Logo de YouVersion
Ícono Búsqueda

Хэрэгүүд 6

6
Долоон туһалагшад
1Шабинарай тоо олошорон нэмэгдэхэ тэрэ үдэрнүүдтэ грек хэлэтэй еврейнүүд нютагайнгаа еврейнүүдтэ гэмэрэлдэбэ, юундэб гэхэдэ, үдэр бүхэн хубаагдадаг хоол тэдэнэй бэлбэһэн эхэнэрнүүдтэ хүртэдэггүй байгаа. 2Тиихэдэ арбан хоёр элшэнэр бүхы шабинараа суглуулжа хэлэбэ:
– Бурханай үгэ номнохоёо мартажа, эдеэ хоолой, алта мүнгэнэй асуудалнуудые шиидхэжэ байбалнай зохихогүй. 3Аха дүүнэр, Арюун Һүлдөөр дүүрэһэн, сэсэн ухаатай долоон эрэшүүлые өөһэдынгөө дундаһаа шэлэжэ абагты. Тиихэдэтнай бидэ энэ хэрэгые тэдэндэ даалгахабди, 4харин өөһэдөө Бурханай үгэ номножо, зальбаран амидархабди.
5Энэ дурадхалые бүхы һүзэглэгшэд дэмжэжэ, этигэлтэй, Арюун Һүлдөөр дүүрэһэн Стефан, Филипп, Прохор, Никанор, Тимон, Пармээные, ондоо яһатануудай дундаһаа һүзэглэһэн Антиохой Николайе шэлэжэ абабад. 6Тиигээд тэдэниие элшэнэрэй урда байлгахадань, элшэнэр зальбаржа, тэдэниие гараараа адислаба.
7Бурханай үгэ хаа хаанагүй дэлгэрэн таража, Иерусалимда шабинарай тоо ехэ олошоржо байгаа. Тиихэдэ санаартанай дундаһаашье олон хүн һүзэглэжэ байгаа.
Стефаниие бариба
8Бурханай үршөөл, хүсэ шадалда хүртэһэн Стефан арад зоной дунда гайхамшагта үзэгдэлнүүдые, дүлгэ тэмдэгүүдые бүтээжэ байгаа. 9«Сүлөөлэгшэд» гэгдэдэг мүргэлэй гэрэй Хэрээн, Александриһаа уг гарбалтай хүнүүд, баһа Килики, Асиһаа уг гарбалтай хүнүүд Стефантай арсалдажа оробод. 10Гэбэшье Арюун Һүлдын болон сэсэн ухаанай хүсөөр Стефанай хэлэжэ байһан юумые буруушааха тэдэ аргагүй байгаа. 11«Моисейе, Бурханиие доромжолһон үгэнүүдые Стефанай хэлэхые дуулаа һэмди», – гэжэ хэлэхыень хэдэн хүнүүдые тэдэ доохонуур тухирба. 12Тиигэжэ тэдэ ахамадууд, Хуули заадаг багшанар олон хүнүүдые тэрээндэ эсэргүү һанаатай болгобо. Һүүлдэ тэдэ Стефанда добтолжо, тэрэниие баряад, Зүблэлэй гэшүүдтэ асарба. 13Тиигээд хуурмаг гэршэнэрые гаргажа:
– Энэ хүн манай гэгээн Һүмэ, Хуулиие үргэлжэ муудхажа байдаг. 14Назаредэй Иисүүс манай Һүмэ һандаргажа, Моисейн бидэндэ дамжуулжа үгэһэн бүхы ёһо гурим хубилгаха гэхыень бидэ өөһэдөө дуулаа һэмди, – гэжэ хэлүүлбэ.
15Зүблэлэй гэшүүдэй анхаралтайгаар Стефаниие шэртэхэдэнь, тэрэнэй шарай Бурханай Эльгээмэлэй шарайдал адляар үзэгдэбэ.

Actualmente seleccionado:

Хэрэгүүд 6: BurBBL2024

Destacar

Compartir

Copiar

None

¿Quieres guardar tus resaltados en todos tus dispositivos? Regístrate o Inicia sesión