San Mateo 1

Ben che'n rë men re' nzë Jesukrist

(Lc. 3:23-38)

1Kure' lë rë men xa' ngok ben che'n Jesukrist, Me nzë ben che'n rey Dabi, mbaino nu ben che'n Abraham.

2Xga'n Abraham ngok Isaac,

lë' xga'n Isaac ngok Jakob,

mbaino lë' xga'n Jakob ngok Judá kun rë wech Judá.

3No lë' rë xga'n Judá ngok Fares mbaino Zara,

no xna' bixa' ngok Tamar.

No xga'n Fares ngok Esrom,

mbaino lë' xga'n Esrom ngok Aram.

4No lë' xga'n Aram ngok Aminadab,

lë' xga'n Aminadab ngok Naasón,

no lë' xga'n Naasón ngok Salmón.

5Lë' xga'n Salmón ngok Booz,

mbaino lë' xna' Booz ngok Rahab.

No lë' xga'n Booz ngok Obed,

lë' xna' Obed ngok Rut.

No lë' xga'n Obed ngok Isaí.

6Mbaino lë' xga'n Isaí ngok rey Dabi,

no lë' xga'n rey Dabi ngok Salomón,

no lë' xna' Salomón ngok tsa' Urías.

7No lë' xga'n Salomón ngok Roboam,

lë' xga'n Roboam ngok Abías,

mbaino lë' xga'n Abías ngok Asa.

8No lë' xga'n Asa ngok Josafat,

mbaino lë' xga'n Josafat ngok Joram,

no lë' xga'n Joram ngok Uzías.

9Lë' xga'n Uzías ngok Jotam,

no lë' xga'n Jotam ngok Akaz,

mbaino lë' xga'n Akaz ngok Hezekías.

10Lë' xga'n Hezekías ngok Manasés,

no lë' xga'n Manasés ngok Amón.

Lë' xga'n Amón ngok Josías.

11Lë' rë xga'n Josías ngok Jecunías kun rë wech Jecunías.

Le'n rë ngubizh ze' ñanu rey Babilonia rë men yezh Judá. Lazh men ze' ngok bixa' nela rë men nado ga', dox nguzakzi bixa'.

12Or mile' Dios nguro' bixa' lazh men Babilonia, ñë'd bixa' lazh bixa'.

Orze' lë' xga'n Jecunías ngok Salatiel,

no lë' xga'n Salatiel ngok Zorobabel.

13Lë' xga'n Zorobabel ngok Abihud,

lë' xga'n Abihud ngok Eliakim,

mbaino lë' xga'n Eliakim ngok Azor.

14Lë' xga'n Azor ngok Sadok,

lë' xga'n Sadok ngok Akim,

lë' xga'n Akim ngok Eliud.

15Lë' xga'n Eliud ngok Eleazar,

mbaino lë' xga'n Eleazar ngok Matán,

lë' xga'n Matán ngok Jakob,

16no lë' xga'n Jakob ngok Che, xa' ngok tsa' Mari,

no lë' Mari ngok xna' Jesús, Me lë Krist.

17Kuze', dizde zhë che'n Abraham haxta zhë che'n Dabi nded chida tiemp kwa'n niban tu men, orze' nguio xtu chida tiemp kwa'n niban tu men dizde zhë che'n Dabi haxta zhë kwa'n ñanu rey Babilonia rë men yezh Judea par lazh men Babilonia. No dizde zhë kwa'n nguro' bixa' lazh men Babilonia haxta zhë kwa'n ngol Krist, nded xtu chida tiemp kwa'n niban tu men.

Ngol Jesukrist

(Lc. 2:1-7)

18Se' ngok or ngol Jesukrist: lë' Mari, xna' Jesukrist, nzo xti'zh kun Che; per nagat ban bixa' junt, lë' Mari mbi'y xin la por Sprit che'n Dios. 19Lë' Che xa' ngok tsa' Mari, ter nak xa' tu miyi' xa' dox nile' kwa'n nzobni' lo ley kwa'n mila' Dios lo Muisés, per gat nzhaklat xa' xo'bdi'zh xa' kwan nak Mari, orze' mile' xa' xigab, xla'n la' xa' Mari. 20No dub kile' xa' xigab kure', lë'chi ngurulo tu ganj che'n Dios lo xa' le'n mika'l, nzhab ganj:

―Che, xga'n Dabi, nazhebtal banal kun Mari par gak tsa'l; lë' Mari nakxin por Sprit che'n Dios. 21Lë' una' gap tu më'd xibyi', mbaino ku'lël më'd JESÚS; lë' më'd re' ko' rë men che'n Dios lo rë kwa'n nzë'b xki bixa'.

22Ngok rë kure' par mile' Dios rë kwa'n mila' Dios di'zh lo tu rë profet, xa' midi'zh por Dios, or nzhab Dios:

23Biwi' go, lë' tu una' ye'n wei' xin,

no gap una' tu më'd xibyi',

mbaino ku'lë bixa' më'd Emanuel.

Widi'zh re' gab: Dios nzo kun be.

24Or nguro' mika'l lo Che, mile' xa' nela xmod mile' ganj mandad ga'. Orze' nguziyël xa' ngok Mari tsa' xa', 25per nanga't bixa' junt, haxta or ngol xin una' më'd re'; no ngulo'lë Che më'd JESÚS.

Actualmente seleccionado:

San Mateo 1: zca

Destacar

Copiar