Popular Bible Verses from Santia 4

Share

Kui kju̱a̱, nuꞌyaꞌénjnu Namiña Diuu̱. Tichꞌojnu xindajin ku kjiebaꞌa subá yajo̱ꞌe.

Ndá chꞌa̱jnu Namiña Diuu̱, ku tekuácha ndá ku̱a̱ꞌajnu. Jun kua xu̱ta̱ jee, ngite ñaꞌanjínjnu najmi xi ndáji tjin. Xi mejénre nga ndiyáꞌe Namiña Diuu̱ kjabe, ta̱nga tuku mejénre nga jee mangire yajo̱ꞌe, tsubáre nga ngútse tsiꞌin kju̱a̱kitakunꞌen: A Namiña Diuu̱, a xu najmi jee xi tjin nga̱sunde kjabe.

Tu xu̱ta̱ kꞌakakunjín ꞌnatsjéjnu yajo̱jnu ngakjain Namiña Diuu̱, ku tsé kju̱a̱ndá tsju̱a̱jnu.

Xi kju̱a̱xikjain, ꞌñu titsitjoña Namiña Diuu̱, xukúcha tjichja Xu̱ju̱n Enꞌen: «Chꞌore Namiña Diuu̱ xu̱ta̱ xi kꞌakakun, ta̱nga baseju̱n xi senjín mare̱ yajo̱ꞌe.»

Tsa májnu ñaꞌan najmi xi ndá ku ñaꞌajínjnu, jee tjiminchijnu yajo̱jnu.

Ku nga chjinengíjnu, majínjnu chjinengi, nga̱tꞌa tu najmi xi mejéntsejnu nga bitjusún kju̱a̱xaba xi tjinikjojnu.

Jun, mejínjnu Namiña Diuu̱, ku nuꞌyaꞌenjínjnu. A yajíjnu, xu̱ta̱ xi kju̱a̱tsjuaꞌe nga̱sunde kjabe mejínre Namiña Diuu̱. Ku̱a̱cha tjin najmi, tsa jún tsjuájnu kju̱a̱xabaꞌe nga̱sunde Namiña Diuu̱ tjichꞌanachajújnu.

Kúcha nga kuacha nukju̱a̱jnu, janda yajíjnu najmi xi kumataꞌínjnu nchajun. Xukútse xuñu nitjinjnu: ngutjútse bitju ku chajayáni.