Popular Bible Verses from Imilimo 2

Share

Petelo abasuka ati, “Cila muntu ali nokulapila no kupilibuka, no kubatishiwa mwishina lyakwa Yesu Kristu, epakuti mubelelwe uluse ku fyabubifi fyenu. Elyo mwalapokelela Mupashi Wamushilo, ubupe bwakwa Lesa.

Abantu balebika imitima yabo kufyo abasole balebafunda, no kulaikala pamo nga babwananyina, no kulalila pamo Umulalilo wa Mfumu, no kupepa.

Elyo bonse baisulamo na Mupashi Wamushilo. Batampa nokulalanda mu ndimi shimbi umo Mupashi abapeelele ukulanda.

Awe apopene icilulumo cafuma ku mulu, caisa nge cikuuku ca mwela icamaka. Caisula iŋanda yonse umo bekele. Elyo bamona ifyapala imingu sha mulilo, shalekana, shaisa ikala pali cila muntu. Elyo bonse baisulamo na Mupashi Wamushilo. Batampa nokulalanda mu ndimi shimbi umo Mupashi abapeelele ukulanda.

Cila bushiku baleya kukulongana pamo kwi Tempele. Mu mayanda yabo mwena balekumana kukulya icakulya. Balelya ne nsansa, kabili aba mutima umo. Balelumbanya Lesa, na bantu bonse balebatemwa. Cila bushiku Imfumu yalebalundilako kwibumba lyabo bonse abo yalepususha.

“‘Lesa asosa ati, mu nshiku shakupelekeshako, nkapongolwela Mupashi wandi pa bantu bonse. Abana benu abaume na banakashi bakalasesema amashiwi yandi. Abana benu abalumendo bakalamona ifimonwa. Abakote benu nabo bakalalota ifiloto.

Lelo abasumina bonse baleikala pamo. Ifintu cila muntu akwete fyali fya bonse. Baleshitisha ifyuma fyabo na fyonse ifyo bakwete. Elyo indalama balemonamo, baleshakanya kuli bonse ukulingana nefyo cila muntu alekabila.

Elyo abantu bonse abakalilila peshina lyakwa Yawe ebakapusuka.’

Akasuba kakafiita fititi no mweshi nao ukakashika ngo mulopa, ilyo ninshi tabulafika ubushiku bukalamba ubwacindama ubwa Mfumu.