Popular Bible Verses from 1. Mose 9

Share

Un Gott säd: Dit es daut Bundestieekjen, daut ekj moak tweschen mie un junt un jiedre läwendje Seel, dee bie junt es, opp eewje Jeschlajchta han: Mienem Boagen sat ekj enne Wolkjen, un hee saul daut Bundestieekjen sennen tweschen mie un de Ieed.

Un de Boagen woat enne Wolkjen sennen; un ekj woa am aunkjikjen, om to jedenkjen däm eewjen Bunt tweschen Gott un jiedrem läwendjen Wäsent von aulem Fleesch, daut oppe Ieed es.

Wäa Menschenbloot vejit, derch däm Mensch saul sien Bloot vegoten woaren; dan em Bilt Gottes haft hee däm Mensch jemoakt.

Un Gott säajend Noah un siene Säns un säd to an: Siet fruchtboa un vemieet junt un felt de Ieed

Aules, waut kjript, waut doa läft, saul junt toom Äten sennen; aus daut jreene Krut, ha ekj junt aules jejäft.

un de Forcht un de Schrakj fa junt es opp aule Tieren de Ieed un opp aule Väajel unjrem Himmel! Aules, waut oppem Ieedboddem kjript, un aule Fesch em Mäa, en june Henj sent see jejäft

Jie oba, siet fruchtboa un vemieet junt, wimelt oppe Ieed un vemieet junt opp ar!