Popular Bible Verses from Luka 15

Share

Oi tū ai ki luga, kua toe foki ki tona tamana. “Ka koi mamao lele te mea e havali mai ai, ka kua kitea atu e tona tamana; kua tumu lele te loto o te tamana i te alofa, oi vili atu ai oi ōpoi mai tona ataliki, ma hogi ki ei.

Auā ko toku ataliki tēnei, na oti kae kua toe ola mai; na galo, kae nei kua toe maua.’ Oi kāmata ai loa te lātou kaiga fiafia.

E lea atu au ki a te koutou, ka vēnā foki oi hili atu te fiafia i te lagi ki he tino agahala e fokotahi e halamō, i lo kini tino e toka ivahefulu iva e manatu ko ki lātou e āmiotonu, ma e hēai he mea e tatau ai ke halamō.”

Ko au ka tū ki luga oi fano ki toku tamana, ma lea vē ki ei, Toku tamana, ko au kua agahala ki te Atua, vēnā ma koe.

Kua lea atu te ataliki, ‘Toku tamana, ko au kua agahala ki te Atua vēnā ma koe. Kua hē toe aogā ke takua au, ko he ataliki e o koe.’

“Ko ai he tino o koutou e i ei ni ana māmoe e helau, ma kāfai e galo hētahi o ki lātou, e hē ia tukua iētahi māmoe e ivahefulu iva i te vao, kae fano oi hakili te māmoe e fokotahi e galo, ke maua?