Popular Bible Verses from Lũka 6

Share

Mũhĩtaye, na Nyamuhanga asyabaha, mwasyabagalira olulengo lowene, olũsokĩre, olũtsĩngĩre, oluli kwʼomutswago. Kusangwa olulengo olo mukalengamo, mwasyalengerwalo.

Omundu mubuya akahũlũkaya ebibuya byʼomo kigona kyʼemyatsi mibuya vʼomutima wuwe; nʼomundu mubi akahũlũkaya emyatsi mibi omo kigona kyʼemyatsi mibi yʼomutima wuwe. Kusangwa obuno bũkabũga ebyoswĩre omo mutima.

Nĩkwa mwanze esyonzĩgũ syenyũ, mokolerebo ebibuya, mubweke, simusonde eribwekulwa. Nʼoluhembo lwenyũ lwasyabya lungi, kandi nenyũ mwasyabya bagala bʼOwendata Kutsibu; kusangwa ni mwenge oko batesĩma nʼabandu babi.

Mubye nʼeriganyira ngoko Tata wenyũ ali nʼeriganyira.

Simutswere abandi, na Nyamuhanga siendisyabatswera; sĩmũhĩre abandu bʼomo musango, neryo Nyamuhanga siendisyabahĩra omo musango; mubuyire, neryo Nyamuhanga asyababuyira.

Nĩkwa ngabũga nenyũ ĩnywe mũkanyowa nyiti, Mwanze esyonzĩgũ syenyũ, abakabakwa obusu mukolerebo ndeke. Mutsumule abakabatakira, musabire abakabakola nabi nʼepono.

Ngoko mwanzĩre abandu ibabakolera, nenyũ ko munakolerebo mutya.

Oyũkakũswĩraya okwʼĩtema, ũmũbĩndũkĩraye nʼerindi; nʼoyũkakũhũnga kwʼerĩkotĩ ryawe, uleke aheke nʼekanzu yawe nibya. Uhe obuli mundu oyũkakũbũlaya ekindu, nʼoyũkakũhũnga kwʼebyawe, sũmũbũlayebyo kandi.

Kusangwa sihali omuti owene owakaheta kwʼebĩgũma bibi, kandi omuti mubi owakaheta kwʼebĩgũma byowene.

Obuli muti akaminyikala busana nʼebĩgũma byago. Kusangwa abandu sibalioha ebĩgũma byʼemĩtĩnĩ oko muti wʼemisakisaki, kandi sibalioha ebĩgũma byʼebĩnyũ oko kisaka kyʼamahwa.