Popular Bible Verses from 1. Mose 17

Share

Un Abram wia 99 Joa oolt, doa erschien Gott däm Abram un säd to am: Ekj sie Gott, de Aulmajchtja; waundel ver mienem Aunjesecht un sie Vollkomen.

Un dien Nomen saul nich mea Abram heeten, sonda Abraham saul dien Nomen sennen; dan toom Voda eene Menj Nazionen ha ekj die jemoakt.

Un ekj woa mienen Bunt opprechten tweschen mie un die un dienem Somen no die, no äare Jeschlajchta, to eenem eewjen Bunt, om die toom Gott to sennen un dienem Somen no die.

Ekj, kjikj, mien Bunt es met die, un du woascht toom Voda von eene Menj Nazionen woaren.

Un Gott säd: Jewess, Sara, diene Fru, woat die eenen Sän jebäaren, un du saust am däm Nomen Isaak jäwen; un ekj woa mienen Bunt met am opprechten too eenen eewjen Bunt fa sienem Somen no am.

Un ekj woa die un dienem Somen no die daut Launt jäwen, doa du een Framdlinkj best, daut gaunze Launt Kanaan, toom eewjen Ieejentum, un ekj woa äa Gott sennen.

Un Abraham foll opp sien Aunjesecht un lacht un säd en sienem Hoaten: Sull eenem 100 Joa oolem jebuaren woaren, un sull Sara, sull eene 90-joasche jebäaren?

Un Gott säd to Abraham: Sarai, diene Fru, saust du nich Sarai nanen, sonda Sara saul äa Nomen sennen.

un jie sellen daut Fleesch von june Väahut beschnieden. Un daut saul daut Teakjen vom Bunt tweschen mie un junt sennen.

Oba mien Bunt woa ekj met Isaak opprechten, däm Sara die jebäaren woat om dise bestemde Tiet aum näakjsten Joa.

Un acht Doag oolt, saul aulet Menliche bie junt beschnäden woaren no june Jeschlajchta, de Husjebuarne un dee fa Jelt jekofta, von aule Framde, dee nich von dienem Somen sent; daut saul jewess beschnäden woaren, dien Husjebuarna un dee fa dien Jelt jekoft wort. Un mien Bunt saul aun junem Fleesch sennen aus een eewja Bunt.