Popular Bible Verses from Atu 4

Share

Danho'reptuzé hã, Zezusihi ãma si te za da te 're sõpẽtẽ za'ra. Ni'wa hã, aimawi hã 'Re ihâimana u'âsi mono te te dama pisutu õ di, ti'ai ãma te te 're ida'anho'reptui mono da hã. Tahawa, Zezusihi si uburé Danho'reptui'wa hã.

Tawamhã 'Re ihâimana u'âsi mono ma, mreme zusi pari, 'ri ma tô iré tisãsã'ã za'ra. Tawamhã 'Re ihâimana u'âsi mono pẽ'ẽzani na ma tô aptete za'ra, ipẽ'ẽ mono bâ. Pahi ãna, ma tô dama sadawa wasu'u za'ra oto, 'Re ihâimana u'âsi mono hã.

Ãhã na dama ipire za'ra norĩ hã te duré wama amhâzépa za'ra. Wa norĩ hã aima romhuri'wa norĩ. Wei wapawaptob za'ra na, ai'umnhasi sina aimreme hã wa te dama 're wasu'u za'ra mono da, wapahi ãna.

Duréihã ma tô Zezusihi wasu'u na ãma rob'ui'éré siro, 'Re ihâimana u'âsi mono zadawa 'mahârâ'wa hã. Ẽtẽ na ma tô ãma simiré'é, ãne: “Ẽne hã wẽ nherẽ, ma tô 'ri'wa norĩ hã siwi wẽ'õ za'ra, taré nomro da. Tane nherẽ, te te siwi wẽ'õ nherẽ, taré nomro õ di, ẽne hã. Ni'wa hã ma tô ti'â, 'ri uparizéb da hã, wẽ uptabi wa.” — A norĩ wa'wa hã ẽtẽ wẽ'õ'wa norĩ ne, te aihâimana za'ra wa'wa. Zezusi hã duré ẽtẽ ne, te tihâiba.

Pedru norĩ hã mreme pahi zahuré õ di. Te te duré datõmo pipa zahuré õ di. Tahawa, zudeu norĩ ma roti'wa norĩ hã ma tô ãma titob'uzu za'ra. Rowahutu'wa da, te te dame 're romnhoré zahuré mono õ nherẽ, mreme pahi zahuré õ di. Tawamhã ma tô ãma tipo're pu'u za'ra oto, Zezusihi siré 're ineb zahuré na, ti'ai ãma 're morĩ ré hã.

Tawamhã isazei'wa norĩ hã uburé, ma tô sisaze za'ra, tinhimirosa'rata za'ra na hã. Ni'wam norĩ hã tinhibro te te sima 're sawi za'ra mono õ di, tite da si. Uburé, ma tô isibrob'õ norĩ udâna te te 're po'o za'ra.