Popular Bible Verses from 1. Mose 8

Share

Un de Har rikjt däm leeftoljen Jeroch, un Gott säd en sienem Hoaten: Ekj well nich mea däm Ieedboddem om de Menschen wellen vefluchen; dan daut Sennen vom menschlichen Hoat es bees von siene Jugent aun; un ekj well wiedahan nich mea aulet Läwendje schlonen, aus ekj jedonen ha. Wiedahan, aule Doag de Ieed, saul nich opphieren Sot un Arnt, un Frost un Hett, Somma un Winta, un Dach un Nacht.

Un Noah bud däm Harn een Aultoa; un hee naum von aulem reinen Vee un von aule reine Väajel un opfad Brauntopfa opp däm Aultoa.

Un Gott docht aun Noah un aule Tieren un aulet Vee, daut met am enne Arche wia; un Gott leet eenen Wint äwa de Ieed foaren, un daut Wota sunk.

un de Duw kaum no am Oppenowent, un kjikj, een aufjerätnet Eeljboomblaut wia en äarem Schnowel. Un Noah erkjand, daut et Wota oppe Ieed weinja jeworden wia.