Popular Bible Verses from Imilimo 1

Share

Lelo ilyo mukapoka amaka yakwa Mupashi Wamushilo, lyena mukaba bakambone bandi mu Yerusalemu, mu Yudeya monse, na mu Samaria, mpakafye no kwapelela icalo.”

Yesu abaswike ati, “Uyo te mulimo wenu ukwishiba inshiku ne nshita, Tata umwine apima ku maka yakwe.

Kanshi bushiku bumo ilyo Yesu ali nabo pamo, abakonkomeshe ati, “Tamuli nakufuma mu Yerusalemu, lelo mupembele ico Tata alaya. Eco namwebelapo nati, Yoani alebatisha ku menshi, lelo imwe mu nshikufye isha mpendwa mukabatishiwa kuli Mupashi Wamushilo.”

Panuma ya macushi yakwe, Yesu aleilanga ku basole imikufye iyingi pa nshiku amakumi yane, pakuti bashininkishe ukuti ali umumi. Alebafunda pa mulandu wa Bufumu bwakwa Lesa.

Cilyafye alanda ifi, awe bamona uko alesendwa ku mulu, paisa ne kumbi baleka no kumumona.

Kanshi ilyo bacili balelolekesha ku mulu, awe apopene bamona abantu babili, bafwele insalu ishabuuta. Baisa iminina na apo bali. Balabeba abati, “Mwe bena Galile, cinshi mwimininine apo mulelolesha na ku mulu? Uyu Yesu mwamona asendwa ku mulu ukufuma apo muli, efyo akabwela ngefi fine mwacimona aleya ku mulu.”