Popular Bible Verses from Génesis 45

Share

Napotëramacoso marëꞌ ama canpitaora ninoꞌhuicosohuëꞌ. Co canpitaso yonquipiramahuëꞌ, Yosë chachin aquëchitiirinco. Notohuaroꞌ piyapiꞌsa ananpicaso marëꞌ aquëchitërinco.

Inapocaso niꞌton, co canpita nohuanton isoporinquë huëꞌnahuëꞌ. Yosë chachin aꞌparinco niꞌton, huëꞌnahuë. Ina nohuanton, huaraon ayonquinaꞌpi nicaꞌhuaso marëꞌ yaꞌconahuë. Yaꞌipi maꞌshanënpita aꞌpaiato, piyapinënpitantaꞌ, camaicaꞌhuaso marëꞌ yaꞌconahuë. Naporahuaton, yaꞌipi Iquipitoquë huaraon yaꞌhuërënamën huaꞌanëntaꞌhuaso marëꞌ acorinco.

Napotëranquëmaso chachin nisarin. Yosëso nipirinhuëꞌ, aquëchitiirinco. Canpitanta shiparima yaꞌhuëtiinquëmaso marëꞌ naporin. Canpita chachintaꞌ, huëhuëpiro ninin quëran nichaꞌëinquëmaso marëꞌ aquëchitiirinco.

Tëꞌhuatopirinahuëꞌ, Cosiriso itapon: —Ama iyaroꞌsa tëꞌhuatocosohuëꞌ, yaꞌcaritocoꞌ, itërin. Naporo huarëꞌ iinpitari yaꞌcaririn. Yaꞌcarihuachinara, itaantarin: —Ca mini iyaparimaco. ¿Coꞌta iráca nicatonoꞌsa Iquipitoquë huëcasoi paꞌanamaco?

Ipora huarëꞌ iso noꞌpaquë, cato piꞌipi nisarin tanarotopisoꞌ. Aꞌnatërápo piꞌi chachin, pahuanarin. Ina nápo piꞌi shaꞌtopirinahuëntaꞌ, co manta nitërinsoꞌ macaponahuëꞌ.

Naporo huarëꞌ Cosisoꞌ, inahuara nanamënaquë iinpita nontërin: —¡Ca mini Cosico! ¿Nanpiárin iporahuanta tata? itërin. Napotopirinhuëꞌ, iinpitariso paꞌpi tëꞌhuatatonaꞌ, co nanitopihuëꞌ nonacaisoꞌ.