Popular Bible Verses from Gāluega 5

Share

Oi tali vē atu ai ia Petelu ma nā apohitolo ki ei, “Ko ki mātou e tatau ke uhitaki ki te Atua kae hē ki tagata.”

Ma i aho uma, i loto o te Mālumalu pe ko nā fale o nā tino, na fakaauau pea lava a lātou akoakoga ma te tālakiga o te Tala Lelei e uiga ki a Iehu te Mehia.

Oi lea atu ai ia Petelu ki ei, “Anania, he ā te kua fakataga ai e koe ia Hātani ke pule ki a te koe ma kua pepelo ai koe ki te Agaga Paia, i te kua kē tāofia o he vāega o te tupe na maua mai i tō fenua? Ka ko hēki fakatau atua e koe te fenua, nae e o koe lava; ma ina kua uma te fakatau atu e koe, ko te tupe e a koe. He ā la te na fai ai e koe he mea vēnā? Ko koe e hēki pepelo ki tagata — ko koe kua pepelo ki te Atua!” Na lagona atu lava e Anania te fakakupuga tēnei, oi pakū loa lava ki lalo kua mate; ko nā tino uma na fakalogo ki te mea tēnei na mātataku lahi lele.

Ko te tūlaga la e i ei te mea tēnei, ko au e lea atu ki a te koutou, nahe faia hautou mea ki nā taulelea. Tuku vēia. Kāfai a lātou fuafuaga ma nā gāluega kua fai e hau mai tagata, oi e fano lava e teka; kae kāfai e hau mai te Atua, e hē koutou mafaia lele oi fakatōkilalo ki lātou. E i nā ka fakahagatau koutou ki te Atua!” Na talia e te Taupulega te fautuaga a Kamalielu.