep in, apa lülom!” Naiuso Abramüh jengtsaiu apem laokü epshitsün ainou Melkizedik hao ekve kiu.
21Sodom nokpao nou Abram tü ngiom, “Jengtsaiu nouso taiuküta, akhaiunia apem ngü hao laokü akiuwanshi.”
22Abramüh Sodom nokpao tü thashin, “Apaou Goa Akhengting Goum naiuso Aün shantsün Apaou khako ngü jüpha loksankü ngiowaniu, 23ngü ni nou ewoi pem tsak tsüdekünai hokkhut ao tsak lüko ti tsütaiu-e, tsüngean, ni ngio-e; ‘Abram memei shankiutsün ngo tsak noin.’ 24Ngo jü thaiutha titso tsülo-e. Ngo jü khaiuniasoüh ti kankeikü shin nunglu lo-e. Lüko jeko jeiaihatsünso Aner, Eskol, naiuso Mamre, ngüsoüh meshen haoson lülo.”
Currently Selected:
APUNG ANYIM 14: KHIABSI
Tõsta esile
Share
Copy
Want to have your highlights saved across all your devices? Sign up or sign in
Khiamnuingan Naga C.L. Bible - ASIO THSAMLAI
Copyright © 2005 by The Bible Society of India
Used by permission. All rights reserved worldwide.