Popular Bible Verses from Lik 9

Share

I ti dir avek zot tou, “Sa enn ki oule swiv mwan, fodre ki i aret mazin zis li. I bezwen pran son lakrwa sak zour e swiv mwan.

Sa enn ki oule sov son lavi pou perdi li, e sa enn ki perdi son lavi akoz mwan, pou sov son lavi.

Zezi ti dir li, “Sa enn ki konmans travay e apre i get deryer li, i pa bon pour Rwayonm Bondye.”

Ki lavantaz pour en zonm ganny lemonn antye si i perdi, oubyen rin son prop lavi?

Annefe, sa enn ki onte akoz mwan ek mon parol, Fis-de-Lonm osi pou onte kont li, kan i pou vini dan son mazeste e dan laglwar son Papa ek son bann lanz sen.

Zezi ti dir li, “Renar i annan zot trou, zwazo dan lesyel, zot annan zot nik, me Fis-de-Lonm napa en landrwa kot i kapab repoz latet.”

I ti dir zot, “Sa enn ki resevwar sa zanfan an mon non, i resevwar mwan menm, e sa enn ki resevwar mwan, i resevwar sa enn ki'n anvoy mwan. Sa enn ki pli pti parmi zot, li menm ki pli enportan.”