Popular Bible Verses from Luka 13

Share

“Taumafai ke kui koutou ki loto i te faitotoka vāiti; auā e lea atu au ki a te koutou, e tokalahi nā tino ka taumafai ke kui ai, kae ka hē mafai.

Ma nae i kinā he fafine, kua kātoa te hefulu valu tauhaga e fakapipili e he agaga kino. Na punou lahi lele ki lalo ma e hēki mafai ke toe tū hako ki luga. I te kiteaga e Iehu o te fafine, oi kalaga atu ai ki ei ke fanake, ma lea vē atu ai ki ei, “Te māfine, ko koe kua mālohi i tō tauale!”

Kua fakauta atu ona lima ki luga o te fafine, ma ko te taimi lava tēnā na tū hako ake ai loa ki luga te fafine, ma viviki ake ki te Atua.

Ma ko nā tino e mulimuli i te taimi nei, ka kavea ma muamua, ma ko nā tino e muamua i te taimi nei, ka kavea ma mulimuli.”

E pa loa ki te taimi e tū ai ki luga te tino e o ia te fale oi tapuni te faitotoka, ko koutou ka kāmata oi tutū i fafo ma tukituki te faitotoka ma lea vē, ‘Te aliki, tatala mai ko te faitotoka ki a te ki mātou!’ oi ka tali vē atu ki a te koutou, ‘E hē kō iloa koutou pe ōmamai i fea!’

E lea atu au, e hēai! Kae kāfai koutou e hē halamō i autou agahala, ko koutou uma e feoti foki vēnā.”

Kae ka toe lea vē atu, ‘E hē kō iloa pe ko koutou e ōmamai i fea! Olo kehe ma au, koutou uma nā tino āmiokino!’

Oi fehili atu ai ia Iehu, “Ko te Mālō nei o te Atua e vēhea? He ā nei he mea ka fakatuha e au ki ei? E fakatuha ki he fatu hīnapi na kave e he tamāloa oi totō i tona fatoaga; ma kua ola ake ma kavea ma lākau, ma ōmamai ai nā manulele oi fai o lātou ōfaga i ona lālā.”