Popular Bible Verses from Za 17

Share

Bëvangisi kuyivaanë ke njeeyi mu bucyelikë, libuungu lyaaku cyelikë.

Luziingu lu sakë yi sakë lukeeli mu kuzaabë, njeeyi vwiili Nzaambi cyelikë i kuzaabë Yeesu Kliistu, wunë njeeyi wufilë.

« Miinu yisë mu kusambilë tokë mu baawu kuve, kasi yivaandi mu banë bën'ta maanë mu miinu mu cibilë ci mpolwaawu. Miinu yilë mu kusambilë bwiinji bakë booso bëba muutu mweekë. Ata, baawu bëba muutu mweekë yi beeso, dedë mweekë njeeyi wukeeli yi miinu i miinu mu njeeyi. Baawu bëba muutu mweekë bwiinji buloongo buta maanë ti njeeyi wukun'filë.

Miinu yisye kuloombë ko wubëbotulë mu buloongo, kasi wubësweekë mu mëvaangë më Civadë-mbi.

Miinu yibëvaanë bumpumu bunë wukum'paanë, bwiinji baawu bëba muutu mweekë dedë mweekë miinu i njeeyi tuke muutu mweekë. Miinu yin'zingilë mu baawu, njeeyi wun'zingilë mu miinu, mati boobo bwaawu bëm'beelë cyelikë muutu mweekë, bwiinji baatu bë buloongo bëzaabë ti njeeyi wukun'filë i njeeyi wubëzolë dedë mweekë bo njeeyi bëkun'zolilë.