Popular Bible Verses from Génesis 21

Share

Shaꞌhuitërinso chachin, Siniorori Sara catahuarin.

Yosëri, huiꞌnapi naꞌnërinsoꞌ natanin. Napoaton Yosë anquëninëni, inápa quëran përasahuaton nontërin: “¿Maꞌta Acara onporan? ¡Ama paꞌyanquësohuëꞌ! Yosëri, huiꞌnapi naꞌnërinsoꞌ natanin. Manóton paꞌsahuaton, macontaquëꞌ. Ama patëquësohuëꞌ. Ca nohuanto, huaꞌhuan quëran panca nacion pipipon,” itërin.

Ina nohuanton napoin quëran cayorin huachi. Tahuëri nanihuachina, quëmapiaꞌhuaya huairin. Inasoꞌ, Apraan mashoya nicaquë huarëꞌ huiꞌnahuaninso huaꞌhuatërin. Yosëri shaꞌhuitërinso tahuëriꞌsa chachin, huiꞌnin nasitërin.

Naporoꞌ Sara yonquirin: “Yosë catahuarinco niꞌton, capa cancantato, tëhuarahuë. Aꞌnapitantaꞌ, huaꞌhuanahuëso nitotohuachinaꞌ, yaꞌipiya quëran capa cancantatona tëhuaponaꞌ.

Sëtopirinhuëꞌ, Yosëri itërin: “Ama huiꞌnapi marëꞌ sëtëquësohuëꞌ. Co cosonanën marëꞌ tëranta sëtacaso yaꞌhuërinhuëꞌ. Maꞌsona Sara nohuantërinso niquëꞌ. Isaco quëran pipipisopita, noya noya catahuararahuë. Inapita mini yonquiato nani shaꞌhuitëranquën nisapasoꞌ.

Cosona huaꞌhuionta catahuarahuë. Ca nohuanto, shinpita panca nacion ocoiaponaꞌ. Huiꞌnan chachin anta niꞌton, catahuarahuë,” itërin.