Matta 8
8
Shife2 el-abras
1Lamma nezl YASOU3 min el-jabal, nes ktir le72ouh.
2Eja la-3ando rejjel 2abras, raka3 eddemo w-2allo: "ya RAB, enta edir enno teshfine eza baddak."
3Madd YASOU3 2ido w-7atta 3le w-2al: "eh, ana badde ennak teshfa, shfa!" w-deghre nshafa el-rejjel.
4W-2allo YASOU3: "ou3a tkhabbir 7ada. Bass rou7 farje 7alak lal-kehen, w-2addem el-2erben yalle farado Moussa, ta-ykoun shahede elon."
Shife2 khadim el-dabit
5Lamma wossil YASOU3 3ala Kfarna7oum, eja la-3ando dabit roumane trajjeh w-2allo:.
6"Ya RAB, khedme matrou7 bel-farshe w-mawjou3 ktir ma 3am ye2dar yet7arrak"
72allo YASOU3: "ana jeye ta eshfih."
8Jewabo el-dabit: "Ana ma beste7e2, ya RAB, ennak tfout ta7t sa2f beyte. Bass 2oul kelme we7de w-khadme biso7.
9Li2anno ana kamen khadi3 la-soulta, w-fi ta7t 2ide 3askar, b2oul la-hayda mshih, byemshe, w-la-haydak: ta3a, byeje, w-la-khadme: 3mol hek, bya3mil."
10T3ajjab YASOU3 min kalemo w-2al la-yalle le72ino:
11"B2elkon el-7a2i2a: ana ba3d ma sheft 3end 7ada bi-Isra2il metl hal-imen, w-b7ebb 2elkon: ktar ra7 yejo min el-shar2 wel-gharb ye2e3do 3al-meyde ma3 Ibrahim w-Is7ak w-Ya3koub bi-malakout el-sama,
12w-yalle ken elon el-malakout, ra7 yen7atto barra bel-3atm, w-honik ra7 ykoun el-beke wel-ta2ta2et el-snen."
13W-reje3 2al YASOU3 lal-dabit: "rou7, ra7 yet7a'2a2 yalle 2ãmanet fih." W-nshafa el-khadim min se3it el-se3a.
Shife2 7ameto la-Boutros
14W-eja YASOU3 3a-beyt Boutros, w-shef 7amet Boutros matrou7a bel-farshe w-ma7moume.
15Akhadla 2ida, w-deghre 7allet 3anna el-7emme. W-2amet saret tekhdmo.
16W-lamma sar 3ashiye, jeboulo nes ktir fiyon shyateen, bi-kelme sha7at el-arwe7, w-shafa kell el-marda.
17Ta-ysir yalle 2alo el-nabe Ashe3ya: "houe yalle akhad dou3fna w-7eml amradna."
Yalle baddo yel7a2 YASOU3
18Lamma shef YASOU3 kell hal-nes 7awlo, 2amar tlemizo ennon ye2ta3o 3al-shatt el-tene.
192arrab minno wa7ad min mou3allimi el-shari3a w-2allo: "ya mou3allim, ana badde el7a2ak matra7 ma-bitrou7."
20Jewabo YASOU3: "el-wewiyye 3endon byout, w-3safeer el-sama 3shoush, bass 2eben el-2ensen, ma 3endo matra7 yesnod raso."
21W-2allo wa7ad min tlemizo: "ya RAB, sma7le bel-awwal rou7 edfon bayye."
222allo YASOU3: "L7a2ne w-khalle el-mawta yedfno mawtehon!"
YASOU3 bisakkit el-3asfe
23Rekb YASOU3 bel-shakhtoura, w-le72ouh tlemizo.
24Faj2a habbit 3asfe 2awiye bel-ba7r, w-sar el-mawj a3la min el-shakhtoura. W-YASOU3 ken neyim.
252arrabo minno ta-ywa3ouh w-2aloulo: "ya RAB, khallesna, ra7 nmout!"
26Jewabon YASOU3: "leysh khayfin, ya alileen el-imen?" 2am, haddad el-ree7 wel-ba7r, w-hedyit el-3asfe.
27T3ajjabo el-nes w-2alo: "meen bikoun hayda ta-el-ba7r wel-ree7 bitee3ouh?"
Sha7t el-shyateen w-ghara2 el-khnezir
28Lamma 2ata3 YASOU3 3al-shatt el-tene, w-wossil 3a-manta2it el-Jidariyeen, le2ouh tnen fiyon shyateen, jeyin min el-ma2aber. W-2add ma keno sherseen, ma 3ad 7ada ye2dar yemro2 min honik.
29W-saro ysarrkho w-y2oulo: "shou elak 3leyna, ya 2eben ALLAH? Leysh jeye la-hon? asdak t3azzebna abl el-wa2et?"
30W-ken fi atee3 khnezir 3am yer3a min el-meyle el-tenye,
31Saro el-shyateen yetrajjouh la-YASOU3 w-y2oulo: "eza baddak tesh7atna, b3atna 3a-atee3 el-khnezir."
322allon: "rou7o!." Tel3o w-feto bel-khnezir, w-hajam el-atee3 kello 3al-ba7r w-gheri2 bel-may.
33Se3eta harabo el-re3yen 3al-madine w-khabbaro kell yalle sar w-2ossit yalle ken fiyon shyateen.
34W-kell ahl el-madine ejo la-3and YASOU3. W-lamma shefouh trajjouh ta-yfell min el-madine.
Actualmente seleccionado:
Matta 8: BB3arabe
Destacar
Compartir
Copiar
¿Quieres guardar tus resaltados en todos tus dispositivos? Regístrate o Inicia sesión
Lebanese.bible © 2024 Bible Society Lebanon
Bible Society street Bible Society Center Sed El Bouchryeh Beirut - Lebanon P.O.Box: 11-0747 Riad El Solh, Beirut 1107 2060, Lebanon
All Rights Reserved.
