Popular Bible Verses from Za 16

Share

Miinu yalukambilë obo bwiinji beeno lukalilë mu n'sikë mu kukangëmë mu miinu. Beeno lum'monë simpasi mu buloongo. Kasi ciindaanu bitu! Miinu yaluungë buloongo! »

Bunë bun'kwiisë Ciluunzi ci cyelikë, naandi wulunatë mu cyelikë cyooso. Naandi wusë n'tubilë mu lizinë lyaandi naveekë ko, kasi wun'tubilë mu makë mooso kuyuwu i wulutendulilë linë lifwenikini kwiisë.

Tee yi buyifanwabu, beeno lulombisi lin'viipë ko mu lizinë lyaami. Loombaanu, i beeno lun'tambulë, i faawu, liyaanji liinu lim'ba deku-dekoo. »

Mu kumonë, cyelikë yilukaambë : bufwenikini mu beeno miinu yeendë. Licyelikë, ningë yisye kweendë ko, wunë wun'kwisë mu kulunwaninë cikaangë, naandi wusë n'kwisë ke beeno ko. Kasi ningë yibe n'kwendë, miinu yikun'filë. Bunë naandi wun'kwisë, wun'leesi ke baatu bë buloongo be buubu mëvaangë maawu mëbi mu cibilë ci lisumu, mu n'sulumunu i mu lufundusu lu Nzaambi.

Bo bumweekë, beeno luke mu simpasi, beeno yiviinu, buyifanwabu, kasi miinu mba yibe lumonë, faawu mitimiinu yim'ba mu nyeenzi i liyaanji liinu, muutu ve wum'podi kulubotulë lyaawu. » « Bunë cilumbu beenë cin'kwisë, beeno lusë be kun'nyufulë mu cin'velë ko. Licyelikë, licyelikë yilukaambë : Taatë wuluvaanë byakë byooso lukun'loombë mu lizinë lyaami.

Cibeeni, miinu yilukaambë licyelikë : beeno lun'lilë i lun'kwaambë, faawu ofo baatu buke mu buloongo bëm'ba mu nyeenzi. Beeno lum'ba mu simpasi, kasi simpasi siinu sim'balukë liyaanji.