Popular Bible Verses from Luk 6

Share

Tisimi bam, ka Wina'am mɛ na tisi ya. O na mak, ka din'is, ka dam-dam ka li pɛ'ɛli badigi yaam, ka o kpa'ae tisi ya. Yanamɛ mak si'em tisi ya taaba la, ala ka Wina'am mɛ na maki tisi ya.”

Ninsʋŋ niŋid tʋʋm sʋma ka li yit nɛ o pʋpielim nɛ pʋtɛn'ɛsʋŋ linɛ yit o sʋnfʋn na. Ka nimbɛ'ɛd mɛ tʋm tʋʋmbɛ'ɛd ka li yi pʋtɛn'ɛbɛ'ɛd linɛ bɛɛ o sʋnfʋn la. Ninsaal nɔɔr pian'adnɛ bʋn lin wʋsaa bɛɛ o sʋnfʋn.

Amaa nɔŋimi fʋ bi'emnam, ka maal sʋ'ʋm tisi ba. Pɛ'ɛŋim tis ka da tɛn'ɛsid ye fʋ di'e ya'asɛ, ka ya nyɔɔd na niŋ bʋntita'ar. Ka ya na an Wina'am onɛ gaad bʋn wʋsa la biis. Bɔzugɔ o an sʋm tis banɛ zi' bareka pʋ'ʋsim hali nɛ bugusim dim.

Zɔm nimbaanlig wʋʋ ya Ba' Wina'am zɔt nimbaanlig si'em la.”

“Da kati nidib sariaa ka Wina'am mɛ kʋ kadi ya saria. Da yɛl ye nidib ka' bʋʋdɛ, ka ba kʋ ye ya ka' bʋʋdɛ. Dimi taaba suguru, ka ba na niŋ ala tisi ya.

“Amaa m yɛt yanam banɛ wʋmi m pian'ad la ye, nɔŋimi ya bi'emnam, ka tʋmi sʋ'ʋm tisid banɛ kisi ya. Ka tis banɛ kaanb bɛ'ɛdi tisidi ya la bareka. Ka sɔs Wina'am tisid banɛ tʋ'ʋdi ya.

Niŋim bam wʋʋ fʋn bɔɔd ye ba niŋif si'em la.”

Sɔ' ya'a nwɛ' fʋ yier yinne fʋn kɛl ka o nwɛ' linɛ kpɛlim la mɛn. Ka sɔ' ya'a faaɛn fʋ banaa fʋn kɛl ka o zaŋi fʋ dansiki paas. Ka onɛ wʋsa sɔsif si'el fʋn tisim o. Ka sɔ' ya'a zaŋ linɛ aan fʋ bʋn fʋn da di'e ya'asɛ.

Tisʋŋ kae wan walbɛ'ɛdɛ. Tibɛ'ɛd mɛ kae wan walsʋmaa.

Ba baŋid tiis wʋsa nɛ ba wala ni. Gɔn'ɔs kʋ wal kekamaa, ka zaaŋ mɛ kʋ wal ganyaa.