Popular Bible Verses from Juan 12

Share

Apidaapa oo kꞌinia bɨ pɨrã mɨa oopi bɨkꞌa, mãgɨ́ nipaipia bɨ mɨ ome mɨ wãrumaa. Mãga ooru pɨrã, mɨ Akꞌõrepa iru pia akꞌɨitꞌee.

Na pꞌekꞌau eujãde bɨ misa, eperãpa jɨrɨru pɨrã ooitꞌee ichia oo kꞌiniata, ichi piukꞌãri atuaitꞌee. Mamĩda na pꞌekꞌau eujãde bɨ misa, eperãpa jɨrɨru pɨrã ooitꞌee Tachi Akꞌõrepa kꞌinia bɨkꞌa, ma kꞌaurepa ichita chokꞌai bapariitꞌee Tachi Akꞌõre ome.

Mɨa wãarata jararu. Eperãpa trigo tau apai iru bɨta, mãgɨ́ tau uu–e pɨrã, tau apai iru baitꞌee. Jõdee mãgɨ́ tau uuru pɨrã, baaipꞌeda yoorode piu pɨkꞌa bɨ mĩda, madeepa trigo kꞌarra chiwidi tꞌonopari mãikꞌaapa waripꞌeda, chaupari. Mãgá tau apaideepa chokꞌara uchiadaitꞌee.

Mɨta chi ɨ̃daa pɨkꞌa bɨ. Mɨ cheji na pꞌekꞌau eujãdee mɨde ijãapataarã pꞌananaadamerã pꞌekꞌau oopataarã pꞌanapatakꞌa pꞌãriu pɨkꞌa bɨde.

Eperãpa mɨ ũraa ũripꞌeda, made jara bɨkꞌa oo–e pɨrã, mɨa jara–e ma eperã atuaitꞌee. Mɨ che–e paji na pꞌekꞌau eujãdepemaarã atuapiitꞌee. Ma kꞌãyaara mɨ cheji eperãarã o kꞌachiadeepa kꞌaripa atade.

Mãɨmisa Mariapa aneeji kꞌera ɨ̃pɨa nardodee ooda. Litro kꞌaudaa baji. Ma kꞌera Jesús bɨɨrɨ ɨ̃rɨ weetꞌaaji mãikꞌaapa ichi pudapa pꞌootꞌaaji. Te jã tꞌũa jo nɨ̃beeji kꞌerapa.

Mapa tꞌapꞌuru kꞌiru tꞌɨapꞌedapꞌeda, wãjida iru auteebaidaitꞌee mãikꞌaapa biapachida: — ‘¡Hosana! ¡Tachi Kꞌaripapari cheru Tachi Akꞌõre kꞌapꞌɨa pari! ¡Tachi Akꞌõrepa iru pia akꞌɨji mãikꞌaapa pëiji Israel pidaarã Rey pamerã!’

Ũrikꞌãri judio–eerãpa iru jɨrɨmaa pꞌanɨ, Jesupa mãgaji: —Ewari paruda aji, Eperã Akꞌõre Truadepema ɨtꞌaa wãitꞌee.