Bahebheru 13
13
Sekwa tingashathisa Ndzimu
1Ludo gwe zwikamu ngagudwilile mbeli pakati kwenyu. 2#Kutangisa 18:1-8; 19:1-3Muamutjile bayendi nge buthu mu misha yenyu, ngobe ngojalo bamwe bakaamutjila batumwa be kudzimu basingazibe. 3Kumbulani bamu ng'umba dze busungwa, se mumu busungwa nabo na ibabo banobhakhwa zwakabipa, ngobe namwibo mungadziyidzikabo.
4Ndobolo ngaikudziwe pakati kwe bathu bose, thobo ye ndobolo ngaibe mbuyanana, ngobe Ndzimu unowosumikilisa phombgwe ne basinga zwibhate.
5 #
Matama 31:6, 8; Joshuwa 1:5 Mutjile butjilo gusingalaugwe nge ludo gwe mari, ngono mugutshike nge tjamunatjo. Ngobe Ndzimu wakati, “Andingakulashe, kene akusiya.” 6#Njimbo 118:6Ndizo tingaleba ngogutshika titi,
“She mbhatshi wangu.
Anditowotja.
Apa nthu ungandiyitani kene?”
7Kumbulani batungamili benyu, ibabo bakamubudza dama le Ndzimu. Kumbulani sekwa bakatjila ne tjakadwa mu butjilo gwabo, ngono muyidzelele kugalamoyo kwabo. 8Jesu Kirisiti ndiyezwe wa madekwe ne wa nasi newe kusingapele. 9Musitongo tungamiligwa ntome nge zwidiyo zwakasiyana siyana, zwisakawolobeleka. Kwakanaka kuti moyo uisimisiwe nge ngoni dze Ndzimu, kusi nge zojiwa zwisakabuzila tjimwe ibabo bakanamatilana nazo.
10Tina tjibeso tje zwibhayilo tjinoti ibabo banoshinga mu nshasha we zwibhayilo bakasibe ne fanilo dze kuja zwimutjili. 11#Zwipo 16:27Ngobe mibili ye phuka idzedzo dze malopa anozhisiwa nge Ntungamili we bapirisiti mu Bugalo gwakayengemala kupindisa, tjili tjibhayilo tje tjibi, inopisigwa kuzhe kwe nzi. 12Sa ikoko Jesu na iyebo wakafila kuzhe kwe nzi, kuti ayengemadze bathu nge malopa awe. 13Ndizo ngati yendeni kunli kuzhe kwe nzi, tisengane ne kugongobogwa kwaakadzikatidzila. 14Ngoti muno atina nzi usingalobe, koga titjashaka nzi unozha. 15Ngatidwilileni muna Jesu tiyiseni tjibhayilo tje gudzo ku Ndzimu, ikoku zwizwalo milomo ye banokudza zina lawo. 16Musitongo letja kushinga ndulamo nenge kukobana tjamunatjo, ngobe zwibhayilo zwakajali zoshathisa Ndzimu.
17Muhwe batungamili benyu, mushinge tjabanomudwa. Ngobe banotjengeta meya yenyu, se bathu banowoyisa mbiko ku Ndzimu. Itani kuti bashinge nshingo wabo nge kushatha, kusi nge buyendasi, ngobe ikoko akungamubuzile tjimwe.
18Mutitembezelele, ngobe tina hana mbuyanana. Toyemula shinga ndulamo mu tjimwe ne tjimwe. 19Ndomukulumbidza ndisimisa, kuti muthame ikoku, ndizo nditjimbidze kuzha kumuli.
Ntembezelo ku bupelo
20Dzene Ndzimu we kunyalala iwo wakamusa She wedu Jesu mu bafi, iye nlisi nkulu we pkhwizi, nge malopa e tjidumano tjisingapele, 21ungamupa kose kwakanaka kuti ndizo mushinge kuda kwawo ungashinga mu muli itjetjo tjinoushathisa, ndi Jesu Kirisiti. Ngaukudziwe nge kusingapele. Ngakujalo.
Matama e bupelo
22Ndomukumbila, zwikamu, amutjilani nge moyonlefu dama langu le kukulumbidza, ngobe ndamukwalila nge bufutshwanana. 23Ndomuzibisa kuti ikamu tjedu Timoti, wakasunungugwa. Ha angazha tjinyolotjo, ndowozha naye kuwomubona.
24Dumilisani batungamili benyu bose ne bayengemali bose. Banodwa ku Italiya banomudumilisa.
25Ngoni dze Ndzimu dzibe namwi mose.
Actualmente seleccionado:
Bahebheru 13: KBTP
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Kalanga Bible © Bible Society of Botswana, 2008, 2018.
